Жария оферта

1.Жалпы ережелер

1.1. Оферта АК-нің 395-бабының 5-тармағы мағынасында жария оферта болып табылады: ол Шарттың барлық елеулі талаптарын қамтиды және Орындаушының 1.2-тармақтың талаптарына сай келетін, Офертаның талаптарын қабылдайтын кез келген тұлғамен Шарт жасасу еркін білдіреді.

1.2. Оферта тек 18 жасқа толған және толық әрекет қабілеттілігі бар жеке тұлғаларға ғана арналған және оны олар жеке тұлға ретінде акцептейді. Оферта дара кәсіпкер ретінде акцептелмейді; заңды тұлғалар Офертаны акцептемейді және олармен Шарт жасалмайды. Акцепт жасаған тұлға, оның ішінде егер ол Қызметтерді басқа тұлғалардың мүддесінде пайдаланса да, жеке өзі Тапсырысшы болып табылады.

1.3. Шарт қосылу шарты болып табылады (АК-нің 389-бабы): оның талаптарын Орындаушы стандартты нысанда белгілеген және Тапсырысшы оларды тек Шартқа тұтастай қосылу жолымен ғана қабылдайды. Шарттың талаптары мен Тарифтер барлық Тапсырысшылар үшін бірдей. 20-бөлімде белгіленген айырмашылықтар — бұл Тұтынушыларға Қазақстан Республикасының тұтынушылардың құқықтарын қорғау туралы заңнамасының императивтік нормаларын қолдану, өзге коммерциялық талаптар емес.

1.4. Шарт мынадай құжаттардан тұрады:

• осы Оферта;
• № 1 қосымша — Қызмет көрсету деңгейі туралы келісім (SLA);
• № 2 қосымша — Жол берілетін пайдалану қағидалары (AUP), бұдан әрі — Қағидалар;
• Ақша қаражатын қайтару саясаты, бұдан әрі — Қайтару саясаты, Шарт талаптарының бөлігі ретінде;
• Тапсырысшы Басқару панелінде таңдаған Тариф.

1.5. Құпиялылық саясаты Орындаушының Дербес деректерді өңдеу тәртібі туралы ақпараттық құжаты болып табылады. Дербес деректерді жинауға және өңдеуге келісім — дербес деректер субъектісінің өз бетінше ерік білдіруі; ол бөлек беріледі және Шарттың бөлігі болып табылмайды.

1.6. Шартты құрайтын құжаттар арасында қайшылық болған кезде Оферта, содан кейін № 1 және № 2 қосымшалар мен Қайтару саясаты қолданылады. № 1 және № 2 қосымшалар мен Қайтару саясаты Офертаның талаптарын өз мәні бойынша егжей-тегжейлейді: Қағидалар — Қызметтерді пайдалану, Абузаларды қарау тәртібін, Орындаушының шараларын және Бұзушылықтар үшін жауаптылықты; № 1 қосымша — Қолжетімділік деңгейін және Өтемақыны; Қайтару саясаты — ақша қаражатын қайтарудың құрамын, қайтарылатын сомадан ұстап қалуды, қайтарудың мерзімдері мен тәртібін және төлемдерге дау айтуды. Мұндай құжаттың неғұрлым егжей-тегжейлі қағидасы Офертаға қайшылық деп есептелмейді және, егер Оферта бұл жағдай үшін тікелей өзге қағида белгілемесе, қолданылады. Қағидалар мен Қайтару саясаты арасында Бұзушылықтар, шаралар және айыппұлдар мәселелерінде қайшылық болған кезде Қағидалар қолданылады, ал қайтару және ұстап қалу мәселелерінде — Қайтару саясаты. Өтемақының мөлшері мен оны есептеу тәртібі мәселелерінде № 1 қосымша қолданылады. Тариф Қызметтің сандық сипаттамалары — виртуалды процессорлардың саны, жедел жад пен диск көлемі, IP-мекенжайлардың саны мен түрі, сәттік көшірмелер слоттарының саны, кіріс және шығыс трафиктің жылдамдығы, Тарифке енгізілген трафик көлемі және одан асып кету талаптары (6.10-тармақ) — және оның құны бөлігінде қолданылады; Тариф ауыстырылғаннан кейін Сервер дискісінің көлемі 5.4-тармақ ескеріле отырып айқындалады; Тариф туралы өзге мәліметтер 3.4-тармақтағы тізбені өзгертпейді. Тұтынушы үшін тапсырысты ресімдеу кезінде оған Басқару панелінде көрсетілген Қызмет туралы мәліметтер Қазақстан Республикасының тұтынушылардың құқықтарын қорғау туралы заңнамасы мағынасында Қызмет туралы ақпарат болып табылады және осы тармақ оның мұндай ақпаратқа қатысты құқықтарын шектемейді (20.4-тармақ).

1.7. Сайттың жарнамалық, жаңалықтық және анықтамалық материалдары, білім базасының мақалалары және маркетингтік сипаттамалар оферта жасасуға шақыру болып табылады (АК-нің 395-бабының 4-тармағы) және Шарттың талаптары болып табылмайды. Қызметтің құрамы мен сипаттамалары тапсырысты ресімдеу кезінде Басқару панелінде көрсетілетін Тарифпен және Шартпен айқындалады. Осы тармақ Тұтынушының Қазақстан Республикасының тұтынушылардың құқықтарын қорғау туралы заңнамасында көзделген Қызмет туралы ақпаратқа қатысты құқықтарын шектемейді.

1.8. Шарт электрондық нысанда мәміле жасау арқылы жазбаша нысанда жасалады (АК-нің 152-бабының 1-1-тармағы). Сайтта орналастырылған Оферта, Тапсырысшының акцепті және Тараптардың 16-бөлімде белгіленген тәртіппен жіберілген хабарлары субъектілерді және олардың ерік білдіруінің мазмұнын айқындайтын құжаттар алмасу деп танылады (АК-нің 152-бабының 3-тармағы, 394-бабының 2-тармағы).

1.9. Оферта Орындаушы оны қайтарып алғанға дейін қолданылады. Офертаны қайтарып алу немесе өзгерту, 17-бөлімде белгіленген тәртіппен енгізілген өзгерістерді қоспағанда, Тапсырысшылармен жасалып қойған Шарттарды қозғамайды.

1.10. Шарттың барлық құжаттарындағы уақыт — Қазақстан Республикасының бүкіл аумағында қолданылатын Астана уақыты (UTC+5) (Қазақстан Республикасы Үкіметінің 2000 жылғы 23 қарашадағы № 1749 қаулысының 3-тармағы). Егер Хабарламада уақыт дүниежүзілік үйлестірілген уақыт бойынша «UTC» белгісімен көрсетілсе, ол осы уақыт бойынша айқындалады. Егер тікелей өзгеше көрсетілмесе, ақша сомалары теңгемен көрсетілген.

1.11. Оферта, оның № 1 және № 2 қосымшалары және Қайтару саясаты Сайтта қазақ және орыс тілдерінде орналастырылады («Қазақстан Республикасындағы тіл туралы» Қазақстан Республикасы Заңының 15-бабы). Екі тілдегі мәтіндерде бірдей талаптар жазылады; мәтіндердің заңды күші, тармақтарының нөмірленуі, редакция күні және күшіне енетін күні бірдей; Орындаушы оларды бір мезгілде жариялайды және өзгертеді. Тапсырысшы Офертаны акцептеу арқылы Шартпен қай тілде танысқанына қарамастан, екі тілде жазылған Шартқа қосылады.

1.11.1. Қазақ және орыс тілдеріндегі мәтіндердің арасындағы алшақтық түсіндіру арқылы жойылады (АК-нің 392-бабының 1-тармағы): Шарт талабының бір тілдегі мәтіні оның екінші тілдегі мәтінімен, сондай-ақ Шарттың басқа талаптарымен және бүкіл Шарттың мағынасымен салыстырылады. Егер алшақтық осылайша жойылмаса, Тұтынушыға талаптың ол үшін неғұрлым қолайлы мәні, ал Тапсырысшы-кәсіпкерге орыс тіліндегі мәтіннен туындайтын мәні қолданылады.

1.11.2. Алшақтықты анықтаған Орындаушы мәтіндерді бір-біріне сәйкес келтіреді. 1.11.1-тармақ бойынша Тапсырысшыға қолданылған талаппен салыстырғанда оның жағдайын нашарлататын түзету 17-бөлімде белгіленген тәртіппен енгізіледі және күшіне енгенге дейін Тапсырысшыға қолданылмайды; Тапсырысшының жағдайын нашарлатпайтын түзету жарияланған күнінен бастап қолданылады.

2.Терминдер мен анықтамалар

2.1. Шартта мынадай терминдер пайдаланылады.

Орындаушы

ЖК «Куличенко О.Н.» (ЖСН 770530400037); Қызметтер vds.rent белгілемесімен көрсетіледі.

Тапсырысшы

18 жасқа толған және толық әрекет қабілеттілігі бар, Орындаушымен Шарт жасасқан жеке тұлға.

Тұтынушы

Қызметтерге жеке, отбасында, үй ішінде және кәсіпкерлік қызметпен байланысты емес өзге де пайдалану үшін ғана тапсырыс беретін және (немесе) оларды пайдаланатын Тапсырысшы, — өзі осындай мұқтаждар үшін тапсырыс беретін және пайдаланатын Серверлерге қатысты (4.4–4.5.3-тармақтар).

Тапсырысшы-кәсіпкер

Тұтынушы болып табылмайтын Тапсырысшы: Қызметтерге кәсіпкерлік қызмет үшін тапсырыс беретін және (немесе) оларды пайдаланатын Тапсырысшы, — өзі осындай қызмет үшін тапсырыс беретін және (немесе) пайдаланатын Серверлерге қатысты (4.4–4.5.3-тармақтар).

Пайдаланушы

Сайтты немесе Басқару панелін пайдаланатын жеке тұлға, оның ішінде Тапсырысшы, оның өкілі және Қосалқы пайдаланушы.

Қосалқы пайдаланушы

Тапсырысшы Басқару панелінің құралдарымен Есептік жазбаға немесе жекелеген Серверлерге қол жеткізуді ұсынған жеке тұлға.

Тараптар

Орындаушы және Тапсырысшы; олардың әрқайсысы — Тарап.

Сайт

Орындаушының https://vds.rent мекенжайындағы интернет-ресурсы.

Басқару панелі

Тапсырысшының Сайттағы сілтеме арқылы қолжетімді жеке кабинеті және бағдарламалық интерфейс (API), олардың көмегімен Тапсырысшы Қызметтерге тапсырыс береді, оларды басқарады және Орындаушымен хабар алмасады.

Өтініштер жүйесі

Пайдаланушының Орындаушымен хат-хабар алысуына арналған Басқару панелінің бөлімі.

Есептік жазба

Орындаушының ақпараттық жүйесіндегі Тапсырысшыны сәйкестендіретін және аутентификация құралдарымен қорғалған жазба.

Шарт

Орындаушы мен Тапсырысшы арасында Офертаның, № 1 қосымшаның, № 2 қосымшаның және Қайтару саясатының талаптарымен жасалған өтелмелі қызмет көрсету шарты.

Оферта

https://vds.rent/kk/offer мекенжайында (орыс тіліндегі мәтіні — https://vds.rent/offer) орналастырылған осы құжат.

Қызметтер

құрамы мен сипаттамалары Тарифпен айқындалған, Орындаушының Тапсырысшыға Сервердің есептеу ресурстарына қашықтан қол жеткізуді ұсыну жөніндегі көрсетілетін қызметтері және ілеспе көрсетілетін қызметтер (IP-мекенжайлар, сәттік көшірмелер, таңдалған профиль бойынша DDoS-шабуылдардан қорғау, Басқару панелі).

Тариф

тапсырыс беру кезінде Басқару панелінде көрсетілген Қызметтің құрамы, сипаттамалары және құны.

Сервер

Орындаушы пайдаланатын жабдықта виртуалдандыру құралдарымен құрылатын, Тариф бойынша сипаттамалары бар виртуалды сервер.

Дербес шот

Тапсырысшы Қызметтер үшін аванс ретінде енгізген ақша қаражаты, оларды есептен шығару және есептеу көрсетілетін, Орындаушының биллинг жүйесіндегі есептік жазба; Дербес шот банктік шот немесе электрондық әмиян болып табылмайды.

Есеп айырысу кезеңі

Сервер құрылған кезден бастап, ал ұзартылған кезде — алдыңғы Есеп айырысу кезеңі аяқталған кезден бастап басталатын, ұзақтығы бір ай болатын Қызметті көрсету кезеңі.

Бонустар

Орындаушы Дербес шотқа өтеусіз есептеген қаражат (промокодтар, акциялар бойынша, DDoS-шабуылдардың трафигі үшін есептеу түрінде және Орындаушы жариялаған өзге де жағдайларда); Бонустар тек Қызметтерге ақы төлеу үшін ғана пайдаланылады және Тапсырысшының ақша қаражаты болып табылмайды.

Өтемақы

№ 1 қосымша бойынша Қолжетімділік төмендеген кезде Тапсырысшының Дербес шотына есептелетін сома.

Бұзушылық

Жол берілетін пайдалану қағидаларын немесе Офертаны бұзатын әрекет немесе әрекетсіздік, сондай-ақ Қызметтерді, Серверді, Тапсырысшыға бөлінген IP-мекенжайларды немесе Есептік жазбаны пайдалана отырып не Шартты жасасу, орындау немесе оған ақы төлеу кезінде Қазақстан Республикасының заңнамасын бұзу.

Абуза

Тапсырысшының Серверімен, IP-мекенжайымен немесе Есептік жазбасымен байланысты болжамды Бұзушылық туралы үшінші тұлғаның, уәкілетті органның, оқыс оқиғаларға ден қою жөніндегі ұйымның шағымы немесе өзге хабары не Орындаушы анықтаған мәліметтер.

Дербес деректер

«Дербес деректер және оларды қорғау туралы» Қазақстан Республикасының Заңында берілген мағынадағы дербес деректер.

Хабарлама

Офертаның 16-бөлімінде белгіленген тәртіппен жіберілген заңды маңызы бар хабар.

Жұмыс күні

Қазақстан Республикасында демалыс немесе мереке күні болып табылмайтын күн.

Резидент, бейрезидент

«Валюталық реттеу және валюталық бақылау туралы» Қазақстан Республикасының Заңында берілген мағыналарда.

АК

Қазақстан Республикасының Азаматтық кодексі (Жалпы бөлім және Ерекше бөлім).

АПК

Қазақстан Республикасының Азаматтық процестік кодексі.

Цифрлық кодекс

2026 жылғы 9 қаңтардағы № 255-VIII Қазақстан Республикасының Цифрлық кодексі.

Тұтынушылардың құқықтарын қорғау туралы заң

«Тұтынушылардың құқықтарын қорғау туралы» Қазақстан Республикасының Заңы.

Дербес деректер туралы заң

«Дербес деректер және оларды қорғау туралы» Қазақстан Республикасының Заңы.

2.2. «Қолжетімділік», «Қолжетімсіздік», «Есепті кезең», «Жоспарлы жұмыстар» және «Авариялық жұмыстар» терминдері № 1 қосымшада берілген мағыналарда пайдаланылады. «Туннельдеу» және «Инциденттер сыныптары» терминдері № 2 қосымшада берілген мағыналарда пайдаланылады. Офертада аталатын уәкілетті органдар — Қазақстан Республикасының заңдарында белгіленген өкілеттіктер шегінде әрекет ететін Қазақстан Республикасының мемлекеттік органдары мен соттары (№ 2 қосымшада берілген мағынадағы Уәкілетті орган); шет мемлекеттердің органдары оларға жатпайды және олардың сұрау салулары тек 14.7-тармақта белгіленген тәртіппен ғана орындалады.

2.3. Өзге терминдер Қазақстан Республикасының заңнамасында белгіленген мағыналарда, ал олар болмаған кезде — ақпараттық технологиялар саласында әдетте қолданылатын мағыналарда пайдаланылады.

2.4. Егер Орындаушы дара кәсіпкер болып табылса, Шарт бойынша Орындаушының қызметкері қабылдайтын немесе жасайтын шешімдер мен әрекеттерді Орындаушының өзі де қабылдауға және жасауға құқылы. Өтініштерді, Абузаларды және қарсылықтарды қарауға және олар бойынша шешімдер қабылдауға Орындаушы бұған уәкілеттік берген жеке тұлға да (Дербес деректерді жинауға және өңдеуге келісімде берілген мағынадағы Уәкілетті қызметкер) құқылы; мұндай тұлға, егер ол Орындаушының қызметкері болып табылмаса, 14.3-тармақ бойынша Сервердің және Есептік жазбаның мазмұнына қол жеткізу мүмкіндігін алмайды.

3.Шарттың мәні

3.1. Шарттың талаптарымен Орындаушы Тапсырысшыға Қызметтерді көрсетуге, ал Тапсырысшы оларға ақы төлеуге міндеттенеді. Шарт өтелмелі қызмет көрсету шарты болып табылады (АК-нің 683-бабының 2-тармағы). Орындаушының Сервері, жабдығы және бағдарламалық қамтылымы Тапсырысшыға иеленуге немесе пайдалануға берілмейді; Тапсырысшы Тариф көлемінде есептеу ресурстарына қашықтан қол жеткізу мүмкіндігін алады.

3.2. Орындаушы есептеу ресурстарын, желілік қосылымды және Басқару панелін Қызметтерді көрсету кезінде олар қандай күйде қолжетімді болса, сол күйінде, Тарифтің сипаттамаларының көлемінде ұсынады; Сервердің Қолжетімділігі № 1 қосымшада белгіленген деңгейде қамтамасыз етіледі. Шартта тікелей көрсетілгендерден басқа кепілдіктерді Орындаушы бермейді, оның ішінде Қызметтердің Тапсырысшының нақты мақсаттарына жарамдылығына, олардың Тапсырысшының бағдарламалық қамтылымымен үйлесімділігіне, Тапсырысшының коммерциялық немесе өзге нәтижелерге қол жеткізуіне және Сервердің үшінші тұлғалардың жекелеген желілерінен қолжетімділігіне кепілдік бермейді. Тапсырысты ресімдегенге дейін Орындаушыны тапсырыстың нақты мақсаттары туралы хабардар еткен Тұтынушының құқықтары Тұтынушылардың құқықтарын қорғау туралы заңның 29-бабының 4-тармағымен айқындалады. Басқару панелінде қорғау профилін, үлгіні немесе баптауды таңдау және Сервердің атауы тапсырыстың мақсаты туралы хабардар ету болып табылмайды. Егер Тұтынушы тапсырысты ресімдегенге дейін Өтініштер жүйесі арқылы Қызметті Қағидалар бойынша пайдалануға болмайтын мақсат туралы хабарлаған болса, Орындаушы бұл туралы оған Сервер құрылғанға дейін хабарлайды; ақы төленгенге дейін назарға жеткізілген 3.11-тармақтың шектеулері осындай мақсатқа да қолданылады. Осы тармақ Тұтынушының Қазақстан Республикасының тұтынушылардың құқықтарын қорғау туралы заңнамасында көзделген құқықтарын шектемейді.

3.3. Сервер басқарылмайтын сервер ретінде ұсынылады: Тапсырысшы оның жалғыз әкімшісі болып табылады. Орындаушы Серверді құру және қайта орнату кезінде тек бастапқы баптауды ғана орындайды — Тапсырысшы таңдаған операциялық жүйе бейнесін өрістету, операциялық жүйеге желілік параметрлерді, оның ішінде DNS-резолверлерді, Тапсырысшы белгілеген есептік деректерді және пакеттер көздерін жазу, сондай-ақ қонақ агентін орнату (3.8 және 3.9-тармақтар), — ал Сервер жүктелген кезде бастапқы баптау құралдарымен оның желілік параметрлерін және пакеттер көздерін қалпына келтіре алады. Қалған бөлігінде Орындаушы Сервер ішіндегі операциялық жүйе мен бағдарламалық қамтылымды орнатпайды, баптамайды, жаңартпайды және әкімшілендірмейді әрі олардың қауіпсіздігін қамтамасыз етпейді, Орындаушы орнатқан қонақ агенті мен желілік баптауларды қоспағанда, — Тапсырысшы оларды өзгерткенге немесе алып тастағанға дейін (№ 1 қосымшаның 2.3.4-тармағы); бұл әрекеттерді Тапсырысшы жасайды (Қағидалардың 10-бөлімі).

3.4. Қызметке мыналар кірмейді және оларды Орындаушы қамтамасыз етпейді:

• Серверде орналастырылған ақпаратты резервтік көшіру;
• резервтік көшіру құралы ретіндегі сәттік көшірмелер: сәттік көшірме тек өшірілген Серверде ғана жасалады, Сервердің дискісімен бір жеткізгіште сақталады, Сервермен бірге алып тасталады және жеткізгіштің немесе жабдықтың жоғалуынан қорғамайды;
• процессор уақытының кепілдік берілген үлесі: виртуалды процессорлар (vCPU) жабдықтың ортақ пайдаланылатын ресурстары болып табылады, Сервердің өнімділігі сол жабдықтағы басқа Серверлердің жүктемесіне байланысты болуы мүмкін;
• жария IPv4-мекенжай, яғни Сервер Интернет желісінен қолжетімді болатын мекенжай, егер Тариф оны тікелей жария деп атамаса; мекенжайларды трансляциялау (NAT) артындағы жеке желінің мекенжайы жария болып табылмайды (3.7-тармақ);
• Сервердің IP-мекенжайлары үшін кері DNS-жазба (PTR);
• Сервердің IP-мекенжайларының және олар кіретін желілердің бұғаттау тізімдерінде болмауы және үшінші тұлғалардың осы мекенжайларға қатысты өзге де шектеулерінің болмауы: босатылған IP-мекенжай басқа тапсырысшыға берілуі (3.7-тармақ) және бұрынғы пайдаланушының әрекеттерінің салдарын сақтауы мүмкін, Сервердің IPv6-мекенжайы басқа Серверлер мен жабдықтың мекенжайлары орналасқан желіге кіреді, ал мекенжайларды трансляциялауы (NAT) бар Сервердің сыртқы мекенжайы басқа Серверлермен бірлесіп пайдаланылады;
• Сервер дискілерін шифрлау және Серверді алып тастау кезінде жеткізгіштегі деректерді қайта жазып жою: дискілерді Орындаушы шифрламайды және Серверді алып тастау кезінде олар жеткізгіштегі деректерді қайта жазып жоймай, сақтау жүйесінің құралдарымен алып тасталады;
• IPv6 және IPv4 хаттамаларын түрлендіру: тек IPv6-мекенжай ғана бөлінген Серверде тек IPv4 хаттамасы бойынша ғана жұмыс істейтін ресурстармен байланыс болмауы мүмкін;
• ақауға төзімділік: жабдық істен шыққан кезде Сервер жабдық қалпына келтірілгенге дейін қолжетімсіз болады, Серверді басқа жабдыққа автоматты түрде көшіру жүргізілмейді;
• Тапсырысшы қорғау профилін таңдамаған Сервер үшін және Басқару панелінде қорғау қолжетімсіз деп белгіленген жабдықтағы Сервер үшін DDoS-шабуылдарды сүзгілеу, ал профилі бар Сервер үшін — желі мен жабдық сыйымдылығынан тыс сүзгілеу (5.10-тармақ);
• қолдау мерзімі аяқталған операциялық жүйелер бейнелерін жаңарту: мұндай бейнелер Басқару панелінде белгіленген және олар қандай күйде қолжетімді болса, сол күйінде ұсынылады.

3.5. Серверлер құрылатын жабдық Қазақстан Республикасының шегінен тыс орналасқан. Жабдық орналасқан мемлекет пен қала әрбір локация үшін Басқару панелінде тапсырысты ресімдеу кезінде, ақы төленгенге дейін көрсетіледі және жабдықтың іс жүзінде орналасқан жеріне сәйкес келуге тиіс; локациялардың тізбесі Сайтта да жарияланады.

3.6. Орындаушы Қызметтерді көрсетуге үшінші тұлғаларды, оның ішінде деректерді өңдеу орталықтарының иелерін, Орындаушыға серверлік жабдық пен IP-мекенжайларды ұсынатын тұлғаларды, байланыс операторларын, жабдық пен бағдарламалық қамтылымды жеткізушілерді тартуға құқылы (АК-нің 684-бабы). Мұндай тұлғалардың іс-әрекеттері үшін жауаптылық 12-бөліммен айқындалады.

3.7. IP-мекенжайлар Тапсырысшыға Қызметті көрсету мерзіміне уақытша пайдалануға беріледі және оған тиесілі болмайды. Сервердің IP-мекенжайларының саны мен түрі (IPv4 немесе IPv6) Тарифте көрсетіледі. Егер Тарифте IPv6-мекенжай көзделсе, Тарифте өзгеше көзделмеген жағдайда Серверге бір IPv6-мекенжай (/128) бөлінеді; Тарифінде IPv4-мекенжай көрсетілмеген Сервер тек IPv6-мекенжайды ғана алады. Тариф тікелей жария деп атайтын мекенжай ғана жария IPv4-мекенжай болып табылады; Интернет желісіне шығуы мекенжайларды трансляциялау (NAT) арқылы қамтамасыз етілетін жеке диапазондағы мекенжай жария болып табылмайды және Тапсырысшыға айрықша пайдалануға бөлінбейді: сол сыртқы мекенжай арқылы басқа Серверлердің трафигі берілуі мүмкін. IP-мекенжайларды ауыстыру және алып қою Қағидалардың 8-бөлімі бойынша жүргізіледі. Босатылған IP-мекенжай босатылғаннан кейін 24 сағат өткен соң ғана басқа тапсырысшыға берілуі мүмкін. Егер Сервердің IP-мекенжайы Сервермен байланысты емес себеп бойынша бұғаттау тізіміне енгізілсе, Орындаушы Тапсырысшының Өтініштер жүйесіндегі өтінімі бойынша оны, егер мұндай мекенжай болса, сол түрдегі бос мекенжаймен Қағидалардың 8-бөлімінде белгіленген тәртіппен ауыстырады; ауыстыру кезіндегі Сервердің қолжетімсіздік уақыты № 1 қосымшаның 5.11-тармағының қағидалары бойынша есепке алынады.

3.8. Алғашқы жүктеу кезінде Сервердің операциялық жүйесіне қонақ агенті орнатылады, ол арқылы Басқару панелінің функциялары жұмыс істейді: Сервердің файлдарымен жұмыс істеу, парольді ысыру, күйі туралы мәліметтер алу, Тапсырысшының кестесі бойынша командаларды орындау. Тапсырысшы қонақ агентін алып тастауға құқылы; бұл жағдайда санамаланған функциялар жұмыс істемейді, бұл Қызметтің кемшілігі болып табылмайды. Орындаушы қызметкерлерінің осы техникалық құралдарды пайдалану тәртібі 14.3-тармақта айқындалған.

3.9. Сервер құрылған кезде оның операциялық жүйесінде үшінші тұлғалардың жария DNS-резолверлері көрсетіледі. Тапсырысшы оларды өз таңдауы бойынша өзгертуге құқылы.

3.10. Сайтқа, Басқару панеліне және Орындаушының бағдарламалық қамтылымына құқықтар Орындаушыға немесе оның лицензиарларына тиесілі; vds.rent белгілемесін Орындаушы Қызметтерді дараландыру үшін пайдаланады (21-бөлім).

3.11. Тапсырысшы ақы төлегенге дейін Қызметтің оның қасиеттері болып табылатын мынадай елеулі шектеулерін ескереді:

• Серверде VPN-серверлерге және VPN-сервистерге, проксиге, анонимайзерлерге, Tor, I2P және өзге де анонимдейтін желілердің түйіндеріне және Туннельдеуге, оның ішінде Тапсырысшының жеке пайдалануы үшін де, сондай-ақ мұндай сервистерді басқару, сату және тарату құралдарына, олардың түйіндері қай жерде орналасқанына қарамастан, тыйым салынған; Тапсырысшының серверлері арасындағы Интернет желісіне шығусыз және үшінші тұлғалардың қол жеткізуінсіз жеке желіге тек Орындаушының алдын ала жазбаша келісімімен ғана жол беріледі, Орындаушы бұл келісімді кері қайтарып алуға құқылы (Қағидалардың 5-бөлімі, 16.9-тармақ);
• цифрлық активтерді майнингтеуге және Серверде .KZ және .ҚАЗ домендеріндегі интернет-ресурстарды орналастыруға тыйым салынған (Қағидалардың 4-бөлімі);
• 25 пошта портына шығыс қосылымдар жабық (5.9-тармақ);
• Серверде Қазақстан Республикасының аумағында сақталуға жататын Дербес деректерді сақтауға болмайды (14.4-тармақ);
• Қызметте резервтік көшіру, ақауға төзімділік және процессор уақытының кепілдік берілген үлесі жоқ, Сервер дискілерін Орындаушы шифрламайды, ал IPv4-мекенжайы жоқ Серверде тек IPv4 хаттамасы бойынша ғана жұмыс істейтін ресурстармен байланыс болмауы мүмкін (3.4-тармақ);
• Сервердің кіріс және шығыс трафигінің жылдамдығы Тарифтің мәндерімен шектелген; Орындаушы желіні қорғау үшін қолданатын техникалық шектеулер (Қағидалардың 9-бөлімі), 6.10-тармақта көзделген жағдайлар мен Қағидалар бойынша қолданылған шараларды қоспағанда, Сервердің жылдамдығын Тарифте көрсетілгеннен төмен түсірмейді; кіріс және шығыс трафиктің шекті жылдамдығы Сайттағы Тариф сипаттамасында және тапсырысты ресімдеу кезінде Басқару панелінде, ал Тарифке енгізілген трафик көлемі және оның таусылуының салдары, оның ішінде Сервер жылдамдығының төмендеуі, — Тарифте (6.10-тармақ) көрсетіледі; жабдықтың желілік портын Серверлер бірлесіп пайдаланады, ал Сайтта немесе Басқару панелінде порт жылдамдығының көрсетілуі Сервердің кепілдік берілген жылдамдығын білдірмейді;
• Сервердің IP-мекенжайларының беделіне кепілдік берілмейді: бұғаттау тізімдерінің, пошта жүйелерінің және интернет-ресурстардың операторлары Сервердің IP-мекенжайларынан немесе олар кіретін желіден келетін трафикті, оның ішінде мекенжайдың бұрынғы пайдаланушыларының және сол желінің басқа пайдаланушыларының әрекеттері салдарынан шектеуі мүмкін; мұндай шектеулер Қызметтің кемшілігі болып табылмайды (3.4-тармақ);
• жекелеген интернет-ресурстар мен сервистердің иегерлері Сервердің IP-мекенжайларынан қол жеткізуді олардың тиесілілігі немесе жабдықтың орналасқан жері белгісі бойынша шектеуі мүмкін; үшінші тұлғалардың мұндай шектеулері Қызметтің кемшілігі болып табылмайды;
• желілері арқылы Сервердің трафигі берілетін байланыс операторлары мен өзге де тұлғалар, оның ішінде жабдық орналасқан мемлекеттегі (3.5-тармақ), трафиктің жекелеген түрлерін беруді, Серверден жекелеген интернет-ресурстарға қол жеткізуді және жекелеген желілерден Серверге қол жеткізуді шектеуі немесе баяулатуы мүмкін; Орындаушы енгізбеген мұндай шектеулер Қызметтің кемшілігі болып табылмайды, ал өзіне белгілі болған шектеулер туралы Орындаушы, егер бұған заңмен немесе Қазақстан Республикасының уәкілетті мемлекеттік органының талабымен тыйым салынбаса, Тапсырысшыға хабарлайды.

3.11.1. Тапсырысшы ақы төлегенге дейін қабылдайтын (4.1-тармақ) осы Офертада 3.11-тармақтың шектеулері келтірілген; Тапсырысшының олармен танысқаны туралы белгісіз Орындаушы тапсырысты ресімдемеуге құқылы. Мұндай белгі Тапсырысшының осы шектеулермен танысқанын, ал Тапсырысшы-кәсіпкердің белгісі — сондай-ақ осы шектеулері бар Қызметтердің оның мақсаттарына сәйкес келетінін растайды. Тұтынушы үшін бұл растау ақпарат алғанының дәлелдемесі болып табылады және оның Тұтынушылардың құқықтарын қорғау туралы заңның 10-бабының 2-тармағы бойынша құқықтарын шектемейді.

4.Шарт жасасу және Есептік жазба

4.1. Тапсырысшының мынадай әрекеттерінің кез келгені Офертаның акцепті деп танылады:

• Шартты құрайтын (1.4-тармақ) № 1 және № 2 қосымшаларды және Қайтару саясатын қоса алғанда, Офертаны қабылдағаны туралы белгі қоя отырып, Басқару панелінде Есептік жазбаны тіркеу — Офертаны қабылдағаны туралы электрондық нысандағы жауап (АК-нің 396-бабының 1-тармағы, 152-бабының 1-1 және 3-тармақтары);
• Қызметтерге ақы төлеу немесе Дербес шотты толықтыру — АК-нің 396-бабының 3-тармағы бойынша әрекет арқылы акцепт; бұл ретте Шарттың жазбаша нысаны сақталған (АК-нің 394-бабының 2-тармағы).

4.2. Шарт Орындаушы акцептті алған кезден бастап жасалды деп есептеледі: тіркеу кезінде — Орындаушының ақпараттық жүйесінде тіркеу аяқталған кезден бастап, ақы төлеу арқылы акцепт жасалған кезде — төлем есепке жазылған кезден бастап. Шарт Офертаның осы сәтте қолданыстағы редакциясының талаптарымен жасалады; кейінгі өзгерістер 17-бөлімде белгіленген тәртіппен қолданылады.

4.3. Бұзушылықтар үшін тұрақсыздық айыбы (айыппұл) туралы талаптар Шарттың бөлігі болып табылатын Қағидалардың 16-бөлімінде қамтылған. Тұрақсыздық айыбы туралы келісім жазбаша нысанда жасалды: Шарт, Қағидалардың 16-бөлімін қоса алғанда, Офертаны акцептеу арқылы жазбаша нысанда жасалады (1.8-тармақ; АК-нің 294-бабы, 394-бабының 2-тармағы және 396-бабының 3-тармағы). Бұдан басқа, Тапсырысшы Қағидалардың 16-бөліміндегі тұрақсыздық айыбы туралы талаптарды қабылдағаны туралы бөлек белгіні тіркеу кезінде, ал егер ол тіркелген кезде мұндай белгі көзделмеген болса, — Есептік жазбаға кіргеннен кейінгі алғашқы ақы төлеуге дейін қояды; Қағидалардың 16-бөлімі 17.8-тармақта көрсетілгендей өзгертілген кезде жаңа редакцияны қабылдағаны туралы белгі өзгерістер күшіне енгеннен кейінгі алғашқы ақы төлеуге дейін қойылады. Белгі Тапсырысшының осы талаптармен танысқанын және олармен келісетінін растайды және 4.9-тармақ бойынша журналда тіркеп-белгіленеді (Цифрлық кодекстің 47-бабының 3-тармағы). Белгінің болмауы Тапсырысшыны ол Шарттың құрамында қабылдаған Қағидалардың 16-бөлімінің талаптарынан босатпайды.

4.4. Тапсырысшы Шартты жасайды және Қызметтерге жеке тұлға ретінде тапсырыс береді (1.2-тармақ); тапсырыс берудің кәсіпкерлік мақсаты туралы мәлімдеме Шартта көзделмеген. Тапсырысшының мәртебесі әрбір Серверге қатысты Қызметтерге тапсырыс беру мен оларды пайдаланудың іс жүзіндегі мақсатымен айқындалады (4.5–4.5.3-тармақтар).

4.5. Тапсырысшының Қызметтерге іс жүзінде кәсіпкерлік қызмет үшін тапсырыс беретіні немесе оларды пайдаланатыны дәлелденгенге дейін ол Тұтынушы деп есептеледі. Тапсырысшы тек жеке мұқтаждар үшін ғана тапсырыс беретін және пайдаланатын Серверге қатысты ол, оның басқа Серверлері кәсіпкерлік қызмет үшін пайдаланылатын жағдайда да, Тұтынушы болып табылады. Тапсырысшы-кәсіпкердің АК-нің 389-бабының 2-тармағында көзделген негіздер бойынша Шартты бұзу туралы талабына АК-нің 389-бабының 3-тармағы қолданылады.

4.5.1. Сервердің кәсіпкерлік қызмет үшін, оның ішінде жеке пайдаланумен ұштастырылып пайдаланылатынын, атап айтқанда, мынадай мән-жайлар куәландырады:

• Серверде интернет-ресурс немесе сервис орналастырылған, ол арқылы тауарлар, жұмыстар немесе көрсетілетін қызметтер өткізіледі, төлемдер қабылданады не ақыға жарнама орналастырылады;
• Сервердің ресурстары немесе оған қол жеткізу үшінші тұлғаларға ақыға ұсынылады;
• Сервер дара кәсіпкердің немесе заңды тұлғаның қызметі үшін, оның ішінде Тапсырысшының клиенттеріне немесе жұмыс берушісіне қызмет көрсету үшін пайдаланылады;
• Қызметтерге кәсіпкерлік қызмет үшін пайдаланылатын банктік шоттан ақы төленеді.

4.5.2. Орындаушы 4.5.1-тармақта көрсетілген мән-жайды анықтаған кезде Тапсырысшыға осы мән-жай көрсетілген Хабарлама жіберуге құқылы. Тапсырысшы-кәсіпкерлерге арналған талаптар Тапсырысшыға Серверге қатысты осы Серверді кәсіпкерлік қызмет үшін пайдалану басталған күннен бастап қолданылады. Бұл күн Тапсырысшының мойындауымен немесе заңды күшіне енген сот шешімімен, оның ішінде Тапсырысшының мәртебесі маңызы бар дау бойынша шешіммен айқындалады; Орындаушы Тапсырысшының мәртебесін өз бетінше белгілемейді. Мойындау немесе сот шешімі болғанға дейін Орындаушы Тапсырысшыға Шарттың Тұтынушы туралы ережелерін қолданады, ал Тапсырысшы-кәсіпкерден Тұтынушы үшін белгіленген сомалардан тыс алынуға тиісті сомаларды мойындау болғаннан немесе сот шешімі заңды күшіне енгеннен кейін өндіріп алуға құқылы.

4.5.3. Егер Тапсырысшы бір Серверлерге қатысты Тұтынушы, ал басқаларына қатысты Тапсырысшы-кәсіпкер болып табылса, Серверге қатысты талаптар оның осы Серверге қатысты мәртебесі бойынша қолданылады. Тапсырысшы-кәсіпкерлерге арналған, жекелеген Серверге қатысы жоқ талаптар (4.6, 4.12, 18.4 және 18.5-тармақтар, 17.6-тармақтың Тапсырысшы-кәсіпкердің үндемей қалуы туралы ережесі, 6.14-тармақ бойынша есепке жатқызу) тек кәсіпкерлік қызмет үшін тапсырыс берілетін немесе пайдаланылатын Серверлерге байланысты талаптар мен әрекеттерге ғана қолданылады; қалған бөлігінде Тапсырысшыға Тұтынушыға арналған қағидалар қолданылады (Қайтару саясатының 11.1.1-тармағы).

4.6. Наразылық тәртібі және соттылық туралы 18.4 және 18.5-тармақтар, орыс тіліндегі мәтінді қолдану туралы 1.11.1-тармақ және Орындаушының жауаптылығын шектеу туралы 12.3–12.7 және 13.2-тармақтар жазбаша нысанда жасалған Шарттың бөлігі болып табылады және Тапсырысшы-кәсіпкерлерге арналған талаптар 4.5.2-тармақ бойынша қолданылатын әрбір Тапсырысшы-кәсіпкерге қолданылады. Осы тармақ Тұтынушыға қолданылмайды (20-бөлім).

4.7. Тараптар Цифрлық кодекстің 47-бабының 3-тармағына сәйкес цифрлық растауды пайдалануға уағдаласты: Есептік жазбаның электрондық пошта мекенжайына жіберілетін бір реттік кодтар мен сілтемелер, екі факторлы аутентификация кодтары, сондай-ақ Есептік жазбаға кіргеннен кейін Басқару панелінде әрекетті растау. Тапсырысшының аутентификация құралдарын, оның ішінде API-кілттерді пайдалана отырып, Басқару панелінде және API арқылы жасалған әрекеттер — Қызметтерге тапсырыс беру, Қызметтерді ұзарту, өзгерту және тоқтату, Дербес шоттан қаражатты есептен шығару, Шарттың өзгерістерін қабылдау, өтініштер мен қарсылықтар беру — өзгеше дәлелденгенге дейін Тапсырысшы жасаған әрекеттер деп есептеледі. Бұл қағида Орындаушы қызметкерлерінің Тапсырысшының атынан Есептік жазбаға кірген кездегі әрекеттеріне (14.3-тармақ) және Орындаушының Басқару панелі мен Есептік жазбаны қорғау жөніндегі міндеттерін бұзуы салдарынан мүмкін болған әрекеттерге қолданылмайды. Орындаушы Шарттан немесе Қызметтен бас тартудың, ақша қаражатын қайтару туралы өтініштің және өзге де заңды маңызы бар іс-әрекеттердің Есептік жазбаның электрондық пошта мекенжайына жіберілген бір реттік кодпен немесе екі факторлы аутентификация кодымен қосымша цифрлық растауын сұратуға құқылы (Қайтару саясатының 8.5-тармағы), ал Серверді дереу алып тастау туралы талапты (11.8-тармақ) тек осындай растаудан кейін ғана орындайды. Көп факторлы құралдар пайдаланылатын цифрлық аутентификация, оның ішінде екі факторлы аутентификация қосулы болған кезде, цифрлық ортадағы құқықтық қатынастардың туындауы, өзгеруі және тоқтатылуы, сондай-ақ заңды маңызы бар іс-әрекеттерді дәлелдеу үшін негіз болып табылады (Цифрлық кодекстің 46-бабының 4-тармағы).

4.8. Цифрлық растау электрондық цифрлық қолтаңба болып табылмайды (Цифрлық кодекстің 47-бабының 4-тармағы). Заңнама қол қоюды талап ететін құжаттар электрондық цифрлық қолтаңба қойылған электрондық құжат түрінде (Цифрлық кодекстің 62-бабы) немесе қағаз жеткізгіште ресімделеді.

4.9. Орындаушы электрондық журналда акцепт пен өзге де белгілердің фактісін, олардың күні мен уақытын, құжаттың қабылданған редакциясының нұсқасын және оның мәтінінің тілін, IP-мекенжайды, браузер мен арна туралы мәліметтерді тіркеп-белгілеуге құқылы. Егер журналда қабылданған редакцияның нұсқасы көрсетілмесе, ол акцепттің немесе белгінің күні мен уақыты және «Құжаттар» бетінде жарияланған редакциялардың күшіне ену күндері бойынша айқындалады (4.2-тармақ). Басқару панелінің және биллингтің журнал жазбаларын Тараптар, өзгеше дәлелденгенге дейін, тиісті дәлелдеме деп таниды. Офертаның, қосымшалардың және Қайтару саясатының барлық редакцияларының мәтіндері «Құжаттар» бетінде қолжетімді.

4.10. Тапсырысшы тіркеу кезінде дұрыс мәліметтерді — тегін, атын және әкесінің атын, егер ол жеке басты куәландыратын құжатта көрсетілсе, не құжатта әкесінің аты жоқ екені туралы белгіні, — осы құжатта көрсетілгендей, және Шарттың бүкіл мерзімі ішінде Тапсырысшыға қолжетімді болып қалатын қолданыстағы электрондық пошта мекенжайын (уақытша, бір реттік пошта сервисінің мекенжайы мұндай мекенжай болып табылмайды), — көрсетеді және олардың өзгергені туралы уақтылы хабарлайды. Акцепт жасай отырып, Тапсырысшы өзінің 18 жасқа толғанын және толық әрекет қабілеттілігі бар екенін, акцептке дейінгі 24 ай ішінде Орындаушы онымен жасалған Шартты 4.13-тармақ жаңа Шарт жасасудан бас тартуға жол беретін негіздер бойынша бұзбағанын, оның Орындаушы алдында берешегі жоқ екенін және оның мұндай тұлғаның мүддесінде әрекет етпейтінін мәлімдейді. Дұрыс емес мәліметтерді көрсету және дұрыс емес мәлімдеме Бұзушылық болып табылады.

4.11. Есептік жазбаны Тапсырысшы жеке өзі тіркейді және ол басқа тұлғаларға өтелмелі негізде де, өтеусіз негізде де берілмейді. Тапсырысшы тек бір ғана Есептік жазбаға ие болуға құқылы. Қосымша Есептік жазбаларды, оның ішінде үшінші тұлғалардың атына құру немесе пайдалану Бұзушылық болып табылады; Орындаушы барлық осындай Есептік жазбалар бойынша шаралар қолдануға құқылы, ал басқа Есептік жазбаға қолданылған шараларды айналып өту үшін қосымша Есептік жазбаны пайдалану Орындаушының Шарттан бас тартуының негізі болып табылады (11.5-тармақ).

4.12. Тапсырысшы парольдің, API-кілттердің және өзге де аутентификация құралдарының құпиялылығын қамтамасыз етеді; Орындаушы екі факторлы аутентификацияны қосуды ұсынады. Тапсырысшының аутентификация құралдарын, API-кілттерді және Қосалқы пайдаланушылардың қол жеткізуін пайдалана отырып жасалған әрекеттер 4.7-тармақтың қағидалары бойынша Тапсырысшының әрекеттері деп есептеледі. Тапсырысшы-кәсіпкер, 4.7-тармақтың үшінші сөйлемінде көрсетілген жағдайларды қоспағанда, Орындаушы олардың компрометациясы туралы Хабарламаны алғанға дейін мұндай әрекеттердің тәуекелін көтереді. Тұтынушының үшінші тұлғалардың іс-әрекеттері үшін ақшалай жауаптылығы тек 12.10-тармақ бойынша ғана туындайды (20-бөлім).

4.13. Орындаушы Шарт жасасудан немесе жаңа тапсырысты ресімдеуден тек мынадай негіздер бойынша ғана бас тартуға құқылы:

• Қызметті көрсетуге техникалық мүмкіндік жоқ: таңдалған локацияда немесе таңдалған Тариф бойынша бос ресурстар жоқ не тапсырыс 4.16-тармақ бойынша белгіленген шектеулерден асады;
• өтініш беруші 18 жасқа толмаған немесе толық әрекет қабілеттілігі жоқ;
• өтініш беруші заңды тұлға болып табылады немесе заңды тұлғаның атынан әрекет етеді;
• өтініш берушінің Орындаушы алдында Шарт бойынша, оның ішінде бұрын тоқтатылған Шарт бойынша берешегі бар не ол мойындаған немесе сот шешімімен өндіріп алынған айыппұл немесе залал төленбеген, — олар өтелгенге дейін;
• өтініш берушімен жасалған Шартты Орындаушы бұрын критикалық сыныптағы расталған Бұзушылыққа, қайталанған расталған Бұзушылықтарға немесе төлемдермен алаяқтық әрекеттерге байланысты бұзған (11.5-тармақ) және бұзылған күннен бастап 24 ай өтпеген;
• өтініш беруші алдыңғы екі абзацта көрсетілген тұлғаның мүддесінде әрекет етеді, оның ішінде оның төлем құралын немесе мәліметтерін пайдаланады не оған қатысты оның мұндай тұлғаға Есептік жазбаға немесе Серверге қол жеткізуді ұсынуға ниетті екенінің объективті белгілері бар;
• Тапсырысшыға Қызметтерді көрсету Бұзушылыққа байланысты тоқтатыла тұрған не оның Серверіне немесе Есептік жазбасына қатысты критикалық немесе жоғары сыныптағы Абуза бойынша инцидент ашылған — тоқтата тұру алынғанға және инцидент жабылғанға дейін;
• өтініш беруші дұрыс емес мәліметтерді көрсеткен, 4.14-тармақтың екінші–төртінші абзацтарындағы негіздер бойынша тексеруден өтпеген немесе аталған тармақтың екінші–төртінші абзацтарындағы негіздер бойынша сұратылған мәліметтерді мерзімінде ұсынбаған, — олар ұсынылғанға дейін;
• Шарт жасасуға Қазақстан Республикасының заңнамасымен немесе Қазақстан Республикасының уәкілетті мемлекеттік органының актісімен тыйым салынған.

4.13.1. 4.13-тармақтың негіздері барлық өтініш берушілер үшін бірдей. Бұрын бұзылған Шартқа байланысты негіз мұндай тұлғаның расталған Бұзушылықтары Орындаушының IP-мекенжайлары мен желілерін бұғаттау тізімдеріне енгізу және жоғары тұрған жеткізушілердің шаралар қолдану тәуекелін туғызатындықтан қолданылады, ал мұндай тәуекел кезінде оған Қызметті желіге және басқа тапсырысшыларға қатер төндірмей көрсету мүмкін емес. Орындаушы өтініш берушіге бас тарту негізін хабарлайды. Егер Орындаушыда бос ресурстар болмаса, ол жаңа Есептік жазбаларды тіркеуді барлық өтініш берушілер үшін бір мезгілде уақытша жабуға құқылы; мұндай жабу Шарт жасасудан бас тарту болып табылмайды.

4.14. Орындаушы Тапсырысшы және оның төлем құралы туралы мәліметтерді, сондай-ақ өтініштің немесе жүгінудің Тапсырысшыдан шығатынын тек мынадай негіздердің бірі болған кезде ғана тексеруге құқылы:

• Тапсырысшы көрсеткен мәліметтердің дұрыс еместігінің белгілері;
• Тапсырысшының жұбайының (зайыбының) немесе жақын туысының төлем құралын қоспағанда, Қызметтерге бөтен төлем құралымен ақы төлеу белгілері, оның ішінде банктің немесе төлем ұйымының ұстаушының келісімінсіз жасалған операция туралы хабары;
• Бұзушылықтың немесе алаяқтықтың белгілері;
• Тапсырысшының 25 пошта портын ашуға (Қағидалардың 7-бөлімі) немесе 4.16-тармақ бойынша шектеулерді ұлғайтуға өтінімі;
• Есептік жазбаның қолданыстағы аутентификация құралдарымен расталмаған, Есептік жазбаға қол жеткізуді қалпына келтіру, оның электрондық пошта мекенжайын ауыстыру немесе екі факторлы аутентификацияны өшіру туралы өтініш;
• Есептік жазбаға кіргеннен кейін Өтініштер жүйесі арқылы берілмеген, ақша қаражатын қайтару туралы, Шарттан немесе Қызметтен бас тарту туралы өтініш не өзге де заңды маңызы бар өтініш (API-кілт пайдаланыла отырып бағдарламалық интерфейс (API) арқылы жасалған өтініш Есептік жазбаға кіру болып табылмайды), сондай-ақ төлем түскен төлем құралынан өзгеше деректемелерге қайтару туралы өтініш (Қайтару саясатының 8.5-тармағы);
• Тапсырысшының 18 жасқа толмағанының немесе оның толық әрекет қабілеттілігі жоқ екенінің белгілері (4.15-тармақ).

4.14.1. Орындаушы барынша аз қажетті мәліметтерді сұратады: Есептік жазбаның аутентификация құралдарымен цифрлық растау (4.7-тармақ), төлем құралын иеленуді растау, тегі, аты (әкесінің аты — бар болғанда), банктік шотқа қайтару үшін — шоттың төлеушінің атына ашылғаны туралы банк құжаты (Қайтару саясатының 8.5-тармағы), ал 4.14-тармақтың сегізінші абзацындағы негіз бойынша — Тапсырысшының электрондық цифрлық қолтаңбасымен қол қойылған электрондық құжат немесе Қазақстан Республикасы, Алматы қ., әл-Фараби даңғылы, 40-үй мекенжайы бойынша жеке басты куәландыратын, оның ішінде цифрлық құжаттар сервисі арқылы қалыптастырылған құжатты оның көшірмесін түсірмей және сақтамай жеке өзі көрсету. Орындаушы жеке басты куәландыратын құжаттың қағаз көшірмелерін сұратпайды және биометриялық деректерді талап етпейді. Тексеру кезінде алынған мәліметтер, егер Құпиялылық саясатында өзге мерзім белгіленбесе, тексеру аяқталғаннан кейін алып тасталады.

4.14.2. Тексеру кезінде сұратылған мәліметтерді ұсынбау тек 4.14-тармақтың екінші–төртінші абзацтарындағы негіздер бойынша ғана (мәліметтердің дұрыс еместігінің, бөтен төлем құралымен ақы төлеудің, Бұзушылықтың немесе алаяқтықтың белгілері) Қызметтерді көрсетуді тоқтата тұруға әкеп соғады. Егер Тапсырысшы сұрау салу туралы Хабарламаны алған күннен бастап 5 Жұмыс күні ішінде мәліметтерді ұсынбаса, Орындаушы мыналарға құқылы:

• 4.14-тармақтың екінші–төртінші абзацтарындағы негіздер бойынша — Қызметтерді көрсетуді тоқтата тұруға (10.4-тармақ) және мәліметтер ұсынылғанға дейін жаңа тапсырыстарды қабылдамауға;
• бесінші абзацтағы негіз бойынша — 25 пошта портын ашудан немесе шектеулерді ұлғайтудан бас тартуға.

4.14.3. 4.14-тармақтың алтыншы және жетінші абзацтарындағы негіздер бойынша 4.14.1-тармақта белгіленген тәртіппен растау болғанға дейін Орындаушы Есептік жазбаға қол жеткізуді қалпына келтірмейді, оның электрондық пошта мекенжайын өзгертпейді, екі факторлы аутентификацияны өшірмейді және осы абзацтарда көрсетілген өтініштерді орындамайды; растау болғанға дейін бұл әрекеттерден бас тарту Шарттың талаптарын бұзу болып табылмайды. Шарттан немесе Қызметтен бас тарту туралы расталған өтініш Қайтару саясатының 4.2.3-тармағында айқындалған кезден бастап күшіне енеді. Тапсырысшының таңдауы бойынша растау оның электрондық цифрлық қолтаңбасымен қол қойылған электрондық құжатпен, ондағы қолтаңбаның түпнұсқалығын нотариат куәландырған жазбаша өтінішпен немесе Қазақстан Республикасы, Алматы қ., әл-Фараби даңғылы, 40-үй мекенжайы бойынша жеке басты куәландыратын құжатты оның көшірмесін түсірмей көрсете отырып, жеке өзі берілуі мүмкін.

4.15. Егер Шартты 18 жасқа толмаған немесе толық әрекет қабілеттілігі жоқ тұлға жасағаны анықталса, Орындаушы Қызметтерді көрсетуді тоқтатуға құқылы. Бұл жағдайда ақша қаражаты Қазақстан Республикасының заңнамасында жарамсыз мәмілелер үшін белгіленген тәртіппен қайтарылады.

4.16. Орындаушы бір Есептік жазбаға шаққандағы Серверлер санына, ресурстардың жиынтық көлеміне, дискілердің жүктелетін бейнелеріне, API-кілттерге, Қосалқы пайдаланушыларға және қосымша мүмкіндіктерге, оның ішінде 25 пошта портын ашуға қатысты барлық Тапсырысшылар үшін бірыңғай шектеулерді Есептік жазба туралы мәліметтерге, оның ішінде 4.14-тармақ бойынша тексеруден өту туралы мәліметтерге қарай белгілеуге құқылы. Қолданыстағы шектеулер Тапсырысшының назарына Басқару панелінде немесе оның сұрау салуы бойынша Өтініштер жүйесі арқылы жеткізіледі. Тапсырысшы Өтініштер жүйесі арқылы оларды ұлғайтуды сұратуға құқылы; Орындаушы ұлғайтуды 4.14-тармақ бойынша тексеруге байланысты етіп қоюға құқылы. Мұндай шектеулер Шарт жасасудан бас тарту болып табылмайды.

5.Қызметтерді көрсету тәртібі

5.1. Тапсырысшы Тарифті, локацияны және операциялық жүйенің бейнесін таңдай отырып, Басқару панелінде тапсырыс ресімдейді. Тапсырысқа шот ұсынылады, ол күнтізбелік 3 күн ішінде төленеді. Ақы төленгенге дейін Сервер құрылмайды. Осы мерзімде ақысы төленбеген тапсырыстың күшін Орындаушы жоюға құқылы.

5.2. Сервер тапсырысқа ақы төленгеннен кейін, әдетте автоматты түрде, тапсырысқа ақы төленген, яғни төлем тапсырысқа арналған шотқа есепке жазылған, оның ішінде тапсырыс құны Дербес шоттан есептен шығарылған (6.5-тармақ) кезден бастап 24 сағаттан кешіктірмей құрылады. Есеп айырысу кезеңі Сервер құрылған кезден басталады. Егер Сервер осы мерзімде құрылмаса, Тапсырысшы тапсырыстан бас тартуға және ол үшін төленген соманы Қайтару саясатының 4-бөлімінде белгіленген тәртіппен толық алуға құқылы. Орындаушының ақысы төленген тапсырыс бойынша Серверді құру міндеттемесі техникалық мүмкіндіктің болуына байланысты. Егер Сервер құрылғанға дейін техникалық мүмкіндік жоқ екені анықталса (4.13-тармақ), Орындаушы Тапсырысшыға Хабарлама жіберіп, тапсырыстың күшін жоюға (оны орындаудан бас тартуға) құқылы; төленген сома Қайтару саясатының 4.4.2-тармағында белгіленген тәртіппен толық мөлшерде ұстап қалусыз қайтарылады. Тапсырыстың мұндай күшін жою 11.6-тармақ бойынша Шарттан бас тарту болып табылмайды; Орындаушының Тапсырысшы-кәсіпкер алдындағы жауаптылығы 12.3–12.6-тармақтармен, Тұтынушы алдындағы жауаптылығы — Қазақстан Республикасының тұтынушылардың құқықтарын қорғау туралы заңнамасымен, оның ішінде Тұтынушылардың құқықтарын қорғау туралы заңның 34-бабымен айқындалады.

5.3. Тапсырысшы root паролін немесе SSH-кілтті тапсырысты ресімдеу кезінде және операциялық жүйені қайта орнату кезінде белгілейді; IP-мекенжай және Серверге қосылуға арналған өзге де деректер Басқару панелінде көрсетіледі. Тапсырысшы парольдер мен қол жеткізу кілттерін өз бетінше ауыстырады және сақтайды.

5.4. Тапсырысшы Сервердің Тарифін сол локацияның сол сандағы және сол түрдегі IP-мекенжайлары бар, Басқару панелінде ауыстыру үшін қолжетімді басқа Тарифіне ауыстыруға құқылы. Неғұрлым қымбат Тарифке ауысқан кезде Тапсырысшы ағымдағы Есеп айырысу кезеңінің аяқталуына дейін қалған уақытқа пропорционалды түрде есептелген Тарифтер құнының айырмасын қосымша төлейді; неғұрлым арзан Тарифке ауысқан кезде дәл осылай есептелген айырма Дербес шотқа есепке жазылады, бірақ ағымдағы Есеп айырысу кезеңі үшін іс жүзінде төленген сомадан артық емес. Жаңа Тарифтің толық құны келесі Есеп айырысу кезеңінен бастап қолданылады. Тариф бойынша диск көлемі Сервердің дискісі соған дейін ұлғайтылуы мүмкін шек болып табылады: Тарифті ауыстырған кезде Сервердің дискісі жаңа Тарифтің көлеміне дейін тек Тапсырысшы Тарифті ауыстыруды ресімдеу кезінде дискіні ұлғайтуды таңдаған жағдайда ғана ұлғайтылады; егер ұлғайту таңдалмаса, Сервердің диск көлемі бұрынғысынша қалады, ал Қызметтің құны жаңа Тарифпен толық мөлшерде айқындалады, бұл Қызметтің кемшілігі болып табылмайды. Дискіні ұлғайту қайтымсыз: Сервердің диск көлемі азаймайды және диск көлемі Сервер дискісінің іс жүзіндегі көлемінен аз Тарифке ауысу мүмкін емес. Процессор мен жедел жадтың жаңа сипаттамалары Сервер қайта іске қосылғаннан кейін қолданысқа енуі мүмкін. Тарифті ауыстыру тоқтата тұру кезінде және ағымдағы Есеп айырысу кезеңіне ақы төленбеген кезде қолжетімсіз, ал сәттік көшірмені жасау немесе алып тастау не Серверді көшіру кезінде олар аяқталғанға дейін кейінге қалдырылады; егер олар аяқталмаса, Орындаушы Тарифті ауыстырудың күшін ол үшін есептен шығарылған соманы қайтара отырып жоюға құқылы. Жабдықта бос ресурстар болмаған кезде, егер Орындаушы Серверді сол локацияның басқа жабдығына көшіруді ұсынбаса, Тарифті ауыстыру қолжетімсіз; мұндай көшіру Тапсырысшының Басқару панелінде білдірілген келісімімен жүргізіледі және бұл ретте Сервердің IP-мекенжайлары ауыстырылуы мүмкін.

5.5. Басқару панелінде Тапсырысшыға Тарифте көзделген функциялар қолжетімді: Тарифтің слоттар саны шегінде Сервердің сәттік көшірмелері, 4.16-тармақ бойынша белгіленген шектеулер шегінде дискілердің өз бейнелерін (ISO) жүктеу (осы редакцияның күніне — бір бейнеге 16 ГиБ-қа дейін, 10 бейнеге дейін және бір Есептік жазбаға жиынтығында 48 ГиБ-қа дейін, егер Есептік жазба үшін өзге шектеулер белгіленбесе), операциялық жүйені қайта орнату, Қағидаларда жол берілетін профильдердің ішінен DDoS-шабуылдардан қорғау профилін таңдау, Қосалқы пайдаланушылардың қол жеткізуі, API-кілттер. Операциялық жүйені қайта орнату, сәттік көшірмелерді алып тастау, сондай-ақ, егер мұндай функция Басқару панелінде қолжетімді болса, Серверді алып тастау деректерді қайтымсыз жояды; Тапсырысшы бұл әрекеттерді өз тәуекелімен жасайды.

5.6. Жоспарлы және Авариялық жұмыстар № 1 қосымшаның 5-бөлімінде белгіленген тәртіппен жүргізіледі. Қызметтерді көрсетудегі үзілістер № 1 қосымшада белгіленген шектерде Шарттың талаптарын бұзу болып табылмайды.

5.7. Егер Тарифтің сипаттамалары нашарламаса, Орындаушы Қызметтерді көрсетудің техникалық құралдары мен параметрлерін, оның ішінде жабдықты, виртуалдандырудың бағдарламалық қамтылымын және желілік конфигурацияны өзгертуге құқылы. Орындаушы көшіруге дейін 24 сағаттан кешіктірмей (№ 1 қосымшаның 5-бөлімі), ал жабдықтың істен шығуы немесе қауіпсіздік қатері кезінде — көшіргеннен кейін Хабарлама жіберіп, Серверді сол мемлекеттің шегінде сол локацияның басқа жабдығына, оның ішінде Серверді қайта іске қоса отырып, көшіруге құқылы. Серверді басқа локацияға көшіру 5.14-тармақ бойынша жүргізіледі.

5.8. Орындаушы желіні, жабдықты және басқа тапсырысшыларды қорғау үшін қолданатын техникалық және ұйымдастырушылық шаралар, оның ішінде автоматтандырылған шаралар, Қағидалардың 9-бөлімінде белгіленген. Оларды Қағидалар бойынша қолдану Қызметтерді көрсетудегі үзіліс болып табылмайды.

5.9. Сервердің 25 TCP-портына (поштаны алушылардың пошта серверлеріне тікелей жеткізу) шығыс қосылымдары әдепкі бойынша жабық. 25 портын ашу Тапсырысшының өтінімі бойынша Қағидалардың 7-бөлімінде белгіленген тәртіппен жүргізіледі. Қағидаларда көзделген жағдайларда 25 портын ашудан бас тарту және оны қайта жабу Қызметтің кемшілігі болып табылмайды. Бұл қағида үшінші тұлғалардың пошта сервистері арқылы оларда авторизациялана отырып пошта жіберуді шектемейді; пошта жіберу тәртібі Қағидалардың 6 және 7-бөлімдерінде белгіленген.

5.10. DDoS-шабуылдарды сүзгілеу тек Басқару панелінде қорғау профилі таңдалған Серверге ғана және тек Басқару панелі қорғауды қолжетімсіз деп белгілемейтін жабдықта ғана қолданылады; әдепкі бойынша профиль таңдалмаған. Сүзгілеу Орындаушының желісі мен жабдығының сыйымдылығы шегінде жүзеге асырылады және кез келген шабуылдың тойтарылуына кепілдік бермейді. Желіні, жабдықты және басқа тапсырысшыларды қорғау үшін Орындаушы шабуыл уақытына, оның толқындары арасындағы үзілістерді қоса алғанда, ал Тапсырысшы-кәсіпкердің Серверіне қатысты — сондай-ақ шабуыл аяқталғаннан кейін оның қайта басталу қатері жойылғанға дейін шабуылға ұшыраған IP-мекенжайға трафикті маршруттауды, оның ішінде жоғары тұрған жеткізушілердің қатысуымен, шектеуге немесе ажыратуға және бұл мекенжайды Қағидалардың 8-бөлімінде белгіленген тәртіппен ауыстыруға құқылы; бұл әрекеттер Шарттың талаптарын бұзу болып табылмайды. Осы тармақтың шабуыл аяқталғаннан кейінгі шаралар туралы ережесі Тұтынушыға қолданылмайды (20-бөлім). Қорғау шараларының құрамы қорғау профиліне және жабдыққа байланысты; қорғаудың талаптары мен шектері № 1 қосымшаның 10-бөлімінде белгіленген.

5.11. Тарифте тікелей көрсетілген жағдайларды қоспағанда, Орындаушы бағдарламалық қамтылымға лицензиялар бермейді. Тапсырысшы Серверге өзі орнататын, дискілердің өз бейнелерінен орнатылған операциялық жүйелерді қоса алғанда, бағдарламалық қамтылымға құқықтардың болуын өз бетінше қамтамасыз етеді.

5.12. Серверде орналастырылған ақпаратты резервтік көшіру Қызметті пайдаланудың міндетті қағидасы болып табылады. Тапсырысшы осы ақпараттың резервтік көшірмелерін тұрақты түрде жасайды және кемінде бір көшірмені Орындаушының жабдығынан тыс сақтайды. Жария етілуі Тапсырысшыға немесе үшінші тұлғаларға зиян келтіруі мүмкін ақпаратты, оның ішінде Дербес деректерді, Тапсырысшы-кәсіпкер Сервердің операциялық жүйесінің құралдарымен шифрлайды; Тұтынушыға Орындаушы мұны ұсынады. Тапсырысшы-кәсіпкерге Тапсырысшы резервтік көшірмесін жасамаған ақпараттың жоғалуынан туындаған залал, егер Тапсырысшы Орындаушының кінәсін дәлелдемесе, өтелмейді (12.3 және 12.4-тармақтар). Тұтынушы алдында Орындаушы, егер ақпаратты қалпына келтіру мүмкін еместігі Тұтынушының резервтік көшіру туралы қағиданы сақтамауынан туындағанын дәлелдесе, мұндай залалды өтеуден босатылады, — осы қағида сақталған жағдайда сақталып қалатын ақпарат бөлігінде (12.8-тармақ); қалған жағдайларда осы қағиданы сақтамау Орындаушының жауаптылық мөлшерін айқындау кезінде ол залалдың ұлғаюына қаншалықты ықпал етсе немесе оның азаюына қаншалықты кедергі келтірсе, сол шамада ескеріледі (АК-нің 364-бабының 1-тармағы, 12.14-тармақ).

5.13. Техникалық қолдау Өтініштер жүйесі арқылы № 1 қосымшаның 12-бөлімінде белгіленген тәртіппен көрсетіледі. Шартта және заңнамада тікелей белгіленген мерзімдерді қоспағанда, Орындаушы өтініштерге жауап беру мерзімдерін белгілемейді.

5.14. Орындаушы Тапсырысшыға көшіруге дейін күнтізбелік 30 күннен кешіктірмей жаңа локация, Сервердің күтілетін тоқтау уақыты және IP-мекенжайларды ауыстыру тәртібі көрсетілген Хабарлама жіберіп, Серверді басқа локацияға, оның ішінде Қазақстан Республикасының аумағындағы жабдыққа көшіруге құқылы. Көшірумен келіспейтін Тапсырысшы көшіру күніне дейін Шарттан осы Сервер бөлігінде 17.5-тармақта белгіленген тәртіппен қайтарумен бас тартуға құқылы. Егер бұрынғы локацияда Қызметтерді көрсету Орындаушыға байланысты емес себептер бойынша (деректерді өңдеу орталығының иесінің немесе жабдықты берген тұлғаның жабдықты немесе желілік қосылымды беруді тоқтатуы, үшінші тұлғалардың, оның ішінде шет мемлекеттердің органдарының жабдыққа қатысты шаралары, Қазақстан Республикасының уәкілетті мемлекеттік органының талабы) мүмкін болмай қалса, Орындаушы көшіруге дейін, ал егер бұл мүмкін болмаса, — көшіргеннен кейін бірден Хабарлама жіберіп, Серверді осы мән-жайлар мүмкіндік беретін мерзімде көшіруге құқылы; бұл жағдайда Тапсырысшы Шарттан осы Сервер бөлігінде 17.5-тармақта белгіленген тәртіппен қайтарумен бас тартуға құқылы. Көшіру кезінде IP-мекенжайларды ауыстыру Қызметтің кемшілігі болып табылмайды. Құпиялылық саясатында көрсетілмеген мемлекетке көшіру оған өзгерістер енгізілгеннен және, егер дербес деректер субъектілерінің келісімі талап етілсе, ол алынғаннан кейін жүргізіледі.

6.Қызметтердің құны және есеп айырысу тәртібі

6.1. Есеп айырысу кезеңінің құны осы Есеп айырысу кезеңіне арналған шот ұсынылған сәтте қолданыста болған Тарифпен айқындалады. Жаңа Сервердің бірінші Есеп айырысу кезеңінің құны тапсырыс ресімдеу кезінде Басқару панелінде көрсетілетін Тарифпен айқындалады және барлық Тапсырысшылар үшін бірдей. Тариф құнының өзгеруі өзгеріс жарияланғанға дейін тапсырыс берілген Серверлерді ұзартуға тек 17-бөлімде белгіленген тәртіппен ғана қолданылады және ақысы төленген Есеп айырысу кезеңін қозғамайды (17.4-тармақ). Тарифтер барлық Тапсырысшылар үшін бірдей. Жеңілдіктер мен промокодтар тек акциялардың Сайтта немесе Басқару панелінде жарияланған қағидалары бойынша ғана беріледі, бұл ретте мұндай қағидалар оларға сай келетін барлық Тапсырысшылар үшін бірдей болады.

6.2. Тапсырысшы-резиденттер үшін бағалар теңгемен көрсетіледі және Қызметтерге ақы теңгемен төленеді. Тапсырысшы-бейрезиденттер үшін Орындаушы Басқару панелінде көрсетілген өзге валютада да бағаларды көрсетуге және ақы төлеуді қабылдауға құқылы. Тапсырысшы Орындаушының сұрау салуы бойынша тұрақты тұратын елін хабарлайды және резидент немесе бейрезидент мәртебесін растайды, ал егер Басқару панелінде мұндай мәліметтер көзделсе, — оларды Басқару панелінде көрсетеді; көрінеу дұрыс емес мәліметтер Бұзушылық болып табылады. Егер Шарт бойынша Орындаушыға тиесілі сома теңгемен көрсетілсе, ал Дербес шоттың қаражаты өзге валютада есепке алынса, қайта есептеу есептен шығарылған немесе ұстап қалынған күнгі Қазақстан Республикасы Ұлттық Банкінің бағамы бойынша жүргізіледі.

6.3. Бағалар ҚҚС-сыз көрсетілген. Орындаушы қосылған құн салығын төлеуші болып табылмайды (ҚҚС бойынша тіркеу есебінде тұрмайды). Егер Орындаушы ҚҚС бойынша тіркеу есебіне қойылса, Тарифтердің бағалары 17-бөлімде белгіленген тәртіппен өзгертілуі мүмкін; ақысы төленіп қойған Есеп айырысу кезеңінің құны өзгермейді; Тапсырысшы өзгеріс күшіне енгенге дейін Шарттан бас тартуға құқылы, бұл ретте пайдаланылмаған қалдық 17.5-тармақта және Қайтару саясатының 4.7 және 4.8-тармақтарында белгіленген тәртіппен қайтарылады.

6.4. Тапсырысшы енгізген ақша қаражаты Дербес шотта Қызметтер үшін аванс ретінде есепке алынады. Дербес шот банктік шот немесе электрондық әмиян болып табылмайды, енгізілген қаражат электрондық ақша болып табылмайды, қалдыққа сыйақы есептелмейді. Дербес шоттың қаражаты басқа тұлғаларға және басқа Есептік жазбаларға берілмейді әрі үшінші тұлғалардың тауарлары мен көрсетілетін қызметтеріне ақы төлеу үшін пайдаланылмайды; оларды тек Қайтару саясаты бойынша қайтару арқылы ғана алуға болады. Дербес шоттың теріс қалдығы Тапсырысшының берешегі болып табылады.

6.5. Дербес шот Басқару панеліндегі төлем бетінде көрсетілген тәсілдермен толықтырылады; толықтырудың ең аз сомасы да сонда көрсетіледі. Орындаушы Басқару панеліндегі төлем бетінде Дербес шоттың шекті қалдығын белгілеуге құқылы; төлемнің қалдықты осы шектен асыратын бөлігі Дербес шотқа есепке жазылмайды және төлеушіге Қате төлем ретінде қайтарылады (Қайтару саясатының 4.3-тармағы). Орындаушы толықтыру үшін комиссия алмайды және төлем карточкасымен ақы төлеген кезде ақы төлеудің өзге тәсілдеріне қарағанда жоғары баға белгілемейді («Төлемдер және төлем жүйелері туралы» Қазақстан Республикасы Заңының 40-бабының 3-тармағы). Төлеушінің өз операциялары үшін оның банкінің немесе төлем ұйымының комиссиялары олардың тарифтері бойынша алынады. Тапсырысшының аванс енгізу жөніндегі міндеті қаражат Дербес шотқа есепке жазылған кезден бастап орындалды деп есептеледі. Тапсырысшының Есеп айырысу кезеңіне ақы төлеу жөніндегі міндеті оның құны ұсынылған шотты төлеуге Дербес шоттан есептен шығарылған кезден бастап орындалды деп есептеледі (7-бөлім).

6.6. Қызметтер Есеп айырысу кезеңіне оның құнының 100%-ы мөлшерінде алдын ала ақы төлеу талаптарымен көрсетіледі. Есеп айырысу кезеңінің құны Дербес шоттан есептен шығарылады: біріншісінің құны — тапсырысқа арналған шот бойынша, келесілерінің құны — алдыңғы Есеп айырысу кезеңі аяқталған сәтте ұсынылатын ұзартуға арналған шот бойынша. 7-бөлімде белгіленген мерзім ішінде ұзартуға арналған шот төленгенге дейін Қызметті көрсету ақы төлеуді кейінге қалдыру болып табылады және алдын ала ақы төлеуден бас тарту болып табылмайды: осы мерзім үшін Қызметтің құны Тапсырысшының берешегі болып табылады (7.6 және 7.7-тармақтар). Автоматты ұзарту әдепкі бойынша қосулы; Тапсырысшы оны кез келген сәтте Басқару панелінде өшіруге (11.2-тармақ), ал егер мұндай функция қолжетімсіз болса, — 11.3-тармақта белгіленген тәртіппен бас тарту туралы мәлімдеуге құқылы. Тапсырысшының банк карточкасынан оның бөлек келісімінсіз ақшаны автоматты түрде есептен шығару жүргізілмейді.

6.7. Тапсырысшы Қызметтерге өз атынан ақы төлейді. Тапсырысшының жұбайының (зайыбының) немесе жақын туысының банктік шотынан немесе төлем құралынан ақы төлеуге жол беріледі. Тапсырысшы үшін өзге тұлға жасаған төлемді Орындаушы Дербес шотқа есепке жазбауға және Тапсырысшы мен төлеушіден растауды сұратуға құқылы; Дербес шотқа есепке жазылмаған төлем төлеушіге сол тәсілмен Қайтару саясатының 10.7-тармағында белгіленген тәртіппен және мерзімдерде қайтарылады.

6.8. Криптовалюталар мен өзге де цифрлық активтер Қызметтерге ақы төлеу ретінде қабылданбайды.

6.9. Бонустар Тапсырысшының ақша қаражаты болып табылмайды, тек Қызметтерге ақы төлеу үшін ғана пайдаланылады, қайтарылмайды, ақшаға айырбасталмайды және басқаға берілмейді. № 1 қосымшаның 10.9-тармағы бойынша DDoS-шабуылдардың трафигі үшін есептеу де Бонустарға жатады; есептеу Басқару панелінде көрсетіледі. № 1 қосымша бойынша Өтемақы Бонус болып табылмайды.

6.9.1. Бонустар мен жеңілдіктер тек тиісті акцияның немесе № 1 қосымшаның талаптарымен ғана беріледі. Егер Бонус немесе жеңілдік осы талаптарды немесе Шарттың талаптарын бұза отырып — бір тұлғаның бірнеше Есептік жазбасын (4.11-тармақ), дұрыс емес мәліметтерді немесе бөтен төлем құралын пайдалана отырып, Тапсырысшы ұйымдастырған немесе оның қатысуымен ұйымдастырылған DDoS-шабуылдар нәтижесінде не бірнеше Тапсырысшының келісілген әрекеттерімен — алынса, Орындаушы Тапсырысшыға есеп-қисабы көрсетілген Хабарлама жіберіп, мұндай Бонустардың күшін жоюға және олардың есебінен немесе жеңілдікпен көрсетілген Қызметтердің құнын Тариф бойынша құнға дейін қосымша есептеуге құқылы. Қосымша есептелген сома Тапсырысшының көрсетілген Қызметтер үшін берешегі болып табылады және 7-бөлімде белгіленген тәртіппен өтеледі; ол айыппұл болып табылмайды. Тапсырысшы қосымша есептеуге 18-бөлімде белгіленген тәртіппен дау айтуға құқылы. Тұтынушыға қатысты күшін жою және қосымша есептеу 20.2-тармақты ескере отырып, Бұзушылық Қағидалардың 2.4-тармағында белгіленген тәртіппен расталғаннан кейін ғана жүргізіледі.

6.10. Тарифте Сервердің кіріс және шығыс трафигінің жылдамдығы, күнтізбелік айға Қызметтің құнына енгізілген трафик көлемі, қандай трафик есепке алынатыны, осы көлем таусылғаннан кейін не болатыны, ол таусылғаннан кейінгі Сервердің жылдамдығы және қосымша көлемнің 1 ТБ бағасы көрсетіледі. Бұл талаптар тапсырысты ресімдеу кезінде Басқару панелінде және Сервер бетінде көрсетіледі. Егер Тарифте өзгеше көрсетілмесе, Сервердің кіріс және шығыс трафигі есепке алынады; Орындаушының қорғау құралдары Серверге түскенге дейін тастаған кіріс трафик есепке алынбайды, ал шығыс трафик Сервер жіберген көлемде, оның ішінде Қағидалар бойынша қолданылатын шектеулер салдарынан жеткізілмеген трафикті қоса алғанда, есепке алынады. Трафик көлемі дүниежүзілік үйлестірілген уақыт (UTC) бойынша күнтізбелік ай үшін есепке алынады; 1 ГБ 10⁹ байтқа, 1 ТБ — 10¹² байтқа тең. Егер Тариф трафик көлемін шектемесе, трафик тарифтелмейді және көлемі бойынша шектелмейді.

6.10.1. Тарифке енгізілген трафик көлемі таусылғаннан кейін Тарифтің талабы қолданылады: Сервердің жылдамдығы келесі күнтізбелік ай басталғанға дейін Тарифте көрсетілген жылдамдыққа дейін төмендетіледі не осы көлемнен асатын трафиктің басталған әрбір 1 ТБ-ының құны Тариф бағасы бойынша Дербес шоттан есептен шығарылады. Егер Дербес шоттың қалдығы басталған 1 ТБ-ға ақы төлеуге жеткіліксіз болса, есептен шығару жүргізілмейді, ал Сервердің жылдамдығы Тарифте көрсетілген жылдамдыққа дейін төмендетіледі — Дербес шот ақы төлеуге жеткілікті мөлшерде толықтырылғанға дейін, бұдан кейін құны есептен шығарылады және жылдамдық қалпына келтіріледі, не келесі күнтізбелік ай басталғанға дейін. Тапсырысшы Басқару панелінде Тариф бағасы бойынша трафиктің қосымша көлемін сатып алуға құқылы; сатып алынған көлем ол сатып алынған күнтізбелік айдың соңына дейін қолданылады және сатып алынғаннан кейін осы тармақ бойынша төмендетілген Сервер жылдамдығын осы көлем шегінде қалпына келтіреді.

6.10.2. Орындаушы жекелеген Сервер үшін Тарифтің талаптарынан өзгеше жылдамдықты, трафик көлемін және 6.10-тармақтың өзге де талаптарын белгілеуге құқылы: Тапсырысшының жағдайын жақсартатын талаптарды — олар белгіленген кезден бастап. Тапсырысшының жағдайын нашарлататын 6.10-тармақ талаптарының өзгерісі — Тарифте немесе жекелеген Сервер үшін — Серверге 17.2-тармақ бойынша Хабарлама мерзімі өткеннен кейін басталатын оның бірінші Есеп айырысу кезеңінің басынан ерте емес (Тұтынушы үшін — ол Хабарламаны 16.2.1-тармақ бойынша алған кезден бастап күнтізбелік 30 күн өткеннен кейін ғана) қолданылады, бұған дейін ақысы төленген Есеп айырысу кезеңіне қолданылмайды және сатып алынған қосымша трафик көлемін азайтпайды; өзгеріспен келіспейтін Тапсырысшы 17.5-тармақ бойынша Шарттан бас тартуға құқылы. Бұл қағида Қағидаларда көзделген шараларға қолданылмайды. Сервер үшін қолданылатын талаптар Басқару панеліндегі Сервер бетінде көрсетіледі. Қағидалар бойынша қолданылатын жылдамдық шектеулері Қағидалардың 9-бөлімінде белгіленген.

6.11. Ақша қаражатын төлем карточкасымен, мобильдік төлемді пайдалана отырып немесе қолма-қол ақшамен әрбір қабылдаған кезде, оның ішінде Дербес шотты толықтырған кезде, Орындаушы бақылау-касса машинасының чегін береді: Сайт немесе Басқару панелі арқылы есеп айырысқан кезде — Есептік жазбаның электрондық пошта мекенжайына электрондық нысанда, қолма-қол ақшамен есеп айырысқан кезде — қағаз жеткізгіште; ақша қаражатын қайтарған кезде чек Қазақстан Республикасының салық заңнамасында белгіленген жағдайларда беріледі. Тапсырысшы қабылдаған Оферта, Басқару панелінде Тапсырысшыға қолжетімді шот пен ақы төлеу туралы мәліметтер және бақылау-касса машинасының чегі Қызметтің көрсетілгенін және оған ақы төленгенін растайтын құжат (Тұтынушылардың құқықтарын қорғау туралы заңның 24-бабы бірінші бөлігінің 10) тармақшасы) болып табылады.

6.12. Орындаушы 6.11-тармақта көрсетілген құжаттардан басқа, көрсетілген қызметтер актілерін, шот-фактураларды және өзге де жабу құжаттарын ресімдемейді және бермейді.

6.13. Банк немесе төлем ұйымы арқылы төлемге негізсіз дау айту (кері қайтарылатын төлем, Қайтару саясатының 10.2-тармағы) Шарттың талаптарын бұзу болып табылады. Төлеушінің келісімінсіз жасалған операцияға дау айту, сондай-ақ ақысы төленген Қызметтің көрсетілмеуіне байланысты негізді дау айту Шарттың талаптарын бұзу болып табылмайды; төлеушінің Қазақстан Республикасының төлемдер және төлем жүйелері туралы заңнамасы бойынша құқықтары шектелмейді. Төлемге дау айтудың салдары Қайтару саясатының 10-бөлімінде белгіленген: дау айтылатын төлеммен ақысы төленген Қызметтерді, ал берешек пайда болған кезде — барлық Қызметтерді реттелгенге дейін көрсетуді тоқтата тұру (Офертаның 10.2-тармағы, Қайтару саясатының 10.3-тармағы), Дербес шотты қайта есептеу, берешекті өндіріп алу және Орындаушының негізсіз дау айтуға байланысты расталған шығыстарын өтеу — Тұтынушыдан тек Тараптардың келісімі бойынша немесе сот шешімімен ғана, айыппұлсыз.

6.14. Орындаушы Тапсырысшыға есеп-қисабы мен негіздері көрсетілген есепке жатқызу туралы Хабарлама жіберіп, Тапсырысшыға қойылатын мерзімі жеткен өзінің ақшалай талаптарын Тапсырысшыға ақша қаражатын қайтару жөніндегі міндеттемеге қарсы есепке жатқызу (АК-нің 370-бабы) арқылы тоқтатуға құқылы. Тапсырысшы есепке жатқызуға 18-бөлімде белгіленген тәртіппен дау айтуға құқылы. Тұтынушыға қатысты есепке жатқызу 20.2-тармақпен және Қайтару саясатының 11.3.1-тармағымен шектелген.

6.15. Дербес шоттан қате есептен шығаруды, оның ішінде ақпараттық жүйенің іркілісінен туындағанын, Орындаушы ол анықталған немесе Тапсырысшының өтініші алынған кезден бастап күнтізбелік 10 күн ішінде түзетеді; қате есепке жазуды Орындаушы Дербес шоттың қате болмағанда болатын күйін қалпына келтіріп, түзетуге құқылы; екі жағдайда да Тапсырысшыға есеп-қисабы көрсетілген Хабарлама жіберіледі. Қате есепке жазылған және Тапсырысшы пайдаланған сома оның берешегі болып табылады. Тапсырысшы түзетуге 18-бөлімде белгіленген тәртіппен дау айтуға құқылы; Тұтынушыға тиесілі сомадан артық есепке жазылған сома Тұтынушыға қайтарылатын сомадан тек оның келісімімен немесе сот шешімімен ғана ұстап қалынады (Қайтару саясатының 6.1.1-тармағы).

7.Ақы төлемеу және берешек

7.1. Есеп айырысу кезеңінің аяқталуына күнтізбелік 3 күн қалғанда Орындаушы ұзарту туралы еске салуды Есептік жазбаның электрондық пошта мекенжайына, ал егер мұндай функция қолжетімді болса, — Басқару панелінде де жібереді. Еске салу қосымша ақпарат беру болып табылады: ақы төлеу мерзімдері Шартта белгіленген, және еске салуды алмау, оның ішінде электрондық поштаны жеткізудегі іркіліс салдарынан алмау, автоматты ұзартудың күшін жоймайды және ақы төлеу мен тоқтата тұру мерзімдерін өзгертпейді (7.3-тармақ). Есеп айырысу кезеңі аяқталған сәтте (бұдан әрі — T күні) келесі Есеп айырысу кезеңі басталады және ақы төлеу мерзімі күнтізбелік 3 күн (T + 3-ке дейін) болатын ұзартуға арналған шот ұсынылады. Дербес шоттың қалдығы жеткілікті болғанда Есеп айырысу кезеңінің құны бірден есептен шығарылады.

7.2. Егер ұзартуға арналған шот мерзімінде төленбесе, Орындаушы T күнінен кейінгі күнтізбелік 10 күн өткенге дейін оның құнын Дербес шоттан есептен шығару әрекеттерін қайталайды және мерзімнің өткізіп алынғаны туралы Хабарламалар жібереді, ал T күнінен кейінгі күнтізбелік 10-күні соңғы ескертуді жібереді. Есептен шығару әрекеті тек шотты толық төлеуге қаражат жеткілікті болған кезде ғана жасалады. Ұзартуға арналған шот ұсынылғаннан кейін Дербес шотқа есепке жазылған қаражат оны төлеуге ең таяу есептен шығару әрекеті кезінде есептен шығарылады; тоқтата тұрудың алдында Орындаушы Дербес шоттың қалдығын тексереді және ол жеткілікті болған кезде Есеп айырысу кезеңінің құнын шотты төлеуге есептен шығарады, және тоқтата тұру жүргізілмейді. Тапсырысшы Қызметті көрсету тоқтатыла тұрғанға дейін кез келген сәтте Басқару панелінде «Төлеу» командасымен шотты төлеуге құқылы.

7.3. Егер T күнінен кейінгі күнтізбелік 10 күн өткен кезде ұзартуға арналған шот төленбеген болса, Қызметті көрсету тоқтатыла тұрады: Сервер өшіріледі және бұғатталады. Орындаушы берешек сомасы және Сервер одан кейін алып тасталатын күн көрсетілген тоқтата тұру туралы Хабарлама жібереді. Ақы төлеу мерзімдері Шартта белгіленген, сондықтан Тапсырысшының 16-бөлімде белгіленген тәртіппен жіберілген еске салуларды, ескертулерді және Хабарламаларды алмауы тоқтата тұруға кедергі келтірмейді.

7.4. Сервер, оның дискілері мен сәттік көшірмелері тоқтатыла тұрған кезден бастап күнтізбелік 14 күн сақталады, содан кейін 10.12-тармақты ескере отырып, 10.10-тармақта белгіленген тәртіппен қалпына келтіру мүмкіндігінсіз алып тасталады. Егер алып тастау сәтіне қарай Дербес шоттың қалдығы берешекті өтеуге жеткілікті болса, Сервер алып тасталмайды: Орындаушы берешек сомасын шотты төлеуге есептен шығарады және 7.5-тармақта белгіленген тәртіппен бұғаттауды алып тастайды. Алып тасталған Сервердің IP-мекенжайлары босатылады және босатылғаннан кейін 24 сағат өткен соң ғана басқа тапсырысшыға берілуі мүмкін.

7.5. Егер берешек Сервер алып тасталғанға дейін өтелсе, бұғаттау алып тасталады, ал төленген шот ұсынылған бүкіл Есеп айырысу кезеңі ішінде Қызмет көрсетіледі. Бұғаттау алып тасталғаннан кейін Сервер автоматты түрде қосылмайды: Тапсырысшы оны Басқару панелінде қосады. Есеп айырысу кезеңі тоқтата тұру уақытына ұзартылмайды, 10.8-тармақта және 20-бөлімде көзделген жағдайларды қоспағанда.

7.6. Егер Сервер алып тасталған болса, Тапсырысшының берешегі ақысы төленбеген Есеп айырысу кезеңінің басынан бастап тоқтатыла тұрған кезге дейінгі, пропорционалды түрде есептелген Қызметтердің құнын құрайды. Орындаушы ұзартуға арналған шотты осы сомаға дейін азайтады және қалған бөлігінде оның күшін жояды; шот бойынша берешектен артық төленген сома Қайтару саясатында белгіленген тәртіппен қайтарылады. Егер Тапсырысшы ұзартуға арналған шотты төлегенге дейін Қызметтен бас тартқан болса (11.2 және 11.3-тармақтар), берешек ақысы төленбеген Есеп айырысу кезеңінің басынан бастап оны көрсету тоқтатылғанға дейінгі, пропорционалды түрде есептелген Қызметтің құнын құрайды және ұзартуға арналған шот осы сомаға дейін азайтылады (Қайтару саясатының 4.2.10-тармағы).

7.7. Берешек өтелуге жатады. Орындаушы берешек сомасын Дербес шотқа кейінгі түсімдерден есептен шығаруға, сондай-ақ Қазақстан Республикасының Ұлттық Банкі белгілеген базалық мөлшерлеме негізінде есептелетін, АК-нің 353-бабы бойынша басқаның ақшасын заңсыз пайдаланғаны үшін тұрақсыздық айыбын төлеуді талап етуге құқылы. Ақы төлеу мерзімін өткізіп алғаны үшін өзге тұрақсыздық айыбы Шартпен белгіленбеген.

8.Орындаушының құқықтары мен міндеттері

8.1. Орындаушы:

• Қызметтерді Тарифке және № 1 қосымшаға сәйкес көрсетуге;
• өзінің цифрлық инфрақұрылымын киберқауіпсіздік қатерлері мен тәуекелдерінен өз жауаптылық аймағының — жабдықтың, желінің және виртуалдандыру құралдарының — шегінде қорғауды қамтамасыз етуге;
• Киберқауіпсіздіктің ұлттық үйлестіру орталығының Серверге қатысты киберқауіпсіздіктің оқыс оқиғалары мен осалдықтар туралы алынған хабарламаларын Тапсырысшыға дереу қайта жіберуге, ал өзге уәкілетті органдардың хабарламаларын — егер қайта жіберуге заңмен немесе уәкілетті органның талабымен тыйым салынбаса (14.8-тармақ);
• 14.3-тармақта көзделген жағдайларды қоспағанда, Сервердің мазмұнымен таныспауға;
• Басқару панелінің және биллингтің журналдарын жүргізуге және Құпиялылық саясатында белгіленген мерзімдерде олардың сақталуын қамтамасыз етуге;
• қолданылған шаралар туралы Тапсырысшыға 10.5-тармақта белгіленген тәртіппен хабарлауға;
• наразылықтарды 18-бөлімде белгіленген тәртіппен, ал Дербес деректер бойынша өтініштерді — Құпиялылық саясатында белгіленген мерзімдерде қарауға;
• Тапсырысшының Дербес деректерін Қазақстан Республикасының заңнамасына, Құпиялылық саясатына және Келісімге сәйкес өңдеуге міндетті.

8.2. Орындаушы:

• 10-бөлімде көзделген негіздер бойынша Қызметтерді көрсетуді тоқтата тұруға және оларды шектеуге;
• 4.14-тармақ бойынша Тапсырысшы туралы мәліметтерді тексеруге және 4.16-тармақ бойынша шектеулер белгілеуге;
• 5.7-тармақ бойынша Қызметтерді көрсетудің техникалық құралдары мен параметрлерін өзгертуге және 5.14-тармақ бойынша Серверді басқа локацияға көшіруге;
• 3.6-тармақ бойынша Қызметтерді көрсетуге үшінші тұлғаларды тартуға;
• 4.13-тармақ бойынша Шарт жасасудан бас тартуға;
• 11-бөлім бойынша Шартты орындаудан бас тартуға;
• Қағидалардың 12-бөлімінде көзделген шараларды қолдануға, Қағидалардың 8-бөлімі бойынша IP-мекенжайларды ауыстыруға және алып қоюға, Қағидалардың 9-бөлімі бойынша техникалық шектеулерді қолдануға;
• Шарттың және Қағидалардың сақталуын, оның ішінде автоматтандырылған құралдарды пайдалана отырып, берілетін хабарлардың мазмұнымен танысусыз тексеруге;
• 14-бөлімде көзделген жағдайларда мемлекеттік органдарға және өзге тұлғаларға мәліметтерді ашуға;
• 12-бөлім және Қағидалардың 16-бөлімі бойынша айыппұлдарды төлеуді және шығыстар мен залалды өтеуді талап етуге құқылы.

8.3. Орындаушы Тапсырысшы Серверде орналастыратын ақпаратты және Тапсырысшының әрекеттерін алдын ала бақылауды жүзеге асыруға міндетті емес. Орындаушының Шарттың сақталуын тексеру құқығы оның міндеті болып табылмайды және Тапсырысшының қызметі үшін жауаптылықты Орындаушыға жүктемейді.

9.Тапсырысшының құқықтары мен міндеттері

9.1. Тапсырысшы:

• Қағидаларды және Қазақстан Республикасының заңнамасын сақтауға;
• өз бетінше және өз есебінен өз қызметінің, өзі орналастыратын ақпараттың және Қызметтерді пайдалану тәсілдерінің заңдылығын қамтамасыз етуге, оның ішінде, егер қажет болса, лицензиялар мен рұқсаттар алуға және хабарламалар жіберуге;
• ақпаратты резервтік көшіру туралы қағиданы, ал Тапсырысшы-кәсіпкер — сондай-ақ оны шифрлау туралы қағиданы сақтауға (5.12-тармақ);
• Қағидалардың 10-бөліміне сәйкес Сервердің және Есептік жазбаның қауіпсіздігін қамтамасыз етуге;
• Есептік жазбаның электрондық пошта мекенжайын өзекті күйде ұстауға, Басқару панеліндегі және электрондық поштадағы Хабарламаларды тәулігіне кемінде бір рет тексеруге және Абуза туралы немесе шара туралы Хабарламаны алу және оған Қағидалардың 11-бөлімінде белгіленген мерзімде жауап беру мүмкіндігін қамтамасыз етуге (16.3-тармақ);
• Қағидалардың 11-бөлімінде белгіленген мерзімдерде Абузаларға жауап беруге және Бұзушылықтарды жоюға, ал Киберқауіпсіздіктің ұлттық үйлестіру орталығы хабарлаған киберқауіпсіздіктің оқыс оқиғалары мен осалдықтарды — оның хабарламасында көрсетілген мерзімде жоюға;
• инциденттерді тергеп-тексеру кезінде Орындаушыға жәрдемдесуге: түсініктемелер беруге, Сервердің оқиғалар журналдарын және Серверге қол жеткізген тұлғалар туралы мәліметтерді Қазақстан Республикасының дербес деректер туралы заңнамасында жол берілетін көлемде ұсынуға;
• Қызметтерге уақтылы ақы төлеуге;
• Орындаушының жеткізушілері (деректерді өңдеу орталықтарының иелері, байланыс операторлары) белгілеген және Қағидаларға енгізілген пайдалану шектеулерін сақтауға; жаңа шектеулер Қағидаларға 17-бөлімде белгіленген тәртіппен енгізіледі; жеткізушілердің Бұзушылық немесе Сервердің шығыс трафигі себебінен Серверге немесе IP-мекенжайға қатысты шаралары 10.13-тармақпен реттеледі;
• Қазақстан Республикасының заңнамасы бойынша оның аумағында сақталуға жататын Дербес деректерді Серверде сақтамауға (14.4-тармақ);
• егер ол Серверде орналастыратын Дербес деректерді өңдеуге Дербес деректер туралы заң қолданылса (ол жеке тұлғаның тек қана жеке және отбасылық мұқтаж үшін өңдеуіне қолданылмайды — аталған Заңның 3-бабы 3-тармағының 1) тармақшасы), — мұндай деректердің меншік иесі және операторы ретінде 14.4-тармақта көрсетілген көлемде субъектілердің келісімдерін алуға немесе өңдеудің заңда көзделген өзге де негіздерін қамтамасыз етуге және дербес деректер туралы заңнаманың өзге де талаптарын орындауға;
• Есептік жазбаны басқа тұлғаларға бермеуге және оларға Тапсырысшының Есептік жазбадағы паролін, API-кілттерін және өзге де аутентификация құралдарын хабарламауға (4.11 және 4.12-тармақтар); Орындаушының бөлек келісімінсіз жол берілетін Қызметтерді қайта сату немесе Серверді, оның ресурстары мен IP-мекенжайларын үшінші тұлғаларға өз бетінше пайдалану үшін ақыға немесе өтеусіз беру кезінде Қағидалардың 4.10–4.12-тармақтарын сақтауға және мұндай тұлғаларға Есептік жазбаға қол жеткізуді тек Қосалқы пайдаланушылар ретінде ұсынуға, Шарттың жалғыз тарапы болып қалуға және Серверді мұндай тұлғалардың пайдалануы үшін өзінің әрекеттері үшін сияқты жауап беруге (9.3-тармақ) міндетті; Қағидалардың 4.11 және 4.12-тармақтары Тапсырысшының оның мүддесінде және оның бақылауында әрекет ететін қызметкерлері мен мердігерлеріне және өзге де Қосалқы пайдаланушыларына, сондай-ақ Тапсырысшының интернет-ресурстары мен сервистерінің Серверге есептеу ресурсы ретінде қол жеткізбейтін пайдаланушыларына қолданылмайды.

9.2. Тапсырысшы:

• Қызметтерді Тарифке және Шартқа сәйкес пайдалануға;
• 11-бөлім бойынша Шарттан бас тартуға;
• № 1 қосымша бойынша Өтемақылар алуға;
• қолданылған шараларға және автоматтандырылған шешімдерге 15-бөлімде және Қағидалардың 13-бөлімінде белгіленген тәртіппен қарсылық білдіруге;
• Қайтару саясаты бойынша ақша қаражатын қайтаруды талап етуге;
• Құпиялылық саясатында белгіленген тәртіппен өзінің Дербес деректері туралы мәліметтер алуға және дербес деректер субъектісінің өзге де құқықтарын жүзеге асыруға;
• 18-бөлімде белгіленген тәртіппен наразылықтар жіберуге құқылы.

9.3. Қосалқы пайдаланушылардың және Серверге немесе Есептік жазбаға, оның ішінде Тапсырысшының қауіпсіздік шараларын сақтамауы салдарынан қол жеткізген өзге тұлғалардың іс-әрекеттері Шарттың мақсаттары үшін Тапсырысшының іс-әрекеттері деп танылады: Орындаушы Бұзушылықты кім жасағанына қарамастан Серверге және Есептік жазбаға Шартта көзделген шараларды қолдануға құқылы. Тапсырысшының мұндай іс-әрекеттер үшін ақшалай жауаптылығы 12.10-тармақпен айқындалады.

10.Қызметтерді шектеу және оларды көрсетуді тоқтата тұру

10.1. Тапсырысшы Шарт бойынша міндеттемелерді орындамаған немесе тиісінше орындамаған кезде Орындаушы өз міндеттемесін орындауды (АК-нің 284-бабының 2-тармағы) толық немесе ішінара тоқтата тұруға, оның ішінде Сервердің желілік қол жеткізуін немесе API-ге қол жеткізуді шектеуге, жекелеген Серверді тоқтата тұруға немесе барлық Қызметтерді көрсетуді тоқтата тұруға құқылы. Орындаушы Бұзушылыққа және ол төндіретін қатерге мөлшерлес шараны қолданады.

10.2. Орындаушы мынадай жағдайларда Қызметтерді дереу, алдын ала хабардар етпестен шектеуге немесе оларды көрсетуді тоқтата тұруға құқылы:

• критикалық сыныптағы Бұзушылық немесе Орындаушының желісіне, басқа тапсырысшыларға немесе үшінші тұлғаларға қатер төндіретін жалғасып жатқан Бұзушылық;
• Орындаушының IP-мекенжайларын немесе желілерін бұғаттау тізімдеріне енгізу не Орындаушының жоғары тұрған жеткізушілерінің шаралар қолдануы қатері;
• заңды күшіне енген сот актісінің немесе Қазақстан Республикасының уәкілетті мемлекеттік органының талабы;
• Сервердің немесе Есептік жазбаның компрометация белгілері;
• Серверде Қағидалардың 5.1-тармағында көрсетілген құралдарды немесе Туннельдеуді пайдалану белгілері;
• Орындаушы, оның ішінде автоматтандырылған құралдарды пайдалана отырып анықтаған Бұзушылық белгілері, — Бұзушылықты тоқтату үшін қажетті көлемде;
• Орындаушының банктен немесе төлем ұйымынан төлемге дау айту туралы мәліметтер алуы — дау айтылатын төлеммен ақысы төленген Қызметтерге қатысты, ал егер Дербес шот қайта есептелгеннен кейін берешек пайда болса, — барлық Қызметтерге қатысты, Қайтару саясатының 10-бөлімінде белгіленген тәртіппен реттелгенге дейін;
• Қызметтерге төлем құралымен оны ұстаушының келісімінсіз ақы төлеу белгілері, оның ішінде банктің немесе төлем ұйымының мұндай операция туралы хабары, — осы төлеммен ақысы төленген Қызметтерге қатысты, 4.14-тармақ бойынша тексеру уақытына.

10.3. Ақы төлемегені үшін Қызметтерді көрсету 7-бөлімнің кестесі бойынша тоқтатыла тұрады.

10.4. Егер Тапсырысшы:

• 4.14-тармақтың екінші–төртінші абзацтарындағы негіздер бойынша тексеру кезінде сұратылған мәліметтерді 5 Жұмыс күні ішінде ұсынбаса (4.14.2-тармақ);
• Абуза туралы Хабарламада көрсетілген мерзімде Бұзушылықты жоймаса немесе осы Хабарламаға жауап бермесе (Қағидалардың 11-бөлімі);
• киберқауіпсіздіктің оқыс оқиғасын немесе осалдықты уәкілетті органның Тапсырысшыға қайта жіберілген хабарламасында көрсетілген мерзімде жоймаса, Орындаушы мерзім өткен соң Қызметтерді көрсетуді тоқтата тұруға құқылы.

10.5. Егер Хабарлама жіберуге заңмен немесе уәкілетті органның талабымен тыйым салынбаса, Орындаушы қолданылған шара туралы шара қолданылғаннан кейін 24 сағаттан кешіктірмей негізі мен жою тәсілі көрсетілген Хабарлама (бұдан әрі — шара туралы Хабарлама) жібереді. Егер Орындаушы Сервер бойынша Қызметтерді көрсету тоқтатыла тұрғаннан кейін Серверді және оның деректерін алып тастауға ниеттенсе, олар одан кейін алып тасталуы мүмкін күн шара туралы Хабарламада немесе бөлек Хабарламада көрсетіледі; бөлек Хабарламада көрсетілген күн ол алынғаннан кейін күнтізбелік 7 күн өткенге дейін де, тоқтатыла тұрған кезден бастап күнтізбелік 14 күн өткенге дейін де келуі мүмкін емес (Қағидалардың 12.6-тармағы).

10.5.1. Егер шараның негізі оны қолдану сәтінде болған болса, Орындаушының шара туралы Хабарламаны жіберу, шектеулерді алып тастау туралы сұрау салуды (10.9-тармақ) немесе қарсылықты (15.4-тармақ) қарау мерзімін бұзуы шараны заңсыз етпейді. Егер сұрау салуды немесе қарсылықты қарау мерзімі өткенге қарай шараның негізі жойылса, осы сәттен бастап жауап берілген күнге дейінгі шектеу немесе тоқтата тұру уақытына Тапсырысшы ақы төлемейді (10.8-тармақ). Қазақстан Республикасының тұтынушылардың құқықтарын қорғау туралы заңнамасында көзделген Тұтынушының құқықтары осымен шектелмейді.

10.6. Шарттың және Қағидалардың негіздері бойынша, оның ішінде автоматтандырылған түрде қолданылған шаралар Орындаушының кінәсінен Қызметтерді көрсетудегі үзіліс болып табылмайды және Қолжетімсіздік ретінде есепке алынбайды, шараның негізі расталмаған жағдайды (15.5-тармақ) қоспағанда: бұл жағдайда тоқтата тұру кезеңі ақы төленуге жатпайды (10.8-тармақ), ал Тұтынушы үшін № 1 қосымшаның 6.5-тармағында белгіленген шектерде және сонда белгіленген есепке жатқызумен Қолжетімсіздік ретінде есепке алынады; Қазақстан Республикасының тұтынушылардың құқықтарын қорғау туралы заңнамасында көзделген, Тұтынушының Қызметтерді негізсіз шектеуге байланысты құқықтары сақталады.

10.7. Бұзушылық немесе ақы төлемеу салдарынан Қызметтерді көрсетуді тоқтата тұру немесе оларды шектеу Тапсырысшыны тоқтата тұру кезеңі үшін Қызметтерге ақы төлеуден босатпайды, Сервер ақы төлемегені үшін тоқтатыла тұрғаннан кейін алып тасталған жағдайды (7.6-тармақ) қоспағанда: бұл кезеңде Орындаушы Сервердің дискілерін сақтауды және есептеу ресурстары мен IP-мекенжайларды Тапсырысшы үшін резервте ұстауды жалғастырады, ал Есеп айырысу кезеңі ұзартылмайды. Тұтынушы тоқтата тұру кезеңіне тек оның кінәсінен жол берілген расталған Бұзушылық болған кезде (Тұтынушы өзгешесін дәлелдегенге дейін ол кінәлі деп ұйғарылады, Қағидалардың 1.5-тармағы), оның ішінде ақы төлемеген кезде ғана және 20-бөлімде белгіленген шектерде ақы төлейді.

10.8. Егер тоқтата тұру Қазақстан Республикасының уәкілетті мемлекеттік органының талабынан не өзге тұлғалардың, оның ішінде шет мемлекеттер органдарының жабдыққа, желілерге немесе IP-мекенжайларға қатысты, Тапсырысшының Бұзушылығымен байланысты емес шараларынан немесе талаптарынан (12.9-тармақ, Қағидалардың 15.7 және 15.9-тармақтары) туындаса не тоқтата тұру негізі расталмаса, тоқтата тұру кезеңіне Тапсырысшы ақы төлемейді: Орындаушы Есеп айырысу кезеңін тоқтата тұру уақытына ұзартады, ал егер ұзарту техникалық тұрғыдан мүмкін болмаса, — Дербес шотқа тоқтата тұру уақыты үшін пропорционалды түрде есептелген Қызметтің құнын есептейді. Мұндай есептеу бұрын есептен шығарылған соманы қалпына келтіру болып табылады: ол ақша қаражатын, Өтемақыларды және Бонустарды осы тәуліктердің құнына олармен қандай пропорцияда ақы төленген болса, сол пропорцияда қалпына келтіреді (Қайтару саясатының 3.4-тармағы); қалпына келтірілген ақша қаражаты Қайтару саясатында белгіленген тәртіппен Дербес шоттың қалдығының құрамында қайтарылады.

10.9. Шектеулер оларды қолдану негізі жойылғаннан және Тапсырысшы қабылданған шаралар туралы есеп ұсынғаннан кейін Қағидалардың 12-бөлімінде белгіленген тәртіппен алып тасталады, Қағидалардың 12.8.1-тармағында көрсетілген жағдайларды қоспағанда. Шектеулерді алып тастау туралы сұрау салу 1 Жұмыс күні ішінде қаралады. Орындаушы шектеулерді алып тастауды есептік деректерді ауыстыруға немесе 4.14-тармақ бойынша тексеруге, ал Сервердің компрометация белгілері болған кезде — сондай-ақ операциялық жүйені қайта орнатуға байланысты етіп қоюға құқылы; қайта орнатылғанға дейін Орындаушы Тапсырысшының сұрау салуы бойынша оған 10.12-тармақта белгіленген тәртіппен деректерді жүктеп алу мүмкіндігін береді.

10.10. Егер Сервер бойынша Қызметті көрсетуді тоқтата тұру Бұзушылықтан, ақы төлемеуден, оның ішінде төлемге дау айту салдарынан (10.2-тармақ), немесе 4.14-тармақтың екінші–төртінші абзацтарындағы негіздер бойынша тексеру кезінде сұратылған мәліметтерді ұсынбаудан туындаса және тоқтата тұру негізі тоқтатыла тұрған кезден бастап күнтізбелік 14 күн ішінде (Қағидалардың 12.11-тармағын ескере отырып) жойылмаса, Орындаушы 11.5.2-тармақты ескере отырып, 11.5-тармақ бойынша осындай Сервер бөлігінде Шарттан бас тартуға құқылы; егер бас тарту күшіне енетін сәтке қарай Бұзушылық Қағидалардың 2.4-тармағында белгіленген тәртіппен, ал Тұтынушының Бұзушылығы — 20.2-тармақтың қағидалары бойынша расталса, Бұзушылыққа байланысты бас тартуға жол беріледі. Тоқтата тұру туралы Хабарлама немесе алып тастау күні көрсетілген бөлек Хабарлама (7.3 және 10.5-тармақтар) сондай-ақ осындай бас тарту туралы Хабарлама болып табылады және Сервер, оның дискілері мен сәттік көшірмелері одан кейін алып тасталатын күнді көрсетеді; мұндай Хабарлама Тапсырысшыға жіберілмейінше, олар алып тасталмайды. Тұтынушы Серверінің алып тасталу күні Тұтынушы осы күн көрсетілген Хабарламаны алған кезден бастап күнтізбелік 7 күн өткенге дейін келуі мүмкін емес (16.2.1-тармақ). Егер бас тарту күшіне енетін сәтке қарай тоқтата тұру негізі жойылмаса және бас тартуға 11.5 және 11.5.2-тармақтарда жол берілсе, бас тарту көрсетілген күні, бірақ тоқтатыла тұрған кезден бастап күнтізбелік 14 күн өткеннен кейін ғана күшіне енеді, ал Сервер, оның дискілері мен сәттік көшірмелері сол күні қалпына келтіру мүмкіндігінсіз алып тасталады; 10.12-тармақта көзделген жағдайларда алып тастау кейінге қалдырылады. Егер тоқтата тұру Бұзушылықтан туындаса, Бұзушылық Қағидалардың 2.4-тармағында белгіленген тәртіппен расталғанға дейін Сервер алып тасталмайды.

10.11. Егер тоқтата тұру Қазақстан Республикасының уәкілетті мемлекеттік органының талабынан не өзге тұлғалардың 10.8-тармақта көрсетілген, Тапсырысшының Бұзушылығымен байланысты емес шараларынан немесе талаптарынан туындаса немесе тоқтата тұру негізі расталмаса, осы Сервер бөлігінде Шарт 11.6 немесе 11.11-тармақ бойынша тоқтатылмайынша, Сервер, оның дискілері мен сәттік көшірмелері алып тасталмайды; тоқтатылғаннан кейін олар 11.8-тармақта белгіленген тәртіппен сақталады және алып тасталады. Осы мерзімге дейін Орындаушы оларды тек заң немесе уәкілетті орган мұны тікелей талап еткен жағдайда ғана алып тастайды. Егер мұндай тоқтата тұру күнтізбелік 14 күннен артық жалғасса, Орындаушы 11.6-тармақ бойынша Шарттан бас тартуға не 11.11-тармақ бойынша міндеттемелердің тоқтатылғаны туралы мәлімдеуге құқылы. Егер заң немесе органның талабы деректерге қол жеткізуге тыйым салмаса, Орындаушы Тапсырысшының сұрау салуы бойынша оған алып тасталғанға дейін деректерді жүктеп алу мүмкіндігін береді.

10.12. Егер бұл техникалық тұрғыдан мүмкін болса, желіге, басқа тапсырысшыларға және үшінші тұлғаларға қатер төндірмесе және оған заңмен немесе уәкілетті органның талабымен тыйым салынбаса, алып тасталғанға дейін Орындаушы Тапсырысшының сұрау салуы бойынша оған деректерді жүктеп алу үшін Серверге уақытша шектеулі қол жеткізуді ұсынуға құқылы, ал 10.9 және 10.11-тармақтарда көзделген жағдайларда — мұндай қол жеткізуді сол талаптармен ұсынуға міндетті. Сервер бойынша Қызметтерді көрсету Бұзушылыққа байланысты тоқтатыла тұрған немесе онымен жасалған Шарт Сервер бөлігінде 11.5-тармақ бойынша тоқтатылған Тұтынушыға Орындаушы Серверге мұндай қол жеткізуді Сервердің желілік қол жеткізуін шектей отырып ұсынуға міндетті; одан тек мынадай жағдайларда ғана бас тартылуы мүмкін: егер Серверде Қағидалардың 4.2.1 және 4.2.2-тармақтарында көрсетілген материалдар анықталса, егер қол жеткізу осы режимде де желіге, басқа тапсырысшыларға немесе үшінші тұлғаларға қатер төндірсе, егер оған заңмен немесе уәкілетті органның талабымен тыйым салынса не ол техникалық тұрғыдан мүмкін болмаса; алып тастауға дейін алынған сұрау салу бойынша мұндай қол жеткізу уақытына алып тастау кейінге қалдырылады, бірақ күнтізбелік 7 күннен аспайтын мерзімге. Серверді, оның дискілері мен сәттік көшірмелерін алып тастау кейінге қалдырылады:

• Серверге қатысты Абуза бойынша инцидент ашық тұрғанда, — бірақ, егер неғұрлым ұзақ сақтау заңмен, Қазақстан Республикасының уәкілетті мемлекеттік органының талабымен немесе басталған дауда құқықтарды қорғау үшін талап етілмесе, Қызметті көрсету тоқтатыла тұрған немесе тоқтатылған кезден бастап күнтізбелік 90 күннен аспайтын мерзімге (Қағидалардың 14.6-тармағы);
• Тапсырысшыға оның алып тастауға дейін алынған, тоқтата тұруға немесе алып тастауға қарсылығын қарау нәтижесі хабарланғанға дейін (15.4-тармақ, Қағидалардың 13-бөлімі); сол шешімге сол негіз бойынша қайталанған қарсылық алып тастауды кейінге қалдырмайды;
• тоқтата тұрудан кейін алып тастау кезінде — Тапсырысшыға алып тастау күні көрсетілген Хабарлама жіберілмейінше (7.3, 10.5 және 10.10-тармақтар);
• Қайтару саясатының 10.4-тармағында көрсетілген жағдайда;
• Орындаушының шешімі бойынша — Қағидалардың 14-бөлімі бойынша дәлелдемелерді сақтау үшін.

10.13. Соттың немесе Қазақстан Республикасының уәкілетті мемлекеттік органының заңды талабын орындау үшін Қызметтерді шектеу немесе оларды көрсетуді тоқтата тұру Орындаушы тарапынан Шарттың талаптарын бұзу болып табылмайды. Орындаушының жоғары тұрған жеткізушілері (деректерді өңдеу орталықтарының иелері, байланыс операторлары) Серверге немесе IP-мекенжайға қатысты Бұзушылық немесе Сервердің шығыс трафигі себебінен (Тұтынушыға қатысты — тек Бұзушылық себебінен ғана), ал Тапсырысшы-кәсіпкердің Серверіне қатысты — сондай-ақ Серверге бағытталған шабуыл себебінен қабылдаған шаралар Орындаушы тарапынан Шарттың талаптарын бұзу болып табылмайды; бұл жағдайларда Орындаушыны Тұтынушы алдындағы жауаптылықтан босату 13.3-тармақпен айқындалады (20-бөлім). Орындаушының осы бөлімде және Қағидаларда көзделген шараларды заңды қолдануы Орындаушы тарапынан Шарттың талаптарын бұзу болып табылмайды және оның жауаптылығына, оның ішінде Тұтынушы алдындағы жауаптылығына әкеп соқпайды; негізі расталмаған шараның салдары 10.6, 10.8 және 15.5-тармақтармен, ал Орындаушының жауаптылығы — 12 және 20-бөлімдермен айқындалады.

11.Шарттың қолданылу мерзімі, Шарттан бас тарту және деректерді алып тастау

11.1. Шарт жасалған кезден бастап күшіне енеді және мерзімі белгіленбей қолданылады. Қызметтер Есеп айырысу кезеңдерімен көрсетіледі.

11.2. Тапсырысшы кез келген уақытта Шарттан толық немесе жекелеген Сервер бөлігінде бас тартуға құқылы (АК-нің 686-бабының 1-тармағы). Басқару панелінде автоматты ұзартуды өшіру ақысы төленген Есеп айырысу кезеңі аяқталған кезден бастап Қызметтен бас тартуды білдіреді: Қызмет осы кезең аяқталғанға дейін көрсетіледі, содан кейін Сервер тоқтатылады; Тапсырысшы мұндай бас тартудың күшін Есеп айырысу кезеңі аяқталғанға дейін жоюға құқылы. Егер автоматты ұзарту ұзартуға арналған шоты төленбеген (7.1-тармақ) келесі Есеп айырысу кезеңі басталғаннан кейін өшірілсе, Сервер бойынша Қызмет ұзарту өшірілген Есеп айырысу кезеңінің ағымдағы тәулігі аяқталғаннан кейін тоқтатылады, ал бұған дейін көрсетілген Қызметтерге пропорционалды түрде ақы төленеді (7.6-тармақ, Қайтару саясатының 4.2.6 және 4.2.10-тармақтары). Егер Басқару панелінде автоматты ұзартуды өшіру функциясы, оның ішінде тоқтата тұру кезінде немесе Серверге қатысты Абуза бойынша инцидент ашық тұрғанда, қолжетімсіз болса, бас тарту 11.3-тармақта белгіленген тәртіппен мәлімделеді.

11.3. Тапсырысшы Өтініштер жүйесі арқылы, Есептік жазбаның электрондық пошта мекенжайынан support@vds.rent мекенжайына немесе қағаз жеткізгіште Қазақстан Республикасы, Алматы қ., әл-Фараби даңғылы, 40-үй мекенжайы бойынша өтініш жіберіп, Есеп айырысу кезеңі аяқталғанға дейін Қызметтен бас тартуға құқылы. Қызметті көрсету Орындаушы өтінішті алған Есеп айырысу кезеңінің ағымдағы тәулігі аяқталғаннан кейін, ал егер өтініште ағымдағы Есеп айырысу кезеңі шегінде неғұрлым кейінгі сәт көрсетілсе, — осы сәт келетін тәулік аяқталғаннан кейін тоқтатылады (Қайтару саясатының 4.2.3-тармағы). Орындаушы ағымдағы Есеп айырысу кезеңінің пайдаланылмаған толық тәуліктерінің құнын және Дербес шоттың пайдаланылмаған қалдығын Қайтару саясатының 4-бөлімінде белгіленген тәртіппен қайтарады; ұстап қалу тек Қайтару саясатының 6-бөлімінде көзделген жағдайларда ғана жүргізіледі. Қайтаруды Орындаушы Тапсырысшының өтініші бойынша жүргізеді.

11.4. Егер Серверге қатысты Абуза бойынша инцидент ашық болса, Тапсырысшының Шарттан бас тартуы оны Бұзушылықты жою және тергеп-тексеруге жәрдемдесу жөніндегі міндеттерден босатпайды. Орындаушы Серверді және онымен байланысты деректерді инцидент жабылғанға дейін, бірақ 10.12-тармақта көрсетілген мерзімнен аспайтын уақытқа алып тастамауға және оларды Қағидалардың 14-бөлімінде белгіленген тәртіппен сақтауға құқылы.

11.5. Орындаушы мынадай жағдайларда Тапсырысшының кінәсінен Шартты орындаудан толық немесе жекелеген Сервер бөлігінде біржақты тәртіппен бас тартуға құқылы (АК-нің 404-бабының 1-тармағы, 686-бабының 2-тармағы):

• расталған (Қағидалардың 2.4-тармағы) критикалық сыныптағы Бұзушылық;
• 12 ай ішінде сол сыныптағы қайталанған расталған Бұзушылық не 12 ай ішінде Инциденттер сыныптарына жатқызылған үшінші расталған Бұзушылық, мерзімінде жойылған төмен сыныптағы осалдықтар мен конфигурация қателерін қоспағанда (Қағидалардың 11-бөлімі);
• Қағидалардың 5-бөлімін бұзатын, 12 ай ішінде қайталанған расталған Бұзушылық;
• Бұзушылықтан, ақы төлемеуден немесе 4.14-тармақтың екінші–төртінші абзацтарында көрсетілген негіздер бойынша тексеру кезінде сұратылған мәліметтерді ұсынбаудан туындаған тоқтата тұру негізін тоқтатыла тұрған кезден бастап күнтізбелік 14 күн ішінде жоймау (10.10-тармақ);
• Тапсырысшының Шартты орындау үшін маңызы бар дұрыс емес мәліметтерді, оның ішінде 4.10-тармақ бойынша дұрыс емес мәлімдемені көрсетуі немесе 4.14-тармақтың екінші–төртінші абзацтарында көрсетілген негіздер бойынша тексеруден өтпеуі;
• төлемдермен алаяқтық әрекеттер (Қайтару саясатының 10-бөлімі), оның ішінде Қызметтерге бөтен төлем құралымен оның иесінің келісімінсіз ақы төлеу;
• Шарт жасалғаннан кейін Орындаушы бұрын бұзылған Шартқа, берешекке немесе басқа тұлғаның мүддесіндегі әрекеттерге байланысты 4.13-тармақ бойынша оны жасасудан бас тартуға құқылы болған мән-жайлардың анықталуы, сондай-ақ Есептік жазбаны басқа Есептік жазбаға қолданылған шараларды айналып өту үшін пайдалану (4.11-тармақ).

11.5.1. Бас тарту Тапсырысшы бас тарту туралы Хабарламаны алған кезден бастап немесе онда көрсетілген неғұрлым кейінгі күннен бастап, ал 10.10-тармақта көзделген жағдайда — аталған тармақта айқындалған сәтте күшіне енеді; Тараптар бұл жағдайларда АК-нің 404-бабының 4-тармағында көзделген бір айлық ескерту мерзімі қолданылмайды деп уағдаласты. Мұндай бас тартумен Тапсырысшыға келтірілген залал өтелмейді (АК-нің 686-бабының 2-тармағы), өйткені бас тартуға Тапсырысшының кінәсі болған кезде ғана жол беріледі (11.5.2-тармақ). Есеп айырысулар Қайтару саясатының 6-бөлімі бойынша жүргізіледі.

11.5.2. Егер бас тарту негізі Тапсырысшының кінәсінен, оның ішінде қауіпсіздік жөніндегі міндеттерді орындамау салдарынан туындаса (Қағидалардың 10-бөлімі), 11.5-тармақтың кез келген негізі бойынша бас тартуға жол беріледі. Тапсырысшы кінәлі деп ұйғарылады: егер Тапсырысшы міндеттемені тиісінше орындау үшін және мұндай негіздің алдын алу үшін өзіне байланысты шаралардың барлығын қолданғанын дәлелдемесе, бас тарту негізі оның кінәсінен туындады деп танылады (АК-нің 359-бабының 1-тармағы); Бұзушылықтағы кінә Қағидалардың 1.5-тармағы бойынша да айқындалады. Бас тарту мақсаттары үшін Бұзушылық Қағидалардың 2.4-тармағында белгіленген қағидалар бойынша, ал Тұтынушының Бұзушылығы — 20.2-тармақта белгіленген қағидалар бойынша расталды деп есептеледі. Егер Тапсырысшы өзінің кінәсі жоқ екендігін дәлелдесе, Орындаушы 10-бөлімде көзделген шараларды қолдануға немесе 11.6-тармақ бойынша Шарттан бас тартуға құқылы.

11.6. Орындаушы Қызметтер тоқтатылатын күнге дейін күнтізбелік 30 күннен кешіктірмей Хабарлама жіберіп, Тапсырысшының кінәсінсіз Шартты орындаудан бас тартуға құқылы. Бұл жағдайда Орындаушы Дербес шоттың пайдаланылмаған қалдығын және Есеп айырысу кезеңінің пайдаланылмаған бөлігінің құнын ұстап қалусыз (Қайтару саясатының 6.11-тармағы), қайтарылатын сомадан тек Тапсырысшыға іс жүзінде көрсетілген және Тапсырысшы ақысын төлемеген Қызметтердің құнын ғана алып тастай отырып (Қайтару саясатының 7.2-тармағы), қайтарады және Тапсырысшыға АК-нің 686-бабының 2-тармағына сәйкес залалды өтейді.

11.7. Егер Тапсырысшы Қызметтерді онсыз көрсету мүмкін болмайтын Дербес деректерді жинауға және өңдеуге келісімді кері қайтарып алса, Шарт Келісімнің 10.6-тармағында айқындалған күні тоқтатылады: толық кері қайтарып алу кезінде — Орындаушы кері қайтарып алу туралы хабарды алған күні, ал егер Орындаушы оны растауды сұратса, — растауды алған күні; егер кері қайтарып алу туралы хабарда неғұрлым кейінгі күн көрсетілсе, — сол күні, бірақ кері қайтарып алу туралы хабарды алған күннен бастап 15 Жұмыс күнінен кешіктірмей; ішінара кері қайтарып алу және Қызметтерді оларсыз көрсету мүмкін болмайтын деректерді алып тастау, анонимдеу немесе өңдеуді шектеу туралы талап кезінде — Келісімнің сол тармағында айқындалған күні. Орындаушы Тапсырысшыны Шарттың тоқтатылу күні туралы хабардар етеді. Шарт тоқтатылғаннан кейін Дербес деректер тек Келісімнің 10.5-тармағында көрсетілген жағдайларда ғана сақталады. Орындалмаған міндеттеме, оның ішінде кері қайтарып алу туралы хабар алынғанға дейін расталған Бұзушылық үшін айыппұл төлеу жөніндегі міндеттеме болған кезде Дербес деректерді өңдеу оны орындау үшін қажетті көлемде жалғастырылады (Дербес деректер туралы заңның 8-бабының 2-тармағы); бұл Шарттың тоқтатылуына кедергі келтірмейді, ал мұндай міндеттемелер Шарт тоқтатылғаннан кейін де, оның ішінде есепке жатқызу арқылы орындалады (11.10-тармақ). Есеп айырысулар Қайтару саясатының 4.11-тармағында белгіленген тәртіппен жүргізіледі. Дербес деректерді автоматтандырылған өңдеуге келісімді кері қайтарып алудың салдары тек 15.6-тармақпен айқындалады.

11.8. Қызметті көрсету кез келген негіз бойынша тоқтатылғаннан кейін Сервер, оның дискілері мен сәттік көшірмелері Қызметті көрсету тоқтатылған кезден бастап, ал егер бұл тоқтатудың алдында 7.3 немесе 10.10-тармақ бойынша тоқтата тұру болса, — тоқтатыла тұрған кезден бастап күнтізбелік 14 күн сақталады, содан кейін қалпына келтіру мүмкіндігінсіз алып тасталады; Келісімді кері қайтарып алуға байланысты Шарт тоқтатылған кезде (11.7-тармақ) — егер оларды сақтау заңмен немесе орындалмаған міндеттемені орындау үшін талап етілмесе, Келісімнің 10.6.2-тармағында белгіленген мерзімнен кешіктірмей. Егер бас тарту туралы өтініште Тапсырысшы Серверді дереу алып тастауды сұраса, Сервер сақтау мерзімінсіз тек осы талапты Есептік жазбаның электрондық пошта мекенжайына жіберілген кодпен немесе екі факторлы аутентификация кодымен цифрлық растаудан кейін (4.7-тармақ) және растау алынған Есеп айырысу кезеңінің тәулігі аяқталғаннан кейін ғана алып тасталады; растаусыз Сервер осы тармақта белгіленген жалпы тәртіппен сақталады және алып тасталады. Егер Тапсырысшы Серверді Басқару панелінің құралдарымен (мұндай функция қолжетімді болған кезде) алып тастаса, Сервер сақтау мерзімінсіз алып тасталады. Алып тастау 10.12-тармақта көзделген жағдайларда кейінге қалдырылады. Егер Орындаушы Сервердің резервтік көшірмелерін жасаған болса, олар 10.12-тармақта көзделген жағдайларды қоспағанда, Сервермен бірге алып тасталады. Алып тастау жабдықтың сақтау жүйесінің құралдарымен жеткізгіштегі деректерді кепілді түрде қайта жазып жоймай жүргізіледі; 10.12-тармақта көзделген жағдайларды қоспағанда, Орындаушы алып тасталған деректерді қалпына келтірмейді және олардың көшірмелерін сақтамайды. Орындаушы Құпиялылық саясаты бойынша сақтайтын мәліметтер (журналдар, қаржылық жазбалар, Бұзушылықтар жөніндегі материалдар, IP-мекенжайларды бөлу тарихы) Құпиялылық саясатының 12-бөлімінде көрсетілген мерзімдерде сақталады.

11.9. Есептік жазбаны алып тастау туралы өтініш Басқару панелінде барлық Қызметтер тоқтатылғаннан, берешек өтелгеннен және Дербес шоттың қалдығы қайтарылғаннан немесе пайдаланылғаннан кейін, сондай-ақ Құпиялылық саясатының 14.2-тармағында көрсетілген тәсілдермен беріледі; Қызметтері қолданыстағы немесе Дербес шоттың қалдығы бар Есептік жазбаны алып тастау туралы талап Құпиялылық саясатының 12.6-тармағында және Қайтару саясатының 8.12-тармағында белгіленген тәртіппен қаралады. Қаржылық жазбалар өзімен байланысты Есептік жазба Құпиялылық саясатының 12-бөлімінде белгіленген олардың сақтау мерзімі ішінде алып тасталмайды: оған кіру жабылады (бірақ Шарт тоқтатылғанға дейін жол берілген Бұзушылықтар бойынша есеп айырысулар аяқталғаннан кейін ғана, оның ішінде қайтарылатын сома кейінге қалдырылған мерзім өткеннен кейін ғана, — Қағидалардың 16.15-тармағы), тек тегі, аты, әкесінің аты (бар болғанда), электрондық пошта мекенжайы және пайдаланушы аты ғана сақталады және олар тек сақтау мерзімдері өтпеген қаржылық жазбалармен және өзге де жазбалармен байланыстыру үшін, Қазақстан Республикасының заңдарында немесе Шартта көзделген міндеттемелерді орындау үшін және Цифрлық кодекстің 41-бабының 3 және 4-тармақтарында көрсетілген жағдайларда ғана өңделеді. Осы мерзім өткен соң Есептік жазба алып тасталады.

11.10. Шарт тоқтатылғаннан кейін мыналар толық орындалғанға дейін қолданыла береді: ақша қаражатын қайтаруды және берешекті өтеуді қоса алғанда, Тараптардың есеп айырысу жөніндегі міндеттемелері; құпиялылық, ақпаратты сақтау және ашу туралы ережелер (14-бөлім); Шарт тоқтатылғанға дейін жол берілген бұзушылықтар үшін жауаптылық туралы ережелер (Офертаның 12 және 13-бөлімдері және Қағидалардың 16-бөлімі); наразылықтар, дауларды шешу және қолданылатын құқық туралы ережелер (18 және 19-бөлімдер).

11.11. Егер Қызметтерді көрсету заңда белгіленген тыйымның, заңды күшіне енген сот актісінің немесе Қазақстан Республикасының уәкілетті мемлекеттік органы талабының салдарынан мүмкін болмай қалса және мұндай тыйым, сот актісі немесе талап Орындаушының Шарттың талаптарын немесе заңнаманы бұзуынан не Тапсырысшының Бұзушылығынан туындамаса, Орындаушының Қызметтерді көрсету жөніндегі міндеттемесі тиісті бөлігінде орындауға мүмкіндік болмағандықтан тоқтатылады, ал Тапсырысшы тоқтатылғаннан кейінгі кезең үшін Қызметтерге ақы төлеуге міндетті емес және атқарғанын қайтаруды талап етуге құқылы (АК-нің 374-бабы); егер мүмкіндіктің болмауы мемлекеттік органның актісінен туындаса, мұндай акт негізінде міндеттеменің тоқтатылуы туралы АК қағидалары да қолданылады. Егер Қызметтерді тиісті локацияда көрсету 12.9-тармақта көрсетілген үшінші тұлғалардың жабдыққа қатысты шараларының салдарынан мүмкін болмай қалса, ал Серверді 5.14-тармақ бойынша басқа локацияға көшіру мүмкін болмаса, сол қағида қолданылады. Мұндай тоқтату Орындаушының 11.6-тармақ бойынша Шарттан бас тартуы болып табылмайды. Орындаушы Тапсырысшыны тоқтату туралы мұндай тыйым, сот актісі немесе талап жол беретін мерзімде хабардар етеді және Дербес шоттың пайдаланылмаған қалдығын және Есеп айырысу кезеңінің пайдаланылмаған бөлігінің құнын Қайтару саясатының 7-бөлімінде белгіленген тәртіппен қайтарады. Орындаушы мұндай тоқтату үшін Тапсырысшы-кәсіпкер алдында жауап бермейді (13.2-тармақ); Орындаушының Тұтынушы алдындағы жауаптылығы Қазақстан Республикасының тұтынушылардың құқықтарын қорғау туралы заңнамасымен айқындалады (13.3-тармақ). Егер Құпиялылық саясатының 1.5-тармағында көрсетілген Пайдаланушы Дербес деректерді жинауға және өңдеуге келісімді оны беру қажеттігі туралы Хабарлама күнінен бастап күнтізбелік 30 күн ішінде бермесе, Тараптардың міндеттемелері сол қағидалар бойынша тоқтатылады: оның Дербес деректерін келісімінсіз өңдеуге заңмен жол берілмейді (Дербес деректер туралы заңның 7-бабының 1-тармағы, 9-бабы); қайтару Қайтару саясатының 7-бөлімі бойынша ұстап қалусыз жүргізіледі.

11.12. Тапсырысшының қайтыс болғаны туралы құжатты алғаннан кейін Орындаушы автоматты ұзартуды тоқтатуға және ақысы төленген Есеп айырысу кезеңі аяқталғаннан кейін Қызметтерді көрсетуді тоқтатуға құқылы; бұдан кейін Сервер, оның дискілері мен сәттік көшірмелері 11.8-тармақта белгіленген тәртіппен сақталады және алып тасталады. Есептік жазбаға және Сервердің деректеріне қол жеткізу Тапсырысшының мұрагерлеріне немесе өзге тұлғаларға тек олардың құқықтарын растайтын құжаттардың немесе сот шешімінің негізінде ғана ұсынылады; ақша қаражаты мұрагерлерге Қайтару саясатының 8.13-тармағында белгіленген тәртіппен қайтарылады.

12.Тараптардың жауаптылығы

12.1. Міндеттемелерді орындамағаны немесе тиісінше орындамағаны үшін Тараптар Қазақстан Республикасының заңнамасында және Шартта көзделген жауаптылықта болады.

12.2. Орындаушы жауап беретін Қызмет көлемі 3.2–3.4 және 3.11-тармақтарда айқындалған; Тапсырысшының ақпаратты резервтік көшіру және шифрлау жөніндегі міндеттері — 5.12-тармақта.

12.3. Орындаушы Тапсырысшы-кәсіпкер алдында кінәсі болған кезде ғана жауап береді (АК-нің 359-бабының 1-тармағы және 2-тармағының екінші абзацы). Осы тармақ Тұтынушыға қолданылмайды (20-бөлім).

12.4. Орындаушы Тапсырысшы-кәсіпкерге тек нақты нұқсанды ғана өтейді; айырылып қалған пайда, оның ішінде алынбай қалған табыстар мен пайда өтелмейді (АК-нің 9-бабының 4-тармағы, 350-бабының 2-тармағы). Ақпараттың жоғалуы тек нақты нұқсан ретінде және 12.5-тармақтың шегінде ғана өтеледі; Тапсырысшы-кәсіпкер резервтік көшірмесін жасамаған ақпараттың жоғалуынан болған залал, егер ол Орындаушының кінәсін дәлелдемесе, өтелмейді (5.12-тармақ). Осы тармақ Тұтынушыға қолданылмайды (20-бөлім).

12.5. Тұрақсыздық айыбы мен залалды қоса алғанда, бір оқиғаға немесе өзара байланысты оқиғалар сериясына байланысты барлық талаптар бойынша Орындаушының Тапсырысшы-кәсіпкер алдындағы жауаптылығының жиынтық мөлшері талап соған байланысты туындаған Қызмет үшін Орындаушы Тапсырысшыдан оқиға болған күннің алдындағы 3 (үш) Есеп айырысу кезеңі үшін, ал егер Қызмет үш Есеп айырысу кезеңінен аз көрсетілсе, — оны көрсетудің іс жүзіндегі мерзімі үшін іс жүзінде алған төлемдердің сомасынан аспайды; барлық жағдайларда шек осы Қызметтің Тариф бойынша бір Есеп айырысу кезеңіндегі құнынан кем болмайды (АК-нің 9-бабының 4-тармағы, 350-бабының 2-тармағы). № 1 қосымша бойынша Өтемақылар осы шекке есепке жатқызылады. Осы тармақ Тұтынушыға қолданылмайды (20-бөлім).

12.6. Орындаушы Тапсырысшы-кәсіпкер алдында Орындаушы ықпал ете алмайтын тәуелсіз үшінші тұлғалардың: деректерді өңдеу орталықтарының иелерінің, Орындаушыға серверлік жабдық пен IP-мекенжайлар беретін тұлғалардың, байланыс операторлары мен транзиттік операторлардың, электр энергиясын жеткізушілердің, төлем ұйымдарының, тіркеушілердің, бұғаттау тізімдерінің операторларының әрекеттері мен әрекетсіздігі үшін жауап бермейді (АК-нің 363-бабының 4-тармағы). Шараны Шарт пен Қағидалардың негіздері бойынша оны қолдану сәтінде Орындаушы анықтаған немесе Орындаушы негізді түрде дұрыс деп таныған Абузада хабарланған Бұзушылық белгілері болған кезде қолдану, егер шара оның негізі жоқ екені анықталғаннан кейін кешіктірмей алынып тасталса (15.5-тармақ), Орындаушының Шарттың талаптарын кінәлі түрде бұзуы болып табылмайды; бұл жағдайда тоқтата тұру кезеңіне Тапсырысшы-кәсіпкер ақы төлемейді (10.8-тармақ). Осы тармақ Тұтынушыға қолданылмайды (20-бөлім).

12.7. Мыналарға 12.3–12.6-тармақтарда белгіленген шектеулер мен босатулар қолданылмайды:

• міндеттемені қасақана бұзуға (АК-нің 359-бабының 3-тармағы) және өрескел абайсыздық салдарынан бұзуға;
• өмірге және денсаулыққа келтірілген зиянға;
• мөлшері заңмен белгіленген сомаларға, оның ішінде АК-нің 353-бабы бойынша тұрақсыздық айыбына (АК-нің 358-бабының 2-тармағы);
• Орындаушының Тапсырысшының кінәсінсіз Шарттан бас тартуымен келтірілген залалды өтеуге (АК-нің 686-бабының 2-тармағы, 11.6-тармақ); ақысы төленген тапсырыстың 5.2-тармақ бойынша күшін жою мұндай бас тарту болып табылмайды;
• Тапсырысшының пайдаланылмаған авансын және өзге де ақша қаражатын қайтаруға.

12.8. Тұтынушыға 12.3–12.6-тармақтар қолданылмайды (20-бөлім). Орындаушының Тұтынушы алдындағы жауаптылығы Қазақстан Республикасының тұтынушылардың құқықтарын қорғау туралы заңнамасымен және Шартпен айқындалады; Тұтынушы алдындағы жауаптылықтың ақшалай шегі белгіленбеген. Егер Орындаушы зиянның Орындаушы жауап бермейтін үшінші тұлғалардың іс-әрекеттерінің (Орындаушының қызметкерлері және ол 3.6-тармақ бойынша Қызметтерді көрсетуге тартқан тұлғалар мұндай үшінші тұлғаларға жатпайды), бой бермейтін күштің немесе Тұтынушының Қызметті пайдаланудың белгіленген қағидаларын бұзуының салдарынан келтірілгенін дәлелдесе, Тұтынушының мүлкіне келтірілген зиян үшін жауаптылықтан босатылады (Тұтынушылардың құқықтарын қорғау туралы заңның 31-бабының 6-тармағы). Осы норма мағынасындағы Қызметті пайдалану қағидалары резервтік көшіру туралы қағида (5.12-тармақ), әдепкі парольдер мен әлсіз парольдерге тыйым салу және парольдерді, кілттерді және өзге де аутентификация құралдарын құпия сақтау міндеті болып табылады (Қағидалардың 10.2-тармағы).

12.9. Егер Қызметтің кемшіліктері және олардан туындаған залал мынадай мән-жайлардың салдарынан туындаса және Тапсырысшы Орындаушының кінәсін дәлелдемесе, Орындаушы олар үшін жауап бермейді (АК-нің 687-бабымен өзара байланыстағы 635-бабының 4-тармағы); Тұтынушы алдында Орындаушы бұл жағдайларда жауаптылықтан тек 13.3-тармақтың шегінде ғана босатылады:

• Тапсырысшының, Қосалқы пайдаланушылардың және Серверге немесе Есептік жазбаға қол жеткізген тұлғалардың, оның ішінде парольдер мен кілттердің жоғалуы, осал бағдарламалық қамтылымды пайдалану немесе баптау қателері салдарынан болған әрекеттері немесе әрекетсіздігі;
• Сервер ішінде Орындаушының кінәсінен емес пайда болған зиянды бағдарламалық қамтылымның жұмысы;
• Орындаушы орнатқан және Тапсырысшы өзгертпеген қонақ агенті мен баптауларды қоспағанда (№ 1 қосымшаның 2.3.4-тармағы), Сервердің операциялық жүйесінің, бағдарламалық қамтылымының және баптауларының жұмысы, сондай-ақ Тапсырысшының Басқару панеліндегі әрекеттері (операциялық жүйені қайта орнату, Тарифті ауыстыру, сәттік көшірмелермен және дискілердің бейнелерімен жұмыс);
• Тапсырысшының немесе Серверге қол жеткізген тұлғалардың әрекеттері салдарынан Сервердің IP-мекенжайларының бұғаттау тізімдеріне енгізілуі;
• қорғау профилі таңдалмаған Серверге DDoS-шабуылдар және Орындаушының желісі мен жабдығының сыйымдылығынан асатын DDoS-шабуылдар;
• Орындаушының жауаптылық аймағының шегінен тыс байланыс желілеріндегі іркілістер мен шектеулер, оның ішінде байланыс операторлары енгізген трафикті беру шектеулері (№ 1 қосымшаның 2.3 және 2.4-тармақтары);
• Орындаушы Қызметтерді көрсетуге тартпаған үшінші тұлғалардың (3.6-тармақ), оның ішінде шет мемлекеттер органдарының Сервер орналастырылған жабдыққа және ол қосылған желілерге қатысты Орындаушы ықпал ете алмайтын шаралары (жабдықты алып қою, мөрлеу немесе ажырату, оны электрмен жабдықтауды немесе желіге қосуды тоқтату);
• Орындаушының соттың немесе Қазақстан Республикасының уәкілетті мемлекеттік органының талаптарын орындауы;
• бой бермейтін күш мән-жайлары.

12.10. Тапсырысшы Орындаушыға Бұзушылықпен келтірілген залалды, оның ішінде Орындаушы үшінші тұлғалар мен мемлекеттік органдардың Бұзушылықтан туындаған талаптары бойынша төлеген сомаларды 12.12-тармақта белгіленген тәртіппен және шектерде өтейді. Тапсырысшы-кәсіпкер Бұзушылықты өзі жеке жасағанына немесе оны Серверге немесе Есептік жазбаға қол жеткізген тұлғалар жасағанына қарамастан жауап береді. Тұтынушы залалды кінәсі, оның ішінде қауіпсіздік жөніндегі міндеттерді сақтамау кезіндегі абайсыздық нысанындағы кінәсі болған кезде өтейді (Қағидалардың 10-бөлімі); егер Тұтынушы міндеттемені тиісінше орындау үшін, оның ішінде Бұзушылықтың алдын алу үшін өзіне байланысты шаралардың барлығын қолданғанын дәлелдесе, ол кінәсіз деп танылады (АК-нің 359-бабының 1-тармағы). Тұрақсыздық айыбынан тыс залал Тұтынушыдан Тараптардың келісімі бойынша немесе сот шешімімен өндіріп алынады (20-бөлім).

12.11. Бұзушылықтар үшін айыппұлдар және Орындаушының Бұзушылықтардан туындаған шығыстарын (IP-мекенжайларды бұғаттау тізімдерінен шығару, жоғары тұрған жеткізушілердің талаптары, IP-мекенжайларды ауыстыру, заң көмегіне арналған соттан тыс шығыстар, басқа Тапсырысшыларға олардың Серверлерінің Бұзушылықтан туындаған қолжетімсіздігіне байланысты есептелген немесе төленген Өтемақылар мен өзге де сомалар, инцидентті тергеп-тексеруге және Орындаушының жабдығын, желісін және қызметтік жүйелерін қалпына келтіруге арналған, үшінші тұлғаларға төленген шығыстар) өтеу тәртібі Қағидалардың 16-бөлімінде белгіленген. Тапсырысшы-кәсіпкер Орындаушының шығыстарды өтеу туралы талабын есеп-қисабы көрсетілген талапты алған күннен бастап 5 Жұмыс күні ішінде төлейді.

12.12. Егер үшінші тұлғалар немесе мемлекеттік органдар Орындаушыға Бұзушылықтан туындаған талаптар қойса, Орындаушы Тапсырысшыға талаптың мәні мен мөлшері көрсетілген талап туралы Хабарлама жібереді, ал талаптың көшірмесін 14.9-тармақты сақтай отырып береді; Тапсырысшы Орындаушының талап етуі бойынша қажетті мәліметтер мен дәлелдемелерді ұсынады және өз есебінен реттеуге қатысады. Тапсырысшы Орындаушыға негізділігі заңды күшіне енген сот актісімен, Қазақстан Республикасының уәкілетті мемлекеттік органының актісімен немесе Тапсырысшының келісімімен расталған осындай талаптар бойынша төленген сомаларды, сондай-ақ 12.11-тармақта көрсетілген шығыстарды өтейді (Қағидалардың 16.11-тармағы). Егер талап туралы Хабарламада реттеуге қатысу туралы ұсыныс болса, ал Тапсырысшы-кәсіпкер оны алған күннен бастап 5 Жұмыс күні ішінде талаптың негізсіздігінің дәлелдемелері қоса берілген уәжді қарсылықтар ұсынбаса не қатысудан бас тартса, Тапсырысшы-кәсіпкер Орындаушы мұндай талапты соттан тыс реттеу кезінде, оның ішінде оны ерікті түрде қанағаттандыру немесе татуласу келісімі бойынша төлеген сомаларды да өтейді; Тараптар Тапсырысшы-кәсіпкердің осы мерзімде үндемей қалуы оның реттеумен келісімі болып табылады (АК-нің 151-бабының 4-тармағы), ал өтеу мөлшері Орындаушы негізділігін құжаттармен растайтын сомадан аспайды (Қағидалардың 16.11-тармағы) деп уағдаласты. Алдыңғы сөйлем Тұтынушыға қолданылмайды (20-бөлім).

12.13. № 1 қосымша бойынша Өтемақы Тапсырысшыны қорғаудың жалғыз құралы болып табылмайды. Тапсырысшы-кәсіпкер үшін Өтемақы 12.5-тармақ бойынша жауаптылық шегіне есепке жатқызылады; Өтемақыдан тыс залал тек нақты нұқсан ретінде және осы шек шегінде ғана өтеледі; Шарт тоқтатылған кезде пайдаланылмаған Өтемақы, Орындаушының Тапсырысшының кінәсінсіз Шарттан бас тартуы және міндеттемелердің 11.11-тармақ бойынша тоқтатылуы жағдайларын қоспағанда, ақшамен қайтарылмайды. Тұтынушы үшін (20-бөлім) Өтемақы қосымша шарттық кепілдік болып табылады: ол заңды тұрақсыздық айыбы мен залалға есепке жатқызылады, Тұтынушыны Тұтынушылардың құқықтарын қорғау туралы заңның 35-бабында көзделген құқықтардан айырмайды және Шарт тоқтатылған кезде Тұтынушыға Дербес шоттың пайдаланылмаған қалдығының құрамында ақшамен қайтарылады.

12.14. Тапсырысшы Қызметтің кемшіліктерінен немесе іркілістен туындаған залалды азайту үшін ақылға қонымды шаралар қолданады, оның ішінде деректерді өзінің резервтік көшірмелерінен қалпына келтіреді және өзінде бар резервтік құралдарды пайдаланады. Тапсырысшының залал көлемінің ұлғаюына қасақана немесе абайсызда себепші болуы және оның залалды азайту үшін ақылға қонымды шаралар қолданбауы Орындаушының жауаптылық мөлшерін айқындау кезінде олар залалдың ұлғаюына қаншалықты ықпал етсе немесе оның азаюына қаншалықты кедергі келтірсе, сол шамада ескеріледі (АК-нің 364-бабының 1-тармағы). Тапсырысшы Орындаушыға Өтініштер жүйесі арқылы Сервердің қолжетімсіздігі және Қызметтің өзге де анықталған кемшіліктері туралы дереу хабарлайды; уақтылы хабарланған кезде болдырмауға болатын залал осы тармақта белгіленген тәртіппен Орындаушының жауаптылық мөлшерін азайтады. Тұтынушылардың құқықтарын қорғау туралы заңның 35-бабында көзделген Тұтынушының құқықтары хабарлау мерзімімен шектелмейді.

12.15. Тапсырысшы-кәсіпкер өзі Серверді пайдалана отырып қызмет көрсететін немесе қол жеткізуді ұсынатын өз клиенттерінің, пайдаланушыларының және өзге де тұлғалардың Қызметтерге байланысты талаптарын өз бетінше реттейді және 12.7-тармақта көрсетілген жағдайларды қоспағанда, мұндай талаптар бойынша заңды күшіне енген сот актісімен Орындаушыдан өндіріп алынған сомаларды Орындаушының Тапсырысшы-кәсіпкер алдындағы 12.3–12.6-тармақтар бойынша жауаптылық мөлшерінен асатын бөлігінде Орындаушыға өтейді. Осы тармақ Тұтынушыға қолданылмайды (20-бөлім).

13.Жауаптылықтан босататын мән-жайлар

13.1. Егер Тарап бой бермейтін күштің, яғни осы жағдайлар кезіндегі төтенше және тойтаруға болмайтын мән-жайлардың (АК-нің 359-бабының 2-тармағы), мысалы, дүлей апаттардың, соғыс қимылдарының, оның ішінде ұшқышсыз ұшу аппараттарының, зымырандардың және өзге де зақымдау құралдарының соққыларының, атқылаулардың, террористік актілер мен диверсиялардың, төтенше немесе соғыс жағдайын, терроризмге қарсы операция режимін енгізудің, індеттердің, жаппай тәртіпсіздіктердің салдарынан тиісінше орындауға мүмкіндік болмағанын дәлелдесе, ол міндеттемені орындамағаны немесе тиісінше орындамағаны үшін жауаптылықтан босатылады. Тараптар осындай мән-жайлардан туындаған деректерді өңдеу орталықтарының, энергетика және байланыс объектілерінің бүлінуін немесе жойылуын, электрмен жабдықтаудың тоқтатылуын, деректерді өңдеу орталықтарынан эвакуациялауды және оларға кіруге тыйым салуды, сондай-ақ билік органдары осындай мән-жайларға байланысты, оның ішінде ұшқышсыз ұшу аппараттарының шабуылдарына қарсы іс-қимыл үшін енгізген байланыс желілері мен Интернет жұмысының шектеулерін де бой бермейтін күш деп таниды. Мән-жайлар қай мемлекетте, оның ішінде Серверлер орналастырылған жабдық тұрған мемлекетте басталғанына қарамастан бой бермейтін күш деп танылады. Міндеттемені орындау үшін қажетті тауарлардың, жұмыстардың немесе қызмет көрсетудің рынокта болмауы бой бермейтін күш болып табылмайды.

13.2. Тапсырысшы-кәсіпкер алдында Орындаушы мынадай мән-жайларда да жауаптылықтан босатылады (АК-нің 359-бабы 2-тармағының екінші абзацы); осы тармақ Тұтынушыға қолданылмайды (20-бөлім):

• Орындаушының желісі мен жабдығының сыйымдылығынан асатын DDoS-шабуылдар;
• жоғары тұрған байланыс операторларындағы және деректерді өңдеу орталықтарын энергиямен жабдықтаудағы жаппай іркілістер;
• Қызметтерді көрсетуге кедергі келтіретін мемлекеттік органдардың, оның ішінде шет мемлекеттер органдарының талаптары мен іс-әрекеттері;
• үшінші тұлғалардың IP-мекенжайларды Орындаушыға байланысты емес себептер бойынша бұғаттауы;
• үшінші тұлғалардың жабдыққа қатысты Орындаушы ықпал ете алмайтын шаралары;
• егер Орындаушы мұндай инфрақұрылым үшін әдеттегі қорғау шараларын қолданса, үшінші тұлғалардың бағдарламалық қамтылымы мен жабдығындағы, түзетуін шабуыл сәтінде олардың өндірушілері шығармаған осалдықтарды пайдалана отырып Орындаушының инфрақұрылымына жасалған шабуылдар;
• үшінші тұлғалардың виртуалдандырудың бағдарламалық қамтылымындағы және жабдығының микробағдарламаларындағы, түзетуін іркіліс сәтінде олардың өндірушілері шығармаған іркілістер мен қателер.

13.3. Егер Орындаушы міндеттемені орындамау немесе тиісінше орындамау бой бермейтін күштен (13.1-тармақ) немесе 12.9-тармақтың екінші–бесінші және тоғызыншы абзацтарында көрсетілген мән-жайлардан туындағанын дәлелдесе, Тұтынушы алдында жауаптылықтан босатылады, ал Тұтынушының мүлкіне келтірілген зиян үшін — 12.8-тармақта көзделген жағдайларда да (Тұтынушылардың құқықтарын қорғау туралы заңның 31-бабының 6-тармағы). 12.9-тармақтың алтыншы–сегізінші абзацтарында көзделген жағдайларда және 10.13-тармақ бойынша жоғары тұрған жеткізушілердің шаралары жағдайларында, егер Орындаушы залалдың Орындаушы жауап бермейтін үшінші тұлғалардың іс-әрекеттерімен (12.8-тармақ), бой бермейтін күшпен немесе Тұтынушының Бұзушылығымен келтірілгенін дәлелдесе, ол Тұтынушыға залалды өтеуден босатылады. Тұтынушылардың құқықтарын қорғау туралы заңның 35-бабында көзделген Тұтынушының құқықтары, оның ішінде сыйақыны тиісті мөлшерде азайтуға құқығы, және № 1 қосымша бойынша Өтемақы бұл арқылы шектелмейді. Егер бұған заңмен немесе уәкілетті органның талабымен тыйым салынбаса, Орындаушы Тапсырысшыға үшінші тұлғалардың жабдыққа қатысты Орындаушы ықпал ете алмайтын шаралары туралы хабарлайды.

13.4. Өзі үшін 13.1 және 13.2-тармақтарда көрсетілген мән-жайлар туындаған Тарап екінші Тарапты олардың басталғаны және тоқтағаны туралы кез келген қолжетімді тәсілмен дереу хабардар етеді; Орындаушы сондай-ақ Басқару панелінде немесе Сайтта хабар орналастыруға құқылы. Жалпыға бірдей белгілі мән-жайлар, оның ішінде соғыс қимылдары, ұшқышсыз ұшу аппараттарының шабуылдары, ерекше режимдерді енгізу және байланыс желілері жұмысының шектеулері билік органдарының ресми хабарларымен немесе бұқаралық ақпарат құралдарының хабарларымен расталады; оларды растау үшін сауда-өнеркәсіп палатасының немесе өзге ұйымның құжаты талап етілмейді.

13.5. Егер мұндай мән-жайлар күнтізбелік 30 күннен астам уақытқа созылса, әрбір Тарап Хабарлама жіберіп, Шарттан бас тартуға құқылы. Ақша қаражаты Қайтару комиссиясын ұстамай қайтарылады: Орындаушы бас тартқан кезде — Қайтару саясатының 7-бөлімінде белгіленген тәртіппен, Тапсырысшы бас тартқан кезде — Қайтару саясатының 4.7 және 4.8-тармақтарында белгіленген тәртіппен. Бой бермейтін күш мән-жайлары Тапсырысшыны олар басталғанға дейін көрсетілген Қызметтерге ақы төлеуден босатпайды.

14.Құпиялылық, дербес деректер және мемлекеттік органдардың сұрау салулары

14.1. Орындаушы Пайдаланушылардың Дербес деректерін Қазақстан Республикасының заңнамасына, Құпиялылық саясатына және Дербес деректерді жинауға және өңдеуге келісімге сәйкес өңдейді. Офертаның акцепті Келісімді ауыстырмайды: Келісім бөлек белгімен беріледі.

14.2. Орындаушы 14.3-тармақта көзделген жағдайларды қоспағанда, Серверде сақталатын файлдардың, деректер базаларының және хабарлардың мазмұнымен және Тапсырысшы трафигінің мазмұнымен таныспайды. Хат-хабар алысу және өзге де хабарламалар құпиясы заңмен қорғалады және тек заңда белгіленген жағдайларда және тәртіппен ғана шектелуі мүмкін (Қазақстан Республикасы Конституциясының 21-бабының 2-тармағы). Қағидалардың сақталуы берілетін хабарлардың мазмұнымен танысусыз бақыланады. Орындаушының Серверді пайдаланатын интернет-ресурстарда орналастырылған және Интернет желісінде есептік деректерді енгізбей жалпыға бірдей қолжетімді ақпаратпен, оның ішінде Абузаны тексеру кезінде, танысуы Сервердің мазмұнына қол жеткізу болып табылмайды.

14.3. Басқару панелінің техникалық құралдары Орындаушының уәкілетті қызметкерлеріне Сервердің және Есептік жазбаның мазмұнына қол жеткізуге мүмкіндік береді. Орындаушы мұндай қол жеткізуді тек мынадай жағдайларда ғана пайдаланады:

• Тапсырысшының келісімімен немесе сұрау салуы бойынша, оның ішінде Тапсырысшының өтінішін қарау кезінде;
• заң талабын немесе Қазақстан Республикасының уәкілетті мемлекеттік органының заңды талабын орындау үшін, оның ішінде, егер мұндай санкцияны заң талап етсе, тергеу судьясының санкциясымен жасырын тергеу әрекеттерін жүргізу кезінде;
• мазмұнымен танысусыз дәлелдемелерді сақтау үшін — Бұзушылықтың дәлелдемелері ретінде қажетті, сондай-ақ Қазақстан Республикасының уәкілетті мемлекеттік органы талап еткен Сервер деректерінің көшірмелері мен оның жұмысы туралы өзге де мәліметтер, ал Сервердің жад күйінің сәттік көшірмесі — тек Тапсырысшының келісімімен не Қазақстан Республикасының уәкілетті мемлекеттік органының талап етуі бойынша ғана, оның ішінде, заң талап ететін жағдайда, тергеу судьясының санкциясымен (Қағидалардың 14.2-тармағы); мұндай материалдар Қағидалардың 14-бөлімінде белгіленген тәртіппен қолжетімділігі шектеліп сақталады, Орындаушының қызметкерлері тарапынан тек осы тармақтың екінші және үшінші абзацтарында көзделген жағдайларда ғана ашылады және Бұзушылыққа немесе қолданылған шараға байланысты дауды қарау кезінде олардың мазмұнымен алдын ала танысусыз сотқа ұсынылуы мүмкін.

14.4. Тапсырысшы Серверде орналастыратын ақпаратты, оның ішінде Дербес деректерді, Тапсырысшы өз бетінше, ал егер бұл өңдеуге Дербес деректер туралы заңның күші қолданылса (9.1-тармақ), — меншік иесі және оператор ретінде өңдейді: Орындаушы оны өңдеудің мақсаттарын айқындамайды, оны қарап шықпайды және өзгертпейді, 14.3-тармақта көзделген жағдайларды қоспағанда. Бұл жағдайда Тапсырысшы субъектілердің деректерін Орындаушы пайдаланатын жабдықта орналастыруды (3.5 және 3.6-тармақтар), жабдық орналасқан мемлекетке трансшекаралық беруді және 14.3 және 14.7-тармақтарда көзделген жағдайларда Орындаушының осы деректермен жасайтын әрекеттерін қамтитын көлемде дербес деректер субъектілерінің келісімдерін алады немесе өңдеудің заңда көзделген өзге де негіздерін қамтамасыз етеді және дербес деректер туралы заңнаманың өзге де талаптарын орындайды. Орындаушы дербес деректер субъектілерінің Сервердегі деректерге қатысты өтініштерін Тапсырысшыға жібереді, Тапсырысшы оларды заңда белгіленген мерзімде өз бетінше қарайды. Тапсырысшыда мұндай негіздердің болмауынан туындаған Орындаушының залалын Тапсырысшы 12.10-тармақ бойынша өтейді. Серверлер Қазақстан Республикасының шегінен тыс орналасқан (3.5-тармақ), сондықтан Дербес деректерді Қазақстан Республикасының аумағындағы базада немесе цифрлық объектіде сақтауға міндетті Тапсырысшы (Дербес деректер туралы заңның 12-бабының 2-тармағы) Серверді мұндай деректерді сақтау үшін пайдалануға құқылы емес; субъектілердің трансшекаралық беруге келісімі бұл талапты ауыстырмайды.

14.5. Тараптар Шартқа байланысты алынған, жалпыға бірдей қолжетімді болып табылмайтын мәліметтерді, оның ішінде Тапсырысшы туралы мәліметтерді, өтініштер бойынша хат-хабар алысудың мазмұнын және Орындаушының желісі мен қорғау құралдары туралы мәліметтерді үшінші тұлғаларға ашпайды, мынадай жағдайларды қоспағанда:

• заңның, соттың немесе Қазақстан Республикасының уәкілетті мемлекеттік органының талабы бойынша ашу, ал шет мемлекеттердің органдарының сұрау салулары бойынша — тек 14.7-тармақта белгіленген тәртіппен ғана;
• Абузаларды қарау үшін қажетті көлемде 14.9-тармақта белгіленген тәртіппен ашу;
• Қызметтерді көрсетуге тартылған, құпиялылықты сақтауға міндетті тұлғаларға Қызметтерді көрсету үшін қажетті көлемде беру;
• Тараптың құқықтары мен заңды мүдделерін қорғау үшін қажетті мәліметтерді наразылық тәртібімен, сотта және мемлекеттік органдарда, сондай-ақ төлемдер мен қайтаруларды жүргізу кезінде және төлемге дау айтуды қарау кезінде банктер мен төлем ұйымдарына ашу;
• Шарт пен берешек туралы мәліметтерді Орындаушы ақшалай талабын берген тұлғаға (21.3-тармақ), сондай-ақ Тараптың құқық мирасқорына беру;
• Тарапқа заң көмегін, аудиторлық, бухгалтерлік және салықтық консультациялық қызметтерді көрсететін және құпиялылықты сақтауға міндетті тұлғаларға беру;
• уәкілетті органдарға қылмыстық құқық бұзушылық белгілері туралы хабарлау (14.8-тармақ);
• екінші Тараптың келісімімен ашу.

14.5.1. Дербес деректер 14.5-тармақта көзделген жағдайларда Дербес деректерді жинауға және өңдеуге келісімнің және Құпиялылық саясатының шегінде ашылады. Құпиялылықты сақтау міндеті Шарттың қолданылу мерзімі ішінде және ол тоқтатылғаннан кейін талап қоюдың жалпы мерзімі ішінде (АК-нің 178-бабының 1-тармағы), ал Дербес деректерге қатысты — оларды сақтаудың бүкіл мерзімі ішінде қолданылады.

14.6. Мемлекеттік органдар мен соттардың сұрау салулары, талаптары мен нұсқамалары Орындаушыға legal@vds.rent мекенжайына немесе Орындаушының орналасқан жерінің мекенжайы бойынша электрондық цифрлық қолтаңбамен қол қойылған немесе уәкілетті тұлғаның қолы қойылған бланкіде ресімделген ресми құжат түрінде, құқықтық негізі көрсетіле отырып жіберіледі. Орындаушы органның өкілеттіктерін және сұрау салудың түпнұсқалығын, оның ішінде органға оның ресми байланыс деректері бойынша жүгіну арқылы, тексеруге құқылы.

14.7. Заңды сұрау салу бойынша Орындаушы тек сұратылған және өзінде бар мәліметтерді ғана ұсынады; Орындаушы жаңа мәліметтер жасауға міндетті емес. Ақпаратқа қол жеткізуді шектеу туралы талаптарды Орындаушы техникалық мүмкіндік шегінде дереу орындайды. Шет мемлекеттердің мемлекеттік органдарының сұрау салулары тек Қазақстан Республикасының заңнамасында және халықаралық шарттарында белгіленген тәртіппен ғана орындалады.

14.8. Орындаушы, егер мұндай хабардар етуге заңмен немесе органның талабымен, оның ішінде сотқа дейінгі тергеп-тексеру деректерін жария етпеу туралы талабымен тыйым салынбаса, Тапсырысшыны оның Серверіне немесе Есептік жазбасына қатысты түскен сұрау салу туралы хабардар етеді. Қылмыстық қудалау органдарының және жедел-іздестіру қызметін жүзеге асыратын органдардың сұрау салулары мен талаптары туралы, олар жүргізетін әрекеттер туралы және Орындаушының қылмыстық құқық бұзушылық белгілері туралы хабарлары туралы Орындаушы, егер орган хабардар етуге жол берілетінін жазбаша растамаса, Тапсырысшыны хабардар етпейді; мұндай талапты орындау үшін қолданылған шара туралы Орындаушы Тапсырысшыға сұрау салу туралы мәліметтерді ашпай хабарлайды (Құпиялылық саясатының 16.5-тармағы). Киберқауіпсіздіктің ұлттық үйлестіру орталығының киберқауіпсіздіктің оқыс оқиғалары мен осалдықтар туралы хабарламаларын Орындаушы Тапсырысшыға дереу жібереді; Тапсырысшы оқыс оқиғаны немесе осалдықты көрсетілген мерзімде жояды. Қызметтерді пайдалана отырып жасалатын қылмыстық құқық бұзушылық белгілері анықталған кезде Орындаушы бұл туралы уәкілетті органдарға хабарлауға және оларға заңда көзделген көлемде мәліметтер беруге құқылы.

14.9. Абузаларды қарау кезінде өтініш берушіге тек шағымды қарау фактісі мен қабылданған шаралар ғана хабарланады; Тапсырысшының Дербес деректері өтініш берушіге тек Тапсырысшының келісімімен немесе заңда көзделген жағдайларда ғана беріледі. Бұғаттау тізімдерінің операторларына тек IP-мекенжай және қабылданған шаралардың сипаттамасы ғана хабарланады, Орындаушының жоғары тұрған жеткізушілеріне — инцидентті реттеу үшін қажетті көлемдегі мәліметтер. Егер өтініш беруші өзінің Дербес деректерін беруге келісім бермесе, шағым Тапсырысшыға өтініш берушінің Дербес деректерінсіз жіберіледі.

15.Автоматтандырылған шешімдер және жасанды интеллект жүйелері

15.1. Шарт бойынша жекелеген шешімдер, оның ішінде есеп айырысуларға, Қызметтерді көрсетуге және оларды көрсетуді тоқтата тұруға, желіні қорғауға және Бұзушылықтардың алдын алуға байланысты шешімдер деректерді автоматтандырылған өңдеуді пайдалана отырып қабылдануы мүмкін.

15.2. Мұндай шешімдер Шартта көзделген жағдайларда және тәртіппен Қызметтерді шектеуі немесе оларды көрсетуді тоқтата тұруы мүмкін. Тариф бойынша Қызметтердің құнын, оның ішінде Тарифке енгізілген көлемнен тыс трафиктің құнын есептен шығару және осы көлем таусылғаннан кейін Сервердің жылдамдығын төмендету (6.10.1-тармақ) Тапсырысшының құқықтарын өзгертетін автоматтандырылған шешімдер болып табылмайды.

15.3. Тараптар 15.1-тармақта көрсетілген шешімдердің деректерді автоматтандырылған өңдеу нәтижелері бойынша қабылдануы мүмкін екеніне келісті (Цифрлық кодекстің 43-бабының 3-тармағы). Мұндай шешімдерді қабылдау үшін Дербес деректерді автоматтандырылған өңдеу субъектінің Дербес деректерді жинауға және өңдеуге келісімде берген келісімімен (Дербес деректер туралы заңның 19-1-бабы), Келісімнің 8-бөлімінде көрсетілген мәліметтер негізінде жүзеге асырылады.

15.4. Тапсырысшы өзіне қатысты қабылданған автоматтандырылған шешімге әсер еткен негізгі факторлардың алгоритмдерді, бастапқы кодты және заңмен қорғалатын құпияны, оның ішінде Орындаушының коммерциялық құпиясын құрайтын мәліметтерді ашпай берілетін түсіндірмесін алуға және шешімді Орындаушы қызметкерінің қатысуымен қайта қарауды талап етуге құқылы. Қарсылық Өтініштер жүйесі арқылы, Есептік жазбаның электрондық пошта мекенжайынан legal@vds.rent мекенжайына немесе Қағидалардың 13-бөлімінде және Құпиялылық саясатының 7.5-тармағында көрсетілген өзге де тәсілдермен жіберіледі. Қарсылықты Орындаушының қызметкері оны алған күннен бастап 3 Жұмыс күні ішінде қарайды және Тапсырысшыға уәжді жауап жібереді. Қағидалар бойынша қолданылған шараларға дау айту тәртібі Қағидалардың 13-бөлімінде де белгіленген.

15.5. Қарсылық білдіру қолданылған шараның қолданылуын тоқтата тұрмайды; қорғау шаралары оларды қолдану негізі сақталғанша сақталады; Серверді тоқтата тұруға немесе алып тастауға қарсы, алып тастауға дейін алынған қарсылық алып тастауды 10.12-тармақта белгіленген тәртіппен кейінге қалдырады. Егер шешім негізсіз деп танылса, оның күші жойылады, ал тоқтата тұру кезеңі үшін Тапсырысшы 10.8-тармақ бойынша ақы төлемейді.

15.6. Тапсырысшы Дербес деректерді автоматтандырылған өңдеуге келісімді Дербес деректер туралы заңда және Дербес деректерді жинауға және өңдеуге келісімде белгіленген тәртіппен кері қайтарып алуға құқылы. Кері қайтарып алғаннан кейін мұндай өңдеу тек заңда жол берілетін шекте ғана жүзеге асырылады. Егер мұндай өңдеусіз Қызметтерді көрсету мүмкін болмаса, Орындаушы оларды көрсетуді тоқтатуға құқылы; бұл жағдайда Шарт Келісімнің 10.6-тармағында ішінара кері қайтарып алу үшін айқындалған күні тоқтатылады, бұл туралы Орындаушы Тапсырысшыны хабардар етеді.

15.7. Орындаушы Қызметтерді көрсету кезінде, оның ішінде өтініштерге жауаптар дайындау үшін жасанды интеллект жүйелерін пайдалануға құқылы. Егер Пайдаланушы мұндай жүйемен өзара іс-қимыл жасаса, ол бұл туралы өзара іс-қимыл басталғанға дейін интерфейсте хабардар етіледі.

15.7.1. Мұндай жүйенің сипаттамалары мен шектеулері туралы мәліметтер Пайдаланушыға интерфейсте хабарланады.

15.7.2. Өтінішке берілген жауап үшін Орындаушы жауапты болады.

15.7.3. Пайдаланушы өз өтінішін Орындаушы қызметкерінің қарауын талап етуге құқылы.

15.7.4. Жасанды интеллект жүйелерін пайдалану Тапсырысшының 15.4 және 15.5-тармақтарда көзделген құқықтарын шектемейді.

15.7.5. Мұндай жүйелерді пайдалану кезінде Дербес деректер Дербес деректерді жинауға және өңдеуге келісім мен Құпиялылық саясаты шегінде өңделеді.

15.7.6. Пайдаланушы 15.7.3-тармақта белгіленген тәртіппен жасанды интеллект жүйесімен өзара іс-қимылдан бас тартуға құқылы; Пайдаланушының өз Дербес деректеріне қатысты өзге де құқықтары, оның ішінде келісімді кері қайтарып алу құқығы, Құпиялылық саясатының 15-бөлімінде белгіленген тәртіппен жүзеге асырылады.

16.Заңды маңызы бар хабарлар

16.1. Орындаушы Тапсырысшыға Хабарламаларды Басқару панелінде, оның ішінде Өтініштер жүйесінде, және (немесе) Есептік жазбаның электрондық пошта мекенжайына жібереді. Егер Тапсырысшы Басқару панелінде Орындаушының Telegram мессенджеріндегі ботын қосса, Орындаушы Хабарламаларды бот арқылы қосымша жіберуге құқылы. Орындаушы сондай-ақ Хабарламаларды Тапсырысшы Басқару панелінде өзі қосқан өзге арналар, мысалы, бөгде сервистің вебхугы арқылы қайталап жіберуге құқылы. Қосымша арналар Басқару панелін және электрондық поштаны ауыстырмайды. Барлық Тапсырысшыларға арналған мәліметтерді Орындаушы Сайтта да жариялауға құқылы.

16.2. Басқару панелінде орналастырылған Хабарлама орналастырылған кезден бастап алынды деп есептеледі. Есептік жазбаның электрондық пошта мекенжайына жіберілген Хабарлама, егер Орындаушы жеткізу мүмкін еместігі туралы хабар алмаса, жіберілгеннен кейін 1 сағаттан соң алынды деп есептеледі.

16.2.1. Тұтынушыға Қызметтерді көрсетуді тоқтата тұру туралы және Серверді алып тастау күні туралы, Орындаушының Шарттан бас тартуы туралы Хабарламаларды, жауап беруді талап ететін Абуза туралы Хабарламаны, шара туралы Хабарламаны, есепке жатқызу туралы Хабарламаны, айыппұл төлеу немесе залалды өтеу туралы талапты және Шартты өзгерту туралы Хабарламаны Орындаушы бір мезгілде Басқару панелінде және Есептік жазбаның электрондық пошта мекенжайына жібереді. Мұндай Хабарламаны Тұтынушы 16.2-тармақта электрондық пошта үшін айқындалған сәтте алды деп есептеледі; егер Орындаушы жеткізу мүмкін еместігі туралы хабар алса, — Хабарлама орналастырылғаннан кейін Тұтынушы Есептік жазбаға алғаш кірген кезде, бірақ орналастырылған кезден бастап күнтізбелік 14 күннен кешіктірмей, ал электрондық пошта мекенжайына жіберілмеген Хабарламаны — ол орналастырылғаннан кейін Тұтынушы Есептік жазбаға алғаш кірген кезде.

16.3. Тапсырысшы Есептік жазбаның электрондық пошта мекенжайын өзекті күйде ұстауға, Хабарламаларды тәулігіне кемінде бір рет тексеруге және, бұдан басқа, Абуза туралы немесе шара туралы Хабарламаны алу және оған Қағидалардың 11-бөлімінде белгіленген мерзімде жауап беру мүмкіндігін қамтамасыз етуге міндетті. Шартта және Қағидаларда белгіленген мерзімдер Хабарламаны 16.2-тармақ бойынша алған кезден бастап, ал Тұтынушы үшін — 16.2.1-тармақты ескере отырып есептеледі: сағатпен есептелетін мерзім — алған кезден бастап, күнмен есептелетін мерзім — алған күннен кейінгі күннен бастап, ол соңғы күннің сағат 24-інде аяқталады және, егер соңғы күн жұмыс істемейтін күн болса, ең таяу Жұмыс күніне ауыстырылады (Қағидалардың 2.7-тармағы); мерзімдер Тапсырысшының Хабарламаларды қаншалықты жиі тексеретініне байланысты емес. Осы бөлімде белгіленген тәртіппен жіберілген Хабарламаны алмау немесе уақтылы оқымау тәуекелін Тапсырысшы көтереді, ал Тұтынушы 16.2.1-тармақта көрсетілген Хабарламаларға қатысты — тек Орындаушы аталған тармақты сақтаған жағдайда ғана. Тұтынушының Абузаға жауап беру мерзімін өткізіп алуының салдары 20.2-тармақпен шектелген.

16.4. Тапсырысшы Орындаушыға хабарларды Өтініштер жүйесі арқылы (негізгі арна) немесе Есептік жазбаның электрондық пошта мекенжайынан хабардың мақсатына сәйкес келетін мекенжайларға жібереді:

• support@vds.rent — техникалық қолдау, өтініштер, оның ішінде ақша қаражатын қайтару туралы өтініш, және ақша қаражатын қайтару туралы талабы бар наразылықтар;
• abuse@vds.rent — Бұзушылықтарға шағымдар және киберқауіпсіздіктің оқыс оқиғалары туралы хабарламалар, оның ішінде үшінші тұлғалардан және оқыс оқиғаларға ден қою жөніндегі ұйымдардан;
• legal@vds.rent — ақша қаражатын қайтару туралы талабы бар наразылықтарды қоспағанда, наразылықтар, заңды маңызы бар хабарламалар, дербес деректер субъектілерінің сұрау салулары, оның ішінде келісімді кері қайтарып алу, мемлекеттік органдар мен соттардың сұрау салулары, талаптары мен нұсқамалары; ақша қаражатын қайтару туралы өтініштер және осындай талабы бар наразылықтар бұл мекенжайға қабылданбайды.

16.4.1. Тапсырысшының электрондық пошта арқылы жіберілген хабары, оның ішінде өтініш, наразылық және қарсылық, тек Есептік жазбаның электрондық пошта мекенжайынан ғана қабылданады; бұған Тапсырысшының электрондық цифрлық қолтаңбасымен қол қойылған электрондық құжат нысанындағы дербес деректер субъектісінің сұрау салуы және келісімді кері қайтарып алу жатпайды (Құпиялылық саясатының 14.2-тармағы). Басқа электрондық пошта мекенжайынан жіберілген өзге хат Тапсырысшының хабары болып табылмайды, Орындаушы үшін міндеттер туындатпайды және мерзімдердің өтуіне әкеп соқпайды; Орындаушы жіберушіге хабарды Есептік жазбаның электрондық пошта мекенжайынан немесе Өтініштер жүйесі арқылы жіберу қажет екенін жауап ретінде хабарлауға құқылы. Хабарларды Өтініштер жүйесі арқылы және қағаз жеткізгіште 22-бөлімде көрсетілген мекенжай бойынша жіберу бұл қағидамен шектелмейді.

16.5. Орындаушының мекенжайына мақсатына сәйкес емес жіберілген хабарды Орындаушы мақсаты бойынша береді; бұған legal@vds.rent мекенжайына жіберілген ақша қаражатын қайтару туралы өтініш және осындай талабы бар наразылық жатпайды: олар қаралмайды, ал Орындаушы жіберушіге оларды Өтініштер жүйесі арқылы, Есептік жазбаның электрондық пошта мекенжайынан support@vds.rent мекенжайына немесе қағаз жеткізгіште 22-бөлімде көрсетілген мекенжай бойынша жіберу қажет екенін хабарлауға құқылы. Тұтынушының өзге хабарлары бойынша мерзімдер олар 22-бөлімде көрсетілген мекенжайлардың кез келгені бойынша алынған күннен бастап, ал Тапсырысшы-кәсіпкердің хабары бойынша — оның мақсатына сәйкес келетін мекенжайға түскен күннен бастап есептеледі. Тұтынушы наразылықты сондай-ақ қолма-қол немесе хабарламасы бар тапсырысты хатпен Қазақстан Республикасы, Алматы қ., әл-Фараби даңғылы, 40-үй мекенжайы бойынша жіберуге құқылы; бұл тәсіл шектелмейді.

16.6. Орындаушы телефон арқылы өтініштер мен заңды маңызы бар хабарларды қабылдамайды.

16.7. Тараптар осы бөлімде көрсетілген тәсілдермен жіберілген хабарлардың және Басқару панеліндегі әрекеттерді цифрлық растаудың (4.7-тармақ) заңды күшін таниды. Басқару панелінің және биллингтің журнал жазбалары, өзгеше дәлелденгенге дейін, хабарларды жіберу мен алудың және әрекеттерді жасаудың тиісті дәлелдемесі болып табылады.

16.8. Тапсырысшы өтініштерді, оның ішінде наразылықтарды, қазақ немесе орыс тілінде жіберуге құқылы. Қазақ немесе орыс тілінде жасалған өтінішке жауап өтініш жасалған тілде, ал өзге тілде жасалған өтінішке мемлекеттік тілде немесе өтініш жасалған тілде беріледі («Қазақстан Республикасындағы тіл туралы» Қазақстан Республикасы Заңының 11-бабы).

16.9. Шарт немесе Қағидалар Тапсырысшының жекелеген әрекеттерін, оның ішінде жеке желі құруды, валидация түйіндерін пайдалануды және Орындаушының инфрақұрылымын енуге тестілеуді байланысты етіп қоятын Орындаушының келісімі, егер оны Тапсырысшыға Өтініштер жүйесі арқылы Орындаушының қызметкері жіберсе және онда Сервер, рұқсат етілген әрекеттердің түрі, олардың талаптары мен мерзімі көрсетілсе ғана, жазбаша нысанда берілді деп есептеледі. Өзге хабарлар, білім базасының мақалалары, жарнамалық материалдар және әрекетті техникалық тұрғыдан жасауға мүмкіндік беретін Басқару панелінің функциялары Орындаушының келісімі болып табылмайды. Орындаушы келісімді Хабарламамен кері қайтарып алуға құқылы: Бұзушылық кезінде, рұқсат етілген әрекеттерге байланысты Абуза түскен кезде, оларды тыйым салынған мақсаттарда пайдалану белгілері болған кезде, уәкілетті органның немесе Орындаушының жеткізушісінің талап етуі бойынша — Хабарлама алынған кезден бастап, қалған жағдайларда — Хабарламада көрсетілген мерзім өткен соң. Мұндай келісім тоқтатылғаннан кейінгі әрекеттер Бұзушылық болып табылады.

17.Офертаны өзгерту

17.1. Орындаушы Офертаны, № 1 және № 2 қосымшаларды, Қайтару саясатын және Тарифтерді өзгертуге құқылы. Жаңа редакция Сайтта редакция күні мен күшіне ену күні көрсетіле отырып жарияланады; бұрынғы редакциялар «Құжаттар» бетінде қолжетімді болып қала береді.

17.2. Өзгерістер туралы Хабарлама Басқару панелінде және Есептік жазбаның электрондық пошта мекенжайына олар күшіне енетін күнге дейін күнтізбелік 30 күннен кешіктірмей жіберіледі. Осы мерзімде Басқару панелінде орналастырылған Хабарлама әрбір Тапсырысшыға, оның ішінде электрондық пошта мекенжайына хат жеткізілмесе де, жіберілді деп есептеледі (16.2 және 16.3-тармақтар). Мұндай өзгерістер Тұтынушыға ол Хабарламаны 16.2.1-тармақ бойынша алған кезден бастап күнтізбелік 30 күн өткеннен кейін ғана қолданылады.

17.3. Тапсырысшының жағдайын жақсартатын өзгерістер, сондай-ақ жаңа Қызмет түрлері мен Тарифтер туралы талаптар және жаңа тапсырыстардың құны (6.1-тармақ) 17.2-тармақта белгіленген мерзімді сақтамай, жарияланған күннен бастап күшіне енеді. Заң талап ететін өзгерістер тиісті заң күшіне енген күннен бастап күшіне енеді; олар туралы Хабарлама ақылға қонымды мерзімде жіберіледі.

17.4. Тарифті өзгерту өзгерістер күшіне енетін күнге дейін ақысы төленген Есеп айырысу кезеңінің құнын өзгертпейді.

17.5. Өзгерістермен келіспейтін Тапсырысшы олар күшіне енетін күнге дейін Шарттан бас тартуға құқылы. Бұл жағдайда Орындаушы Дербес шоттың пайдаланылмаған қалдығын және Есеп айырысу кезеңінің пайдаланылмаған бөлігінің құнын Қайтару комиссиясын және бас тартуға байланысты өзге де сомаларды ұстамай қайтарады; қайтарылатын сомадан тек Қайтару саясатының 4.8-тармағында көрсетілген сомалар ғана алып тасталады.

17.6. Осы бөлімде белгіленген тәртіппен енгізілген өзгерістер Шартқа олар күшіне енген күннен бастап Шарт талаптарын біржақты өзгерту тәртібі туралы Шарт талабының негізінде қолданылады (АК-нің 273-бабы, 401-бабының 1-тармағы); өзгерістермен келіспейтін Тапсырысшы 17.5-тармақ бойынша Шарттан бас тартуға құқылы. Тапсырысшының өзгерістер күшіне енген күннен кейінгі әрекеттері — кезекті Есеп айырысу кезеңіне ақы төлеу немесе оның командасы бойынша Дербес шотты толықтыру, Қызметтерге тапсырыс беру және оларды өзгерту, Басқару панелінде Серверді басқару — оның өзгерістермен келісетінін растайды; Есеп айырысу кезеңінің құнын автоматты түрде есептен шығару Тапсырысшының әрекеті болып табылмайды. Тапсырысшы-кәсіпкер үшін Тараптар өзгерістермен келісім деп, 17.8-тармақта көрсетілген өзгерістерді қоспағанда, оның үндемей қалуы да танылатынына уағдаласты: өзгерістер күшіне енетін күнге дейін қарсылықтардың болмауы (АК-нің 151-бабының 4-тармағы). Тұтынушыға келісім ретіндегі үндемей қалу туралы қағида қолданылмайды (20-бөлім).

17.7. Шарт талаптарын Орындаушының біржақты өзгертуіне тек Шартта көзделген жағдайларда және тәртіппен ғана жол беріледі. Құпиялылық саясаты онда көрсетілген тәртіппен өзгертіледі.

17.8. Қағидалардың 16-бөліміне және Бұзушылықтар сыныптарының кестесіне (Қағидалардың 11.10-тармағы) айыппұлдардың мөлшерін ұлғайтатын, оларды есептеудің жаңа негіздерін енгізетін немесе Бұзушылықтарды неғұрлым жоғары сыныпқа жатқызатын өзгерістер Тапсырысшыға ол Қағидалардың 16-бөлімінің жаңа редакциясын бөлек белгімен (4.3-тармақ) қабылдаған күннен бастап не өзгерістер күшіне енгеннен кейін ол Қызметтерге ақы төлеген немесе өз командасы бойынша Дербес шотты толықтырған күннен бастап қолданылады (АК-нің 394-бабының 2-тармағы және 396-бабының 3-тармағы); Есеп айырысу кезеңінің құнын автоматты түрде есептен шығару жаңа редакцияны қабылдау болып табылмайды. Оған дейін Тапсырысшыға Қағидалардың бұрынғы редакциясының айыппұлдар туралы талаптары қолданылады (Қағидалардың 17.5-тармағы; АК-нің 294-бабы).

18.Наразылық тәртібі және дауларды шешу

18.1. Наразылық жазбаша нысанда жіберіледі: Өтініштер жүйесі арқылы; Есептік жазбаның электрондық пошта мекенжайынан legal@vds.rent мекенжайына хатпен, ал ақша қаражатын қайтару туралы талабы бар наразылық — support@vds.rent мекенжайына; қолма-қол немесе поштамен, оның ішінде табыс етілгені туралы хабарламасы бар тапсырысты хатпен, Қазақстан Республикасы, Алматы қ., әл-Фараби даңғылы, 40-үй мекенжайы бойынша. Есептік жазбаның электрондық пошта мекенжайынан жіберілмеген электрондық хат наразылық болып табылмайды (16.4.1-тармақ), ал ақша қаражатын қайтару туралы талабы бар наразылық legal@vds.rent мекенжайына қабылданбайды (16.5-тармақ). Наразылықта талаптарды, олардың негіздемесін, ал ақшалай талаптар үшін — есеп-қисапты көрсету және қолда бар құжаттарды қоса беру ұсынылады; бұл мәліметтердің болмауы Тұтынушының наразылығын қарауға кедергі келтірмейді.

18.2. Орындаушы наразылықты қарайды және оны алған күннен бастап күнтізбелік 10 күн ішінде уәжді жазбаша жауап, ал талаптармен келіспеген кезде — растайтын құжаттардың көшірмелерін қоса бере отырып, құжатпен негізделген жауап жібереді (Тұтынушылардың құқықтарын қорғау туралы заңның 42-4-бабының 2-тармағы). Егер Тапсырысшы өзге тәсілді көрсетпесе, жауап наразылық түскен тәсілмен жіберіледі; Өтініштер жүйесі арқылы түскен Тұтынушының наразылығына жауап Есептік жазбаның электрондық пошта мекенжайына да жіберіледі (Тұтынушылардың құқықтарын қорғау туралы заңның 42-4-бабының 2-тармағы), ал Тапсырысшы-кәсіпкерге Орындаушы жауапты бұл мекенжайға қосымша жіберуге құқылы. Тапсырысшы-кәсіпкер Орындаушының наразылығына сол мерзімде жауап береді.

18.3. Талап қою мерзімдері Шартпен өзгертілмейді. Шартта және қосымшаларда белгіленген өтініштер мен өтінімдер беру мерзімдері Орындаушының тиісті әрекеттерді жасауының шарттары болып табылады және Тапсырысшының сотта қорғалу құқығын шектемейді.

18.4. Тапсырысшы-кәсіпкер үшін дауды реттеудің сотқа дейінгі (наразылық) тәртібі міндетті (АПК-нің 8-бабының алтыншы бөлігі). Тапсырысшы-кәсіпкер наразылықты Өтініштер жүйесі арқылы, Есептік жазбаның электрондық пошта мекенжайынан legal@vds.rent мекенжайына (ақша қаражатын қайтару туралы талабы бар наразылықты — support@vds.rent мекенжайына) қолтаңбамен, оның ішінде электрондық цифрлық қолтаңбамен, немесе поштамен Қазақстан Республикасы, Алматы қ., әл-Фараби даңғылы, 40-үй мекенжайы бойынша жібереді. Талап қою наразылыққа жауап алынғаннан кейін немесе жауап беру мерзімі өткен соң берілуі мүмкін. Осы тармақ Тұтынушыға қолданылмайды (20-бөлім).

18.5. Тапсырысшы-кәсіпкермен даулар Орындаушының орналасқан жері бойынша сотта қаралады: Тараптар аумақтық соттылықты өзгертеді (АПК-нің 32-бабы), ал істің белгілі бір түрдегі сотқа соттылығы заңмен айқындалады. Бұл талап Офертаны акцептеу арқылы жасалған Тараптардың соттылық туралы жазбаша келісімі болып табылады (4.6-тармақ). Осы тармақ Тұтынушыға қолданылмайды (20-бөлім).

18.6. Тұтынушы үшін наразылық — сотқа жүгінудің міндетті шарты емес, құқығы. Тұтынушы өз таңдауы бойынша өз құқықтарын қорғау үшін Орындаушыға, тұтынушылардың құқықтарын қорғау саласындағы уәкілетті органға, тұтынушылық дауларды сотқа дейінгі реттеу субъектілеріне немесе сотқа жүгінуге құқылы (Тұтынушылардың құқықтарын қорғау туралы заңның 42-2-бабының 1-тармағы). Тұтынушының тұрғылықты жері не Шарттың жасалу немесе орындалу орны бойынша тұтынушының құқықтарын қорғау туралы талап қою берілуі мүмкін (АПК-нің 30-бабының тоғызыншы бөлігі).

18.7. Тапсырысшының Шарт бойынша ақшалай міндеттемелері орындалатын жер — Орындаушының Қазақстан Республикасындағы орналасқан жері. Орындаушының Қазақстан Республикасында тұрғылықты жері бар Тұтынушыға талап қоюлары үшін осы тармақ соттылықты өзгертпейді: мұндай талап қоюлар АПК қағидалары бойынша Тұтынушының тұрғылықты жері бойынша беріледі (20-бөлім).

19.Қолданылатын құқық

19.1. № 1 және № 2 қосымшаларды қоса алғанда, Шарт Қазақстан Республикасының заңнамасымен реттеледі (АК-нің 1112-бабы). Қазақстан Республикасының тұтынушылардың құқықтарын қорғау туралы заңнамасы Тұтынушыға беретін құқықтар Шартпен шектелмейді.

19.2. Шарттың жасалу орны — Орындаушының Қазақстан Республикасындағы орналасқан жері.

19.3. Тараптардың Шартпен реттелмеген қатынастары Қазақстан Республикасының заңнамасымен реттеледі.

20.Тұтынушыларға арналған ерекше ережелер

20.1. Осы бөлім Шарттың Тұтынушыға қолданылмайтын талаптарын және олардың орнына қолданылатын қағидаларды санамалайды; 20.2-тармақта көрсетілген Оферта тармақтарында осы бөлімге сілтеме бар. Қосымшалардың және Қайтару саясатының тек Тапсырысшы-кәсіпкер үшін белгіленген талаптары сондай-ақ № 1 қосымшаның 1.8-тармағында, Қағидалардың 16.14-тармағында және Қайтару саясатының 11.5-тармағында санамаланған және Тұтынушыға қолданылмайды. Егер Тапсырысшы бір Серверлерге қатысты Тұтынушы, ал басқаларына қатысты Тапсырысшы-кәсіпкер болып табылса, осы бөлім 4.5.3-тармақты ескере отырып қолданылады.

20.2. Тұтынушыға мыналар қолданылмайды:

• 12.3–12.6-тармақтар (тек кінә болған кезде ғана жауаптылық, тек нақты нұқсанды ғана өтеу, жауаптылықтың ақшалай шегі, тәуелсіз үшінші тұлғалар үшін жауаптылықтан босату және негізі расталмаған шаралар туралы қағида): Орындаушының Тұтынушы алдындағы жауаптылығы Қазақстан Республикасының тұтынушылардың құқықтарын қорғау туралы заңнамасымен айқындалады, ақшалай шек белгіленбеген, айырылып қалған пайда алып тасталмайды;
• 13.2-тармақ (жауаптылықтан босататын мән-жайлардың кеңейтілген тізбесі): Тұтынушы алдында Орындаушы тек 13.3-тармақта көзделген жағдайларда ғана жауаптылықтан босатылады;
• 12.13-тармақтың Өтемақыны жауаптылық шегіне есепке жатқызу туралы және Өтемақыны ақшамен қайтармау туралы ережелері: Тұтынушы үшін Өтемақы қосымша кепілдік болып табылады және Шарт тоқтатылған кезде Дербес шоттың қалдығының құрамында ақшамен қайтарылады;
• 4.6, 18.4 және 18.5-тармақтар (міндетті наразылық тәртібі және шарттық соттылық): Тұтынушы үшін наразылық міндетті емес, соттылық АПК-мен айқындалады (18.6-тармақ);
• 18.7-тармақтың ақшалай міндеттемелер орындалатын жер туралы ережесі — Орындаушының Қазақстан Республикасында тұрғылықты жері бар Тұтынушыға талап қоюларының соттылығын айқындау үшін: мұндай талап қоюлар АПК қағидалары бойынша Тұтынушының тұрғылықты жері бойынша беріледі;
• Қағидалардың 16-бөлімінде Тапсырысшы-кәсіпкерлер үшін белгіленген тіркелген мөлшердегі айыппұлдар: Тұтынушы айыппұлды тек өз кінәсінен жол берілген критикалық немесе жоғары сыныптағы расталған Бұзушылық үшін ғана төлейді, — пайдаланылуымен Бұзушылыққа жол берілген немесе Бұзушылықты пайдалана отырып Қызметтеріне тапсырыс берілген, ақы төленген немесе Қызметтері ұзартылған Сервер Тарифінің Бұзушылыққа жол берілген Есеп айырысу кезеңі үшін оған қолданылған жеңілдіктер ескерілген құнының 30%-ы мөлшерінде (Қағидалардың 16.5-тармағы); Тұтынушыға қайтарылмайтын айыппұлдар мен тоқтата тұру тәуліктері құнының, оның ішінде ақы төлемеу кезінде, бір Сервер бойынша бір Есеп айырысу кезеңі үшін жиынтық мөлшері осы Сервер Тарифінің осы Есеп айырысу кезеңі үшін оған қолданылған жеңілдіктер ескерілген құнының 30%-ынан аспайды; айыппұл есепке жатқызылатын тұрақсыздық айыбы болып табылады (Қағидалардың 16.3–16.5-тармақтары);
• Абузаға жауап беру мерзімі айыппұл есептеу үшін, оның ішінде осы мерзімде жойылмаған жоғары сыныптағы Бұзушылық үшін айыппұлды есептеу үшін және осы белгі бойынша орташа сыныптағы Бұзушылықты жоғары сыныпқа жатқызу үшін Бұзушылықты жою мерзімі ретінде (Қағидалардың 16.3, 16.3.1 және 16.3.4-тармақтары): Тұтынушы үшін оның орнына Абуза туралы Хабарламаны алған күннен бастап күнтізбелік 7 күн мерзім қолданылады және Бұзушылықты жоймау айыппұл есептеу үшін Бұзушылық осы мерзім өткен соң да жойылмаған жағдайда ғана ескеріледі (Қағидалардың 16.5-тармағы);
• Тұтынушының келісімінсіз немесе сот шешімінсіз айыппұлдан тыс залалды есепке жатқызу (6.14 және 12.10-тармақтар): Орындаушы Тұтынушының талаптарына қарсы тек аталған шектердегі айыппұлды — Қайтару саясатының 11.3.1-тармағында көрсетілген жағдайларда (Бұзушылыққа және есепке жатқызуға Тұтынушы дау айтпаған немесе оларды мойындаған не Бұзушылық заңды күшіне енген сот актісімен немесе Қазақстан Республикасының уәкілетті мемлекеттік органының күшіне енген және күші жойылмаған актісімен анықталған), — және көрсетілген Қызметтер үшін даусыз берешекті ғана есепке жатқызуға құқылы, өзге залал Тараптардың келісімі бойынша немесе сот шешімімен өндіріп алынады;
• Тапсырысшының кінәсінсіз үшінші тұлғалардың іс-әрекеттері үшін ақшалай жауаптылық (4.12 және 12.10-тармақтар): Тұтынушы залалды тек кінәсі болған кезде ғана өтейді;
• 12.12-тармақтың Орындаушы үшінші тұлғаның талабын соттан тыс реттеу кезінде төлеген сомаларды өтеу туралы және Тапсырысшы-кәсіпкердің келісім ретіндегі үндемей қалуы туралы ережесі: Тұтынушы негізділігі заңды күшіне енген сот актісімен, Қазақстан Республикасының уәкілетті мемлекеттік органының актісімен немесе өзінің келісімімен расталған сомаларды ғана және тек кінәсі болған кезде ғана өтейді (12.10-тармақ);
• 12.15-тармақ (Тапсырысшы-кәсіпкердің клиенттері мен пайдаланушыларының талаптары бойынша Орындаушыдан өндіріп алынған сомаларды өтеу);
• 5.10 және 10.13-тармақтардың шабуыл аяқталғаннан кейінгі шаралар туралы және Серверге бағытталған шабуыл немесе Бұзушылық болып табылмайтын өзге шығыс трафик себебінен жоғары тұрған жеткізушілердің шаралары туралы ережелері және 12.9-тармақтың Орындаушының кінәсін Тапсырысшы дәлелдейтіні туралы қағидасы: Орындаушыны Тұтынушы алдындағы жауаптылықтан босату 13.3-тармақпен айқындалады;
• 17.6-тармақтың Тапсырысшы-кәсіпкердің өзгерістермен келісім ретіндегі үндемей қалуы туралы ережесі;
• Тұтынушының Бұзушылығын осы тармақтың қағидалары бойынша растамай, 6.9.1-тармақ бойынша Бонустардың күшін жою және Қызметтердің құнын қосымша есептеу;
• Орындаушының айыппұл мен шығыстар төленгенге дейін шектеулерді алып тастамау құқығы (Қағидалардың 12.8-тармағының соңғы сөйлемі);
• Тұтынушының расталған Бұзушылығынсыз және осы тармақта айыппұлдар үшін белгіленген жиынтық шектен тыс тоқтата тұру кезеңіне ақы төлеу міндеті (7.5 және 10.7-тармақтар): Тұтынушы тоқтата тұру кезеңіне тек өз кінәсінен жол берілген расталған Бұзушылық болған кезде (10.7-тармақ), оның ішінде ақы төлемеу кезінде, және тиісті Сервер Тарифінің Есеп айырысу кезеңі үшін оған қолданылған жеңілдіктер ескерілген құнының 30%-ы мөлшеріндегі жиынтық шектің шегінде ғана ақы төлейді; осы шектен тыс тоқтата тұру тәуліктерінің құнын Орындаушы Есеп айырысу кезеңін ұзарту немесе Дербес шотқа есептеу арқылы өтейді (10.8-тармақ), ал Шарт тоқтатылған кезде пайдаланылмаған тәуліктердің құнының құрамында қайтарады;
• Абузаға жауап беру мерзімін (Қағидалардың 11-бөлімі) өткізіп алудың айыппұл, тоқтата тұру кезеңіне ақы төлеу және Шарттан бас тарту үшін салдары: бұл мерзімді өткізіп алу Тұтынушы үшін тек 10-бөлімде көзделген шараларға ғана әкеп соғады. Тұтынушының өзі мойындамаған Бұзушылығы айыппұл, тоқтата тұру кезеңіне ақы төлеу, Бонустардың күшін жою және Орындаушының 11.5-тармақ бойынша Шарттан бас тартуы үшін үш жағдайдың бірінде расталды деп есептеледі: Тұтынушы шара туралы Хабарламаны, ал егер шара қолданылмаса, — жауап беруді талап ететін Абуза туралы Хабарламаны (Қағидалардың 2.4-тармағы, Қағидалардың 13-бөлімі) алған күннен бастап күнтізбелік 7 күн ішінде дәлелдемелері қоса берілген уәжді қарсылықтар ұсынбаған және Бұзушылық шағымның өзінен және қабылданған шаралар туралы мәліметтерден басқа Қағидалардың 14.1-тармағында көрсетілген мәліметтермен расталады; оның қарсылықтары Қағидалардың 13-бөлімінде белгіленген тәртіппен қабылданбаған; Бұзушылық заңды күшіне енген сот актісімен немесе Қазақстан Республикасының уәкілетті мемлекеттік органының күшіне енген және күші жойылмаған актісімен анықталған;
• № 1 қосымшаның, Қағидалардың және Қайтару саясатының тек Тапсырысшы-кәсіпкер үшін белгіленген және № 1 қосымшаның 1.8-тармағында, Қағидалардың 16.14-тармағында және Қайтару саясатының 11.5-тармағында санамаланған ережелері: Тұтынушыға осы құжаттардың Тұтынушы үшін белгіленген қағидалары қолданылады;
• көрсетілген Қызметтердің құнын, 30% шегіндегі айыппұлды және Тұтынушының өз бастамасы бойынша Шарттан немесе Қызметтен бас тарту кезінде төлем ұйымының қайтару үшін Орындаушыдан іс жүзінде ұстап қалған комиссиясын қоспағанда, қайтарылатын сомадан кез келген ұстап қалулар (Қайтару саясатының 11-бөлімі).

20.3. Егер Шарттың өзге ережесі Қазақстан Республикасының тұтынушылардың құқықтарын қорғау туралы заңнамасының императивтік нормасына қайшы келсе, Тұтынушыға заңнама нормасы қолданылады (21.2-тармақ).

20.4. Шарт Тұтынушының Қазақстан Республикасының заңнамасында көзделген құқықтарын, оның ішінде Қызметтің кемшіліктері кезіндегі құқықтарын (Тұтынушылардың құқықтарын қорғау туралы заңның 35-бабы), моральдық зиянды өтеу құқығын (Тұтынушылардың құқықтарын қорғау туралы заңның 21-бабы) және кез келген уақытта Шарттан бас тарту құқығын (АК-нің 686-бабының 1-тармағы) шектемейді. Егер Тұтынушыға Қызмет туралы толық емес немесе дұрыс емес ақпарат беру Тұтынушыға қажетті қасиеттері жоқ Қызметке тапсырыс беруге әкеп соқса, ол Шартты бұзуға және өзіне келтірілген залалды өтеуді талап етуге құқылы; өзге салдарлар Тұтынушылардың құқықтарын қорғау туралы заңның 10-бабының 2-тармағымен айқындалады.

20.5. Тұтынушыларға арналған мәліметтер:

20.6. Тұтынушы өзінің бұзылған құқықтары мен заңды мүдделерін қорғау үшін Орындаушыға, тұтынушылардың құқықтарын қорғау саласындағы уәкілетті органға, тұтынушылық дауларды сотқа дейінгі реттеу субъектілеріне немесе сотқа жүгінуге құқылы.

21.Қорытынды ережелер

21.1. Егер Шарттың қандай да бір ережесі жарамсыз деп танылса, қалған ережелер күшін сақтайды (АК-нің 161-бабы); жарамсыз ереженің орнына Қазақстан Республикасы заңнамасының нормалары қолданылады.

21.2. Егер Шарттың ережесі Қазақстан Республикасы заңнамасының императивтік нормасына қайшы келсе, заңнама нормасы қолданылады. Тұтынушыға қолданылмайтын талаптар 20-бөлімде санамаланған.

21.3. Орындаушы өзінің Тапсырысшыға қойылатын, орындалу мерзімі жеткен ақшалай талаптарын Тапсырысшының келісімінсіз үшінші тұлғаларға беруге құқылы. Орындаушының Шарт бойынша өз міндеттемелерін үшінші тұлғаға ауыстыруына тек Орындаушы Хабарлама арқылы сұрайтын Тапсырысшының келісімімен ғана жол беріледі; Тапсырысшы келісім бермеуге не Дербес шоттың пайдаланылмаған қалдығын және Есеп айырысу кезеңінің пайдаланылмаған бөлігінің құнын Қайтару комиссиясын ұстамай қайтарумен Шарттан бас тартуға құқылы; қайтарылатын сомадан тек Қайтару саясатының 4.8-тармағында көрсетілген сомалар ғана алып тасталады.

21.4. Тапсырысшы Орындаушының жазбаша келісімінсіз Шарт бойынша құқықтарды беруге және міндеттерді ауыстыруға құқылы емес. Тапсырысшы Қосалқы пайдаланушылар мен өзге тұлғаларға Серверге қол жеткізуді 4.11 және 9.1-тармақтардың және Қағидалардың 4-бөлімінің шегінде ұсынады және олардың іс-әрекеттері үшін 9.3-тармақ бойынша жауап береді. Қызметтерді қайта сатуға және Серверді, оның ресурстары мен IP-мекенжайларын үшінші тұлғаларға өз бетінше пайдалану үшін ақыға немесе өтеусіз беруге Орындаушының бөлек келісімінсіз Қағидалардың 4.10–4.12-тармақтарында белгіленген талаптармен жол беріледі; мұндай әрекеттер Шарт бойынша құқықтарды беру немесе міндеттерді ауыстыру болып табылмайды: Шарттың тарапы Тапсырысшы болып қала береді, ал Орындаушының оның пайдаланушылары алдында міндеттемелері жоқ. Тапсырысшының пайдаланушылары Есептік жазбаға тек Қосалқы пайдаланушылар ретінде қол жеткізеді; Тапсырысшының Есептік жазбасы, оның паролі, API-кілттері және Есептік жазбадағы өзге де аутентификация құралдары басқа тұлғаларға берілмейді (4.11 және 4.12-тармақтар).

21.5. Сайтқа, Басқару панеліне және Орындаушының бағдарламалық қамтылымына, олардың дизайны мен мәтіндеріне айрықша құқықтар Орындаушыға немесе оның лицензиарларына тиесілі. vds.rent белгілемесін Орындаушы Қызметтерді дараландыру үшін пайдаланады; Тапсырысшы оны Орындаушының жазбаша келісімінсіз пайдалануға құқылы емес. Тапсырысшы Басқару панелін және API-ді Шарттың қолданылу мерзімі ішінде тек Қызметтерді алу үшін ғана пайдалануға құқылы. Басқару панелі мен API-ді көшіруге, декомпиляциялауға және оларды қорғаудың техникалық құралдарын айналып өтуге тыйым салынады.

21.6. Орындаушының Шартта көзделген құқықты жүзеге асырмауы бұл құқықтан бас тартуды білдірмейді.

21.7. Бөлімдердің тақырыптары оқудың ыңғайлылығына арналған және Шартты түсіндіруге әсер етпейді.

22.Орындаушының деректемелері мен байланыс деректері

22.1. Орындаушының деректемелері:

22.2. Орындаушымен байланыс арналары: